ភរិយាស្ថាបនិក Oracle ក្លាយជានារីដែលគេចាប់ភ្នែកខ្លាំង ដោយសារតែសម្រស់ក្មេងជាងវ័យ

កាលពីពេលថ្មីៗនេះ លោក Larry Ellison ដែលជាប្រធាន និងជាសហស្ថាបនិកនៃសាជីវកម្មកម្មវិធី Oracle បានវ៉ាដាច់លោក Elon Musk ជាផ្លូវការ ដោយក្លាយជាអ្នកមានបំផុតនៅលើពិភពលោក។ ដ្បិតតែកាន់តំណែងមួយនេះរយៈពេលខ្លី ប៉ុន្តែសាធារណជនជាច្រើនហាក់យកចិត្តទុកដាក់កាន់តែខ្លាំងចំពោះជីវិតឯកជនរបស់គាត់ ជាពិសេស Jolin Zhu ដែលត្រូវបានគេចាត់ទុកថាជាប្រពន្ធបច្ចុប្បន្នរបស់​មហាសេដ្ឋី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនពេលក្លាយជាប្តីប្រពន្ធរបស់មហាសេដ្ឋីអាមេរិក Jolin Zhu រស់នៅក្នុងតំបន់ Bay Area រដ្ឋកាលីហ្វ័រញ៉ា ក្នុងអាផាតមិនជួលក្នុងតម្លៃប្រហែល ២,៦០០ដុល្លារក្នុងមួយខែ។ អាផាតមិននេះមានទីតាំងនៅជិតទីស្នាក់ការកណ្តាលរបស់ Oracle ដោយបង្កើនការរំពឹងទុកថានាងធ្លាប់ធ្វើការនៅទីនេះ ហើយប្រហែលជាស្គាល់ Ellison តាំងពីពេលនោះមក។

យោងតាម ​​SCMP អត្តសញ្ញាណរបស់នាងត្រូវបានលើកឡើងភ្លាមៗនៅក្នុងព្រឹត្តិការណ៍កីឡាមួយ៖ សាកលវិទ្យាល័យ Michigan បានប្រកាសជ្រើសរើសតារាបាល់ទាត់អាយុ១៧ ឆ្នាំ Bryce Underwood ។ នៅពីក្រោយកិច្ចព្រមព្រៀងដ៏ចម្រូងចម្រាសនេះ គឺជាការបរិច្ចាគដ៏សប្បុរសពី Ellison ។ ក្រោយមក សាកលវិទ្យាល័យបានផ្ញើលិខិតថ្លែងអំណរគុណដល់លោក Ellison និង Mrs. Jolin នៅក្នុងលិខិតចំហមួយ ដោយទាក់ទាញការយកចិត្តទុកដាក់បន្ថែមទៀតចំពោះទំនាក់ទំនងរវាងមហាសេដ្ឋីបច្ចេកវិទ្យា និងភរិយាវ័យក្មេងរបស់គាត់។

បច្ចុប្បន្ននេះ ស្រ្តីវ័យ ៣៤ ឆ្នាំ ត្រូវបានគេនិយាយថា កំពុងរស់នៅក្នុងវិមានរបស់ Ellison ដែលមានតម្លៃប្រហែល ១១០លានដុល្លារក្នុងរដ្ឋ California ។ លើសពីនេះ នាងក៏ត្រូវបានគេរកឃើញថាបានចុះឈ្មោះបោះឆ្នោតនៅរដ្ឋផ្លរីដា ជាកន្លែងដែលលោក Ellison ជាម្ចាស់អចលនទ្រព្យដែលមានតម្លៃប្រហែល ១៧៣ លានដុល្លារផងដែរ។

Larry Ellison កើតនៅឆ្នាំ ១៩៤៤ គឺជាស្ថាបនិក និងជាប្រធាន និងជាប្រធានផ្នែកបច្ចេកវិទ្យារបស់ Oracle ។ គាត់បានឆ្លងកាត់អាពាហ៍ពិពាហ៍ពីមុនជាច្រើនរួមទាំងជាមួយនាង Adda Quinn, Nancy Wheeler Jenkins, Barbara Boothe, Melanie Croft និង Nikita Kahn ។

ឥឡូវនេះលោក Larry Ellison មានអាយុ ៨១ ឆ្នាំមិនត្រឹមតែមានទ្រព្យសម្បត្តិដ៏ច្រើនប៉ុណ្ណោះទេ ថែមទាំងមានជីវិតផ្ទាល់ខ្លួនដែលធ្វើឱ្យសាធារណជនមានការចង់ដឹងចង់ឃើញផងដែរ។ ភរិយាទី៦របស់គាត់ស្ទើរតែលាក់ពីប្រព័ន្ធផ្សព្វផ្សាយ ដោយជ្រើសរើសរបៀបរស់នៅស្ងប់ស្ងាត់។

យ៉ាងណាមិញ នៅលើបណ្តាញទំនាក់ទំនងសង្គម Weibo ប្រធានបទ ប្រពន្ធរបស់បុរសដែលមានជាងគេលើពិភពលោកគឺជានារីជនជាតិចិន បានឡើងដល់កំពូលនៃការស្វែងរកយ៉ាងឆាប់រហ័ស។ នៅក្នុងនោះ មានមតិចម្រុះឆ្លុះបញ្ចាំងពីភាពទាក់ទាញពិសេសនៃអាជីព និងជីវិតផ្ទាល់ខ្លួនរបស់មហាសេដ្ធី Ellison ជាតួអង្គដែលកំពុងគ្រប់គ្រងចំណាត់ថ្នាក់ទ្រព្យសម្បត្តិសកល៕

អត្ថបទ៖ សាង ស្រីល័ក្ខ

ចុចអាន៖Elon Musk លែងមានងារជាអ្នកមានជាងគេលើលោក ខណៈស្ថាបនិក Oracle វ៉ាដាច់វិញ