កីឡា
ក្លិបប្រដាល់គុនខ្មែរមួយនៅព្រះសីហនុ កម្ពស់ ៥ ជាន់ គ្រោងចំណាយ ៣ លានដុល្លារ
សហព័ន្ធកីឡាប្រដាល់គុនខ្មែរបានប្រកាសពីការក្លិបប្រដាល់គុនខ្មែរមួយឈ្មោះ CN19 នៅខេត្តព្រះសីហនុ គ្រោងចំណាយដើមទុនប្រមាណ ៣ លានដុល្លារអាមេរិកដើម្បីសាងសង់កម្រិតស្តង់ដាអន្តរជាតិ។
កាលពីថ្ងៃទី៣១ ខែសីហា ឆ្នាំ ២០២៥ លោក ខូវ ឆាយ ប្រធានសហព័ន្ធប្រដាល់គុនខ្មែរ បានចុះទៅត្រួតពិនិត្យ និងភាក្សាជាមួយលោក Tao ជាជនជាតិចិនជាអ្នកកសាងក្លិបប្រដាល់គុនខ្មែរ CN19។ ក្លិបនេះនឹងត្រូវកសាងជាកន្លែងហ្វឹកហាត់ និងសង្វៀនប្រកួតដែលមានកម្រិតស្តង់ដាអន្តរជាតិ។ តាមការគ្រោងទុកគឺ កសាងនៅលើផ្ទៃដីទំហំ ៥០០០ម៉ែត្រការ៉េ កម្ពស់ ៥ ជាន់ ដែលគ្រោងចំណាយទុនប្រមាណ ៣ លានដុល្លារអាមេរិក។
គោលបំណងដៅសំខាន់នៃក្លិបប្រដាល់នេះគឺជាកន្លែងបណ្តុះបណ្តាលកីឡាករ កីឡាការិនីប្រដាល់ និងជាកន្លែងរៀបចំការប្រកួតព្រឹត្តិការណ៍ធំៗកម្រិតអន្តរជាតិដើម្បីជំរុញឲ្យវិស័យកីឡាប្រដាល់គុនខ្មែរកាន់តែរីកចម្រើនលើឆាកអន្តរជាតិ។ ម្យ៉ាងវិញនេះ ក៏ជាផ្នែកមួយនៃការទាក់ទាញភ្ញៀវទេសចរណ៍ជាតិ អន្តរជាតិនៅទីក្រុងព្រះសីហនុ ដែលជាតំបន់ទេសចរណ៍ដ៏មានសក្តានុពល។
បច្ចុប្បន្ន ក្លិបប្រដាល់លក្ខណៈប្រពៃណីជាច្រើនបានអភិវឌ្ឍខ្លួនក្លាយជាក្លិបប្រដាល់ស្តង់ដាដែលមានទីកន្លែងហ្វឹកហាត់ធំទូលាយ សម្ភារហ្វឹកហាត់ទំនើប និងកន្លែងស្នាក់នៅច្បាស់លាស់។ មិនត្រឹមតែប៉ុណ្ណោះ អ្នកវិនិយោគចិនកាន់តែច្រើនបានមកបង្កើតក្លិបប្រដាល់គុនខ្មែរ និងវិទ្យាស្ថានគុនខ្មែរនៅក្នុងប្រទេសកម្ពុជា។
បន្ថែមលើនេះ សហព័ន្ធកីឡាប្រដាល់គុនខ្មែរបានកំពុងសហការជាមួយសង្វៀនប្រដាល់ជាច្រើននៅប្រទេសចិនដើម្បីបង្កើតក្លិបប្រដាល់គុនខ្មែរ និងរៀបចំព្រឹត្តិការណ៍គុនខ្មែរនៅប្រទេសចិន។ ជាក់ស្តែងកាលពីខែកក្កដា ឆ្នាំ ២០២៥ មានព្រឹត្តិការណ៍គុនខ្មែរនៅប្រទេសចិន ហើយនៅសប្តាហ៍ទី២ នៃកញ្ញា ឆ្នាំ២០២៥ ក៏មានព្រឹត្តិការណ៍គុនខ្មែរទៅប្រកួតនៅប្រទេសចិនថែមទៀត៕
អត្ថបទ៖ វីរបុត្រ
-
ព័ត៌មានជាតិ៦ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម១ សប្តាហ៍ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ៤ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ១ សប្តាហ៍ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
សេដ្ឋកិច្ច១ សប្តាហ៍ agoកម្ពុជា មានក្រុមហ៊ុននាំចូលសាច់បង្កកចំនួន ៥៧
-
ព័ត៌មានជាតិ៧ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ១ សប្តាហ៍ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS
-
សន្តិសុខសង្គម៤ ថ្ងៃ agoសមត្ថកិច្ចចុះស្រាវជ្រាវករណីព្រះសង្ឃចាក់សាក់លើរាងកាយស្ត្រីបង្ហោះ TikTok រកឃើញព្រះសង្ឃ ៥អង្គមានសារធាតុញៀន