កីឡា

ក្រុមបាល់បោះនារីខេត្តកណ្តាលជាខេត្តមួយគត់ បានឈ្នះមេដាយក្នុងកីឡាជាតិ

បានផុស

២ years មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

ការប្រកួតកីឡាបាល់បោះបានបញ្ចប់ហើយនៅក្នុងព្រឹត្តិការណ៍កីឡាជាតិ លើកទី៤ និងកីឡាជាតិជនពិការ លើកទី២ ឆ្នាំ២០២៤ ដោយបានរកឃើញជ័យលាភីមេដាយទាំង៣វិញ្ញាសាហើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកីឡាការិនីបាល់បោះខេត្តកណ្តាលបានក្លាយជាក្រុមមកពីខេត្តតែមួយគត់ទទួលបានមេដាយ។ ក្រៅពីនេះសុទ្ធតែក្រុមនៅរាជធានីភ្នំពេញបានក្រសោបយកមេដាយមាស ប្រាក់ និងសំរិទ្ធ។

វិញ្ញាសាបាល់បោះបុរស៣នាក់ទល់៣នាក់ ក្រុមបាល់បោះមកពីក្រសួងក្រសួងការពារជាតិ បានឈ្នះមេដាយមាស ក្រុមបាល់បោះក្រសួងមហាផ្ទៃ បានមេដាយប្រាក់ និង ក្រុមបាល់បោះក្រសួងសេដ្ឋកិច្ច និងហិរញ្ញវត្ថុ ទទួលបានមេដាយសំរិទ្ធ។

វិញ្ញាសាបាល់បោះបុរស៥នាក់ទល់៥នាក់ ក្រុមបាល់បោះក្រសួងការពារជាតិ បានឈ្នះមេដាយមាសទៀត ខណៈក្រុមបាល់បោះក្រសួងមហាផ្ទៃ ក៏បន្តឈ្នះមេដាយប្រាក់ និងក្រុមបាល់បោះរាជធានីភ្នំពេញ ទទួលបានមេដាយសំរិទ្ធ។

ដោយឡែក វិញ្ញាសាបាល់បោះនារី៥ទល់៥នាក់ ក្រុមក្រសួងមហាផ្ទៃបានឈ្នះមមេដាយមាស ក្រុមបាល់បោះក្រសួងការពារជាតិ បានមេដាយប្រាក់ និងមេដាយសំរិទ្ធ បានធ្លាក់ទៅក្រុមបាល់បោះខេត្តកណ្តាល ដែលបានក្លាយជាខេត្តមួយគត់មានឈ្មោះឡើងទទួលមេដាយ។