ព័ត៌មានជាតិ

តំណាងលោកជំទាវម៉ែន សំអន ផ្ដល់អំណោយជូនដល់អាជ្ញាធរនិងសមត្ថកិច្ចគ្រប់ខណ្ឌទាំង ១៤ក្នុងយុទ្ធនាការប្រយុទ្ធប្រឆាំងនឹងកូវីដ១៩

បានផុស

៥ years មុន

នៅ

ថ្ងៃសុក្រ ៩ មេសា ២០២១

ដោយ

ភ្នំពេញ ៖ លោកហួត ហាក់ រដ្ឋលេខាធិការ តំណាងដ៏ខ្ពង់ខ្ពស់ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាល ចុះជួយរាជធានីភ្នំពេញ បានប្រគល់អំណោយជូនរដ្ឋបាលខណ្ឌ អធិការដ្ឋាននគរបាលខណ្ឌ និងកងរាជអាវុធហត្ថខណ្ឌទាំង ១៤ នៃរាជធានីភ្នំពេញ នារសៀលថ្ងៃសុក្រ ១២រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី១០ ខែមេសា ឆ្នាំ២០២១ ទីស្តីការក្រសួង ដើម្បីប្រើប្រាស់ក្នុងយុទ្ធនាការប្រឆាំងនឹងជំងឺរាតត្បាតកូវីដ១៩ដ៏កាចសាហាវនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឆ្លៀតក្នុងឱកាសនោះ លោករដ្ឋលេខាធិការហួត ហាក់ក៏បានពាំនាំនូវការផ្តាំផ្ញើសាកសួរសុខទុក្ខពី សំណាក់លោកជំទាវកិត្តិសង្គហបណ្ឌិត ជូនដល់អស់ លោក លោកស្រី ដែលបានចូលរួមនាពេលនេះ ដោយក្តីនឹករលឹក និងបានគិតគូរអំពីសុខទុក្ខរបស់បងប្អូននៅក្នុងមូលដ្ឋានរាជធានីភ្នំពេញផងដែរ។

ក្នុងនាមលោកជំទាវកិត្តិសង្គហបណ្ឌិត លោករដ្ឋលេខាធិការក៏បានថ្លែងអំណរគុណយ៉ាងជ្រាលជ្រៅ ជូនដល់សមត្ថកិច្ច និង អាជ្ញាធរនៅគ្រប់មូលដ្ឋានទាំងអស់ ដែលបានយកចិត្តទុក្ខដាក់បំពេញភារកិច្ចបម្រើការពារ ជូនប្រជាពលរដ្ឋនៅក្នុងមូលដ្ឋានរបស់ខ្លួនទទួលបានលទ្ធផលគួរជាទីមោទនៈ ជាពិសេស ការចូលរួមប្រយុទ្ធប្រឆាំងនឹងជំងឺកូវីដ១៩។

លោករដ្ឋលេខាធិការក៏បានលើកទឹកចិត្តឲ្យស្ថាប័នទាំងអស់ ត្រូវអនុវត្តឲ្យបានខ្ជាប់ខ្ជួនបន្ថែមទៀត នូវវិធានការសំខាន់ៗដែលក្រសួងសុខាភិបាល និង វិធានការណ៍ ៣ការពារ ៣កុំ របស់រាជរដ្ឋាភិបាល ដើម្បីចូលរួមក្នុងការទប់ស្កាត់ការឆ្លងរីករាលដាលនៃជំងឺកូវីដ១៩។

អំណោយរួមមានក្នុងថ្ងៃនេះរួមមាន ៖ លោកជំទាវកិត្តិសង្គហបណ្ឌិត ឧបត្ថម្ភថវិកា ២១លានរៀល និងអង្ករ ៣តោន លោក ឧកញ៉ា ផែរ ហុកឈួន និងលោកស្រីឧកញ៉ា អ៊ឹង ស៊ីស្រ៊ន ឧបត្ថម្ភ ទឹកសុទ្ធ ៦៣០កេស ,លោក លីវ សុភ័ក្ត្រា ឧបត្ថម្ភ ឧបករណ៍លាងដៃ និងប្រដាប់វាស់កម្តៅស្វ័យប្រវត្តិ ចំនួន ៥៦គ្រឿង ជែលអាល់កុល ៥៦កេស និង លោក នៅ សារី អគ្គនាយកក្រុមហ៊ុន រ៉ាកាន់ណាហ្គា ខេមបូឌា ដែលបានឧបត្ថម្ភម៉ាស់ ១១២កេស៕

ដោយ ៖ វិមាន