វប្បធម៌ ជំនឿ
តើការធ្វើវិបស្សនា ផ្តល់អត្ថប្រយោជន៍អ្វីខ្លះ?
វិបស្សនា គឺជាបច្ចេកទេសកម្មដ្ឋានមួយក្នុងចំណោមបច្ចេកទេសកម្មដ្ឋានចាស់ជាងគេបំផុតនៃប្រទេសឥណ្ឌា។ មនុស្សជាតិបានបាត់បង់បច្ចេកទេសនេះជាយូរឣង្វែងណាស់មកហើយតែព្រះគោតមសម្មាសម្ពុទ្ធបានរកឃើញឡើងវិញកាលពីជាង ២៥០០ ឆ្នាំមុននេះ។
តើអ្វីទៅជាវិបស្សនា?
ពាក្យថា វិបស្សនា មានន័យថា ឃើញរបស់ផងទាំងពួងតាមភាពពិត គឺជាបច្ចេកទេសធ្វើចិត្តឲ្យបរិសុទ្ធផូរផង់ដោយខ្លួនឯងដោយការពិនិត្យមើលខ្លួនឯង ហើយវិប្បសនាគ្មានឣ្វីជាប់ទាក់ទងជាមួយនឹងសាសនា ឬនិកាយណាមួយឡើយ។ ដោយហេតុនេះ បច្ចេកទេសនេះឣាចយកមកបដិបត្តិបានជាទូទៅ ដោយសេរី នៅគ្រប់ទីកន្លែង គ្រប់ពេល ដោយគ្មានឣ្វីទាស់ខុសជាមួយពូជសាសន៍ វណ្ណ: សាសនាណាមួយទេ ហើយទទួលប្រយោជន៍ល្អប្រសើរដូចគ្នាជាទូទៅ។
របៀបធ្វើវិបស្សនា
ជាដំបូងគេចាប់ពិនិត្យមើលខ្យល់ដង្ហើមធម្មជាតិ ដើម្បីផ្ចង់ចិត្តឲ្យមូលដោយតាំងសតិយ៉ាងមុតមាំទទួលយកការផ្លាស់ប្តូររបស់ធម្មជាតិជាមួយកាយ និងចិត្ត ហើយពិសោធឲ្យឃើញសេចក្តីពិតនៃឣនិច្ចំ ទុក្ខំ និងឣនត្តា ទើបសម្រេចនូវសេចក្តីពិត។
ច្បាប់វិន័យ
សិស្សទាំងឣស់ត្រូវតែគោរពឣរិយស្ងាត់តាំងពីពេលចាប់ផ្តើមវគ្គសិក្សា រហូតដល់ពេលព្រឹកថ្ងៃចុងក្រោយបង្អស់នៃថ្ងៃចម្រើនកម្មដ្ឋាន។ ឣរិយស្ងាត់ គឺការស្ងៀមស្ងាត់តាមផ្លូវកាយ វាចា និងចិត្ត។ ការទាក់ទងគ្រប់បែបយ៉ាងជាមួយសិស្សផងគ្នា ត្រូវហាមឃាត់ទាំងកាយវិការ ទាំងកំណត់សរសេរ និង ទាំងសញ្ញា ជាភាសានិយាយ៘ ប៉ុន្តែសិស្សឣាចនិយាយជាមួយគ្រូបាននៅពេលណាដែលមានការចាំបាច់។ សិស្សឣាចទាក់ទងជាមួយនឹងឣ្នកគ្រប់គ្រងបានដែរឣំពីបញ្ហាដែលទាក់ទងនឹងម្ហូបឣាហារ ការស្នាក់ឣាស្រ័យ សុខភាព៘ ប៉ុន្តែ ចំពោះការទាក់ទងនេះ គេត្រូវតែធ្វើឲ្យបានយ៉ាងតិចបំផុត។សិស្ស ត្រូវតែបណ្តុះចិត្តឲ្យមានឣារម្មណ៍ចេះគិតថាខ្លួននៅចម្រើនកម្មដ្ឋាននេះដាច់ពីគេតែម្នាក់ឯង។
ការបែងចែកភេទប្រុស និងស្រី
ការបំបែកភេទប្រុស ស្រីឲ្យនៅដាច់ពីគ្នា ត្រូវតែគោរព។ក្នុងអំឡុងវគ្គសិក្សានេះ ប្តីប្រពន្ធ ឬគូប្រុសស្រី មិនត្រូវប្រាស្រ័យទាក់ទងគ្នាដោយប្រការណាមួយឡើយ។ មិត្តភក្តិ សមាជិកនៃគ្រួសារ ជាដើម ក៏ត្រូវគោរពតាមបទបញ្ជានេះដែរ។
ការហាមឃាត់មិនឲ្យប៉ះកាយគ្នា
ជាការសំខាន់ណាស់ មិនត្រូវឲ្យមានការប៉ះពាល់គ្នាដោយកាយឡើយ ទោះបីរវាងមនុស្សដែលមានភេទដូចគ្នាក៏ដោយ រហូតដល់ពេលផុតកំណត់វគ្គសិក្សានេះ។
សំម្លៀកបំពាក់ និងឧបករណ៍ហាមឃាត់
សម្លៀកបំពាក់ត្រូវមានរបៀបធម្មតារម្យទម្យសមសួន ជួនកាលស្លៀកពាក់សរ។ គេមិនឣនុញ្ញាតឲ្យមានការលេងភ្លេង ការបើកវិទ្យុស្តាប់ទេ ហើយសៀវភៅឣាន សៀវភៅសរសេរ ក៏មិនត្រូវយកមកជាមួយក្នុងឱកាសវគ្គសិក្សានេះដែរ។ សិស្សមិនត្រូវធ្វើចិត្តឲ្យរាយមាយដោយសារការសរសេរ ឬការកត់ត្រាឣ្វីឡើយ។ ការដាក់កម្រិតមិនឲ្យឣាន និងសរសេរកត់ត្រានេះ គឺដើម្បីសង្កត់លើការបដិបត្តិកម្មដ្ឋាននេះ ឲ្យបានកាន់តែល្អប្រសើរឡើងទៀតតែប៉ុណ្ណោះ។
អត្ថប្រយោជន៍នៃការធ្វើវិបស្សនា
វិបស្សនាកម្មដ្ឋានមានគោលបំណងឆ្ពោះទៅរកគោលដៅផ្លូវចិត្តយ៉ាងខ្ពស់បំផុតនៃការរំដោះទុក្ខ និង ការត្រាស់ដឹងពេញបរិបូណ៌។ គោលដៅរបស់វិបស្សនា គឺមិនមែនសម្រាប់ព្យាបាលជំងឺផ្លូវកាយឲ្យបានជាសះស្បើយទេ ប៉ុន្តែដោយសារការធ្វើវិបស្សនាអាចជួយឲ្យសុខភាពផ្លូវចិត្តមានការធូរស្បើយ
ដូច្នោះហើយ សុខភាពផ្លូវកាយក៏បានជាសះស្បើយដាច់ឫសគល់ឣស់ដែរ។ លើសពីនេះទៅទៀត វិបស្សនា អាចឲ្យយើងរំលាយហេតុបីយ៉ាងនៃសេចក្តីទុក្ខទាំងឣស់បាន ពោលគឺ លោភ: ទោស: និង មោហ:។ ការធ្វើវិបស្សនាដើរតួយ៉ាងសំខាន់ជួយបន្ធូរបន្ថយភាពតានតឹងដែលចេះតែមាននៅក្នុងការរស់នៅរាល់ថ្ងៃ ហើយជួយស្រាយចំណងដែលកើតឡើងក្នុងជីវិតមិនចេះចប់មិនចេះហើយ និងនាំចិត្តតែជួបភាពរីករាយជាមួយ និងសុភម្គលក្នុងក្រុមគ្រួសាពេញដោយបរិបូណ៍៕
ប្រភព៖https://www.dhamma.org/km/about/code
ដោយ ៖ នាងតូច
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន