វប្បធម៌ ជំនឿ

ចុងឆ្នាំ ២០២២ ជោគរាសីទាំង ១២ ត្រូវប្រុងប្រយ័ត្នឲ្យមែនទែន

បានផុស

១ year មុន

នៅ

ថ្ងៃសុក្រ ១៦ ធ្នូ ២០២២

ដោយ

ខណៈឆ្នាំ២០២៣កាន់តែកៀកមកដល់នាពេលខាងមុខនេះ ក្នុងនោះរាសីទាំង១២ក៏ត្រូវប្រយ័ត្ននៅចុងឆ្នាំដែរ។ បើយោងទៅតាមទំនាយឆ្នាំទាំង១២ គ្រប់ឆ្នាំទាំងអស់សុទ្ធតែអាចមានផលប៉ះពាល់តិចឬច្រើន អាស្រ័យលើស្ថានភាពសំណាងនិងបុណ្យដែលធ្លាប់ធ្វើកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលកើតក្នុងឆ្នាំជូត

ចុងឆ្នាំ២០២២នេះ សម្រាប់អ្នកដែលមានគ្រួសារឬរៀបការយូរហើយ នោះអាចនឹងមានកូនឬទទួលបានមាជិកថ្មីចូលមកក្នុងគ្រួសារ។ អ្វីដែលត្រូវប្រយ័ត្ន គឺបញ្ហាមុខតំណែង ការងារ។ ចំណែកអ្នកនៅលីវយូរ អាចជួបភាពច្របូកច្របល់អំពីរឿងស្នេហា ដោយសារតែជួបដៃគូមិនល្អនាពេលនេះ។

អ្នកដែលកើតក្នុងឆ្នាំឆ្លូវ

ចុងឆ្នាំនេះរាសីរបស់លោកអ្នកល្អប្រសើរ ដោយមានលាភសំណាង ទទួលបានលុយកាក់ឬទទួលបាននៅលក្ខខ័ណ្ឌដែល មានប្រាក់ចំណូលចាប់រាប់លានដុល្លារ។ ចំណែករឿងត្រូវប្រយ័ត្ន គឺមិត្តក្នុងសង្គម ដូច្នេះចូរអត់ធ្មត់ ការសម្រេចចិត្តរហ័សនឹងបង្កបញ្ហា ហើយការរឹងរូសនឹងជាឧបសគ្គនាថ្ងៃមុខ។

អ្នកដែលកើតក្នុងឆ្នាំខាល

អ្នកនឹងមានសំណាងកើតមកពីខ្លួនឯង ឬឈ្នះលុយច្រើនពីសំណាងដែលអ្នកកំពុងផ្សង ឬទទួលបានសំណាងពីការរកស៊ី ទទួលបានប្រាក់រង្វាន់លើសពីអ្វីដែលអ្នករំពឹងទុកទៅទៀត។ អ្វីដែលអ្នកគួរប្រយ័ត្ន គឺមិនត្រូវជ្រៀតជ្រែករឿងអាក្រក់ណាមួយដែលធ្វើឲ្យខូចឈ្មោះ ឬលេងល្បែងស៊ីសងជាមួយមនុស្សណាម្នាក់ទេ។

អ្នកដែលកើតក្នុងឆ្នាំថោះ

អ្វីដែលល្អក្នុងជីវិតអ្នកនាពេលនេះគឺស្នេហា ឬគ្រួសារសុខុមាលភាពល្អប្រសើរ ព្រោះមានដៃគូជួយជ្រោមជ្រែងខ្លាំង។ អ្វីដែលត្រូវប្រយ័ត្នគឺមិត្តភ័ក្ដិក្នុងសង្គម មនុស្សជិតស្និទ្ធ អាចនាំមកនូវបញ្ហាផ្សេងៗ។

អ្នកដែលកើតក្នុងឆ្នាំរោង

ប្រការដែលល្អក្នុងជីវិតរបស់លោកអ្នក គឺកូនចៅស្រឡាញ់គ្នាទៅមក និងតែងផ្ដល់ភាពកក់ក្ដៅក្នុងគ្រួសារជានិច្ច។ មួយវិញទៀត ចុងឆ្នាំនេះអ្នកនឹងប្រសើរឡើងឬមានលាភសំណាងចូលពីកូនចៅ ប៉ុន្តែចូរប្រយ័ត្នបញ្ហាសុខភាពឈឺសាច់ដុំ ឬប្រយ័ត្នគ្រោះថ្នាក់ផ្សេងៗ។

អ្នកដែលកើតឆ្នាំម្សាញ់

ពេលនេះឆ្នាំម្សាញ់នឹងមានអាជីវកម្មថ្មី គម្រោងថ្មីសម្រាប់ជីវិត អ្វីដែលគួរប្រយ័ត្នគឺញាតិមិត្ត ភាពតានតឹង និងពាក្យសម្តីចំៗពេក វាអាចនឹងធ្វើឲ្យមិនសប្បាយចិត្ត និងកើតជម្លោះពាក្យសម្ដីឡើងមក។

អ្នកដែលកើតក្នុងឆ្នាំមមី

អំពើល្អដែលនឹងកើតឡើងចំពោះអ្នកគឺ សេចក្តីស្នេហា ភាពកក់ក្តៅក្នុងគ្រួសារឬបានធ្វើដំណើរទៅដល់ក្រៅប្រទេស។ អ្វីដែលគួរប្រយ័ត្នគឺរឿងនយោបាយ កុំប៉ះពាល់ឲ្យសោះ នាំឲ្យខូចប្រយោជន៍ ស្មុគស្មាញ ខូចឈ្មោះឥតអំពើ។

អ្នកដែលកើតក្នុងឆ្នាំមមែ

សម្រាប់ឆ្នាំមមែចុងឆ្នាំនេះនឹងទទួលដំណឹងល្អពីមនុស្សទីឆ្ងាយ។ សម្រាប់អ្នកពិបាកចង់មានបុត្រខែនេះ អាចមានដំណឹងល្អ សូមថែរក្សាសុខភាពនិងត្រូវឧស្សាហ៍ហាត់ប្រាណ។ ដោយឡែកសម្រាប់អ្នកលីវ អាចជួបគូដែលប៉ងចង់បាន។ រឿងប្រយ័ត្នសូមកុំពាក់ព័ន្ធនឹងនយោបាយ ឬរឿងអ្នកដទៃឲ្យសោះ។

អ្នកកើតឆ្នាំវក

ចុងឆ្នាំនេះអាចថាអ្នកនឹងមានការងារមមាញឹកខ្លាំង ជាពិសេសគឺមនុស្សស្រីតែម្ដង។ បញ្ហានេះក៏អាចបណ្ដាលឲ្យអ្នកស្មុគស្មាញ មានអារម្មណ៍មិនល្អកើតឡើងភ្លាមៗ។ អ្វីដែលគួរប្រយ័ត្ន គឺសំដីអាចនាំភ្លើងចូលផ្ទះ ហើយធ្វើឲ្យបែកបាក់គ្នា។

អ្នកដែលកើតក្នុងឆ្នាំរកា

ចុងខែនេះរាសីធម្មតាមិនមានអ្វីជាដុំកំភួនគួរឲ្យបារម្ភនោះទេ។ ត្រូវឧស្សាហ៍ធ្វើបុណ្យសន្សំបុណ្យ ហើយកុំខ្វល់រឿងអ្នកណាមិនចូលចិត្តឬស្រលាញ់ សំខាន់អ្នកស្គាល់ខ្លួនឯងឲ្យច្បាស់។ ប្រយ័ត្នបំផុតនាពេលនេះ គឺចំពោះជំងឺផ្លូវដង្ហើម សូមថែសុខភាពផង។

អ្នកដែលកើតក្នុងឆ្នាំច

អ្វីដែលល្អក្នុងជីវិតរបស់អ្នកពេលនេះគឺអ្នកនឹងជួបគ្រួសារតែងផ្ដល់ភាពកក់ក្ដៅ ស្នេហាក៏រលូន ទទួលបានអំណោយពីមនុស្សជាទីស្រឡាញ់ ចំណែករឿងដែលត្រូវប្រយ័ត្នគឺបញ្ហាហិរញ្ញវត្ថុ ចាយវាយ ឬបញ្ហាពាក់ព័ន្ធនឹងការវិនិយោគ មិនសន្សំលុយ។

អ្នកដែលកើតក្នុងឆ្នាំកុរ

សំណាងរបស់លោកអ្នកក្នុងពេលនេះ គឺញាតិមិត្តចេះជួយគ្នា ហើយចៅហ្វាយនាយក៏អាណិតស្រលាញ់ចាត់ទុកដូចជាបងប្អូន។ អ្វីដែលត្រូវប្រយ័ត្នគឺពាក្យសម្ដីមិនល្អឬគ្រោតគ្រាត ដែលអាចធ្វើឲ្យមនុស្សជុំវិញមិនចូលចិត្ត៕