វប្បធម៌ ជំនឿ

ធ្លាប់លើសលស់ លើអ្នកមានគុណ ទាំងផ្លូវកាយ និងផ្លូវចិត្ត ចូរប្រើវិធីនេះលុបលាងផលកម្មវិញ

បានផុស

៤ years មុន

នៅ

ថ្ងៃសុក្រ ១៨ មីនា ២០២២

ដោយ

ធ្លាប់មានការលើសលស់លើឪពុកម្ដាយ មិនថាមានចេតនាក្ដី ឬអចេតនាដែរទេ? យ៉ាងណាមិញ ការលុបលាងផលកម្ម អាក្រក់ ដែលធ្លាប់ធ្វើបាបឪពុកម្ដាយទាំងផ្លូវកាយ និងផ្លូវចិត្ត គឺយើងអាចលុបលាងកម្មទាំងនោះបាន។ ប្រសិនបើយើងមានសទ្ធាជ្រះថ្លា និងចិត្តមេត្តា ចង់ជម្រះនៅរឿងអាក្រក់ៗទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មានវិធីងាយស្រួល ក្នុងការចាប់ផ្ដើមដូចជា៖

១ ប្រសិនបើលោកអ្នកមានគុណរបស់អ្នក នៅមានជីវិត ត្រូវកែប្រែអាកប្បកិរិយារបស់អ្នក ដោយគិតល្អ ធ្វើល្អ និយាយល្អជាមួយលោកទាំងពីរ។ អំឡុងពេលនេះ ត្រូវធ្វើចេញពីចិត្តដោយទិញនំចំណីចំណុកឲ្យលោកពិសា ជូនលោកទៅធ្វើបុណ្យទានរក្សាសីល ទាន់លោកនៅភ្នែកភ្លឺដើរបាន។ មួយវិញទៀត ត្រូវនិយាយស្ដីពីរោះពិសា គិតអ្នកមានគុណ ធំជាងអ្វីទាំងអស់។

២ បើអ្នកមានគុណបានចែកឋានទៅកាន់បរលោកហើយ ចូរអ្នកជាកូនត្រូវធ្វើបុណ្យ បរិច្ចាគដល់អ្នកអត់ជាងខ្លួន ហើយសុំការអភ័យទោសឲ្យបានញឹកញាប់ ពីសំណាក់លោកទាំងពីរ។

ទន្ទឹមនោះ អ្វីដែល គ្រូ ណុប ចង់ដាស់សតិដល់មិត្តអ្នកអានគ្រប់គ្នាថា ប្រសិនបើបានជ្រុលកាយជ្រុលគំនិត លើសលស់ដល់ឪពុកម្ដាយដោយចៃដន្យ ឬគ្មានចេតនាឡើយ។ តែចង់សុំទោស និងឲ្យលោកអត់អោន នោះត្រូវប្រញាប់ធ្វើឲ្យហើយ បុណ្យក៏ដោយ បើចង់ធ្វើទាន់លោកនៅមានជីវិតរស់នៅ ហើយគ្រូមិនបានប្រមាថជីវិតលោកដែរ។ គ្រាន់តែថា អ្វីគ្រប់យ៉ាងលើលោកនេះគឺមិនទៀងទាត់ទេ អ្វីដែលសំខាន់ ត្រូវធ្វើបុណ្យទាន់ខែភ្លឺ កុំចាំដល់ខែងងឹត មកសំពះផ្នូរសុំការអភ័យ ពេលនោះវាគ្មានន័យអ្វីទៀតទេ៕

គ្រូ ណុប

ចុចអាន៖វិធី ១០ យ៉ាង ជួយបង្កើនបុណ្យកុសលឲ្យខ្លួនឯង និងអ្នកជុំវិញ

ចុចអាន៖បុគ្គលដែលវាសនាចារជាមហាសេដ្ឋី ត្រូវមានលក្ខណៈសម្បត្តិ ៧ នេះលើផ្ទៃមុខ

Related Topics:ការធ្វើបុណ្យ