វប្បធម៌ ជំនឿ

សាងបុណ្យដោយវិធី ៣ នេះ នឹងទទួលបានកុសលចម្រើនដល់ខ្លួនឯង និងអ្នកដទៃ

បានផុស

៤ years មុន

នៅ

ថ្ងៃចន្ទ ៩ ឧសភា ២០២២

ដោយ

បុណ្យក្នុងព្រះពុទ្ធសាសនា មានន័យថា ធ្វើអំពើល្អ ប្រព្រឹត្តត្រឹមត្រូវ ទាំងផ្លូវកាយ វាចា និងផ្លូវចិត្ត។ ការសាងកុសល មានច្រើនទម្រង់ ប៉ុន្តែតើធ្វើដូចម្ដេច ដើម្បីបានបុណ្យកុសលដ៏ខ្ពង់ខ្ពស់? ជាទូទៅវិធីនៃការធ្វើបុណ្យ អាចចែកចេញជាបីយ៉ាង គឺការឲ្យទាន សិក្ខាបទ និងសមាធិ។ បើទទួលបានបុណ្យខ្ពង់ខ្ពស់ វាអាស្រ័យលើសមាសធាតុបីខាងក្រោម៖

១ ទាន

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ភារៈដែលបានផ្តល់ឲ្យ ត្រូវតែបរិសុទ្ធ មានន័យថា អ្វីដែលអាចទទួលបានដោយខ្លួនឯង បានមកជាមួយភាពបរិសុទ្ធ មិនទៅរំលោភលើនរណាម្នាក់ ឬបានមកចេតនាណាមួយ។ ពោលគឺមុននឹងឲ្យទាន ត្រូវតែមានជំនឿ។ ឲ្យដោយសេចក្តីរីករាយ ហើយបន្ទាប់ពីបានឲ្យទៅ គិតត្រឡប់ទៅកាន់ទានដែលឲ្យនោះ ហើយត្រេកអរ ឬរីករាយនឹងអ្វីដែលបានធ្វើ។

២ រក្សាសិក្ខាបទ

សិក្ខាបទទាំង ៥ ដែលជាពាក្យប្រៀនប្រដៅរបស់ពុទ្ធសាសនិកជន គឺ វៀរចាកការសម្លាប់សត្វមានជីវិត វៀរចាកការលួច វៀរចាកការប្រព្រឹត្តខុសក្នុងកាម វៀរចាកការភូតភរ និង វៀរចាកការសេពសុរា។ យ៉ាងណាមិញ យើងត្រូវតែជាអ្នករក្សាសិក្ខាបទដោយបរិសុទ្ធ ទើបទទួលបានផលបុណ្យដោយចិត្តបរិសុទ្ធដែរ។

៣ សមាធិ

ធ្វើចិត្តឲ្យស្ងប់ ផ្ចង់អារម្មណ៍ មិនរវើរវាយ បំបាត់នូវអារម្មណ៍ផ្សេងៗ ហើយនៅពេលដែលចិត្តមាំទាំក្នុងសមាធិ រឿងបន្ទាប់គឺអភិវឌ្ឍប្រាជ្ញា ដែលនេះខុសពីការធ្វើសមាធិ គឺយើងត្រូវប្រើគំនិត ហើយធ្វើសមាធិដើម្បីឃើញការពិត អ្វីៗក្នុងលោកនេះ កើតមកមានហើយរលត់ទៅដោយធម្មជាតិ អនិច្ចា ទុគ៌ត មិនមែនជារបស់ខ្លួនឡើយ។ ដូច្នេះកុំលោភលន់ កុំចង់បាន កុំអួត កុំធ្វើបាបគេ យកជាឈ្នាន់សប្បាយរបស់ខ្លួន។

ចុងក្រោយនេះ កាលបើពិចារណាឃើញនូវធម៌ទាំង ៣ យ៉ាងនោះហើយ ត្រូវគិតថា អ្វីទាំងអស់កើតចេញពីយើងទាំងអស់គ្នា។ មិនថាជាកាយវិការ ការនិយាយ ចិត្ត អ្វីដែលសំខាន់មួយទៀតនោះគឺថា បុណ្យនឹងមានច្រើនឬតិច វាអាស្រ័យលើចេតនារបស់អ្នក ជំនឿរបស់អ្នក ដើម្បីធ្វើវាផងដែរ៕

គ្រូ ណុប

ចុចអាន៖ទម្លាប់ចាយលុយអស់ៗគ្មានសល់ តាមជំនឿ អាចមកពីកម្មផលចាស់ៗពីអតីតជាតិ

ចុចអាន៖វិបស្សនាជាអ្វី ហើយមានគោលបំណងដើម្បីអ្នកណា?