វប្បធម៌ ជំនឿ
រកឃើញថាយល់សប្ដិអាក្រក់ញឹកញាប់ ជាមនុស្សមានច្នៃប្រឌិតលើសគេ?
តើមនុស្សដែលមានសុបិនអាក្រក់ ពិតជាមានគំនិតច្នៃប្រឌិតខ្ពស់មែនទេ? អ្នកជំនាញណែនាំថា សុបិនអាក្រក់អាចធ្វើឲ្យមនុស្សគិតតាមរបៀបរស់រវើក និងស្រមើស្រមៃច្រើនជាងមុន។
តើអ្វីដែលត្រូវបានចាត់ទុកថាជាសុបិនអាក្រក់?
សុបិនអាក្រក់គឺជារឿងដ៏គួរឲ្យភ័យខ្លាច ដែលជារឿយៗត្រូវបានអមដោយអារម្មណ៍មិនស្រណុកដែលអាចមានរយៈពេលពីរបីនាទីទៅច្រើនសប្ដាហ៍ឬខែ។ ជាពិសេសគឺកើតឡើងកាលពីក្មេង តែងតែមានសុបិនអាក្រក់ជាច្រើន។ ពួកគេទទួលរងនូវការវាយប្រហារភ័យស្លន់ស្លោ ក្នុងកំឡុងពេលគេង ដែលបណ្ដាលមកពីការផ្លាស់ប្ដូរលំនាំដំណេក កាលវិភាគនៃការគេង ឬបញ្ហាដំណេកជាដើម។
ការផ្សារភ្ជាប់គ្នារវាងសុបិនអាក្រក់និងការច្នៃប្រឌិត
មនុស្សគ្រប់គ្នាមានសុបិនអាក្រក់ ដែលអាចមកពីពួកគេជួបប្រទះរឿងអ្វីមួយ ដូចជាមានអ្វីមួយដេញគួរឲ្យខ្លាច ហើយបានធ្លាក់ចូលក្នុងទីជ្រៅ ឬឃើញមិត្តល្អប្រែទៅជាសត្វចម្លែក។ល។ ក្រៅពីភាពរស់រវើក ជាញឹកញាប់សុបិនអាក្រក់ ក៏ត្រូវបានគេជឿថាជាការច្នៃប្រឌិតក្នុងខួរក្បាលផងដែរ។
ទោះបីជាយើងភាគច្រើនជួបប្រទះនូវសុបិនអាក្រក់ជាទៀងទាត់ ក៏សុបិនអាក្រក់មានតិចតួចដែលកើតឡើងពិត។ អ្នកស្រាវជ្រាវប៉ាន់ស្មានថា ៨៥% នៃមនុស្សជួបសុបិនអាក្រក់មួយឬពីរដង ក្នុងមួយឆ្នាំ។
តើសុបិនអាក្រក់អាចធ្វើឲ្យកើតមានច្នៃប្រឌិតខ្ពស់យ៉ាងដូចម្ដេច?
នៅពេលឧស្សាហ៍សុបិនអាក្រក់ជាប្រចាំ យើងមានទំនោរទៅរកគំនិតច្នៃប្រឌិត ឬសិល្បៈពីរឿងទាំងនោះ។ ការសិក្សាមួយបានកត់សម្គាល់ថា និស្សិត ២០ ទៅ ២៨% បានរាយការណ៍ថាសុបិនបានផ្ដល់ឲ្យពួកគេនូវការយល់ដឹងថ្មី និងជះឥទ្ធិពលដល់គំនិតច្នៃប្រឌិត ក្នុងជីវិតរបស់ពួកគេ។
អត្រារំលឹកខ្ពស់ជាងមុន
ងាកទៅមើល Frankenstein វិញដែលជាទស្សនាវដ្ដីដោយ Mary Shelly បានពិពណ៌នាពីសុបិនអាក្រក់របស់នាង និងរបៀបដែលសុបិនអាក្រក់បានជំរុញឲ្យនាងសរសេរសៀវភៅ។ នាងនិយាយថា “នៅពេលខ្ញុំដាក់ក្បាលលើខ្នើយ ខ្ញុំមិនបានដេកលក់ទេ ហើយក៏មិនអាចនិយាយថា មិនគិតបានដែរ។ ការស្រមើស្រមៃរបស់ខ្ញុំបានគ្រប់គ្រងនិងដឹកនាំខ្ញុំដោយបង្វែងរូបភាពបន្តបន្ទាប់ ដែលកើតឡើងក្នុងគំនិតខ្ញុំជាមួយនឹងភាពរស់រវើក ឆ្ងាយជាងព្រំដែនគំនិតធម្មតា”។
ការគិតមិនធម្មតា
ការសិក្សារបស់ជនជាតិកាណាដាបង្ហាញថា មនុស្សដែលធ្លាប់មានសុបិនអាក្រក់ជាប្រចាំ (រហូតដល់ ២ ដងក្នុងមួយសប្ដាហ៍) បង្ហាញពីការគិតបែបមិនធម្មតា។ អ្នកដែលធ្លាប់យល់សប្ដិអាក្រក់ជាញឹកញាប់ បានភ្ជាប់ជាមួយគំនិតគិតលឿន រហ័ស ហើយគិតលើសមនុស្សទូទៅ។ រីឯអ្នកដែលមិនយល់សុបិនអាក្រក់ បែរជាមានគំនិតធម្មតា ឬអាចថាមិនសូវជាមានគំនិតទៅវិញ។ នេះបង្ហាញថា មនុស្សដែលមានសុបិនអាក្រក់ជាទៀងទាត់ មានដំណើរការច្នៃប្រឌិតមិនធម្មតាឡើយ។
ការយល់ចិត្ត
បើយោងតាមការសិក្សាឆ្នាំ ២០១៣ អ្នកជំងឺច្រើនតែមានសុបិនអាក្រក់ តែក៏មានការយល់ចិត្តច្រើនជាងគេដែរ។ ពួកគេមានទំនោរចូលចិត្តបង្ហាញអាកប្បកិរិយាដូចឆ្លុះកញ្ចក់ ហើយងាយយល់ចិត្តមនុស្សជុំវិញខ្លួន។ ហើយកម្រិតនៃការយល់ចិត្តខ្ពស់ចំពោះអ្នកដែលសុបិនអាក្រក់ មានដើរតួក្នុងការបង្កើនការច្នៃប្រឌិតរបស់ពួកគេ។
ការណែនាំ៖ ប្រសិនបើយើងប្រទះនូវសុបិនអាក្រក់ជាញឹកញាប់ រាល់ពេលភ្ញាក់ដឹងខ្លួនវិញ សូមបង្ហាញការភ័យខ្លាចទាំងនោះ តាមរយៈទម្រង់សិល្បៈឬគូរគំនូរ៕
ប្រែសម្រួល ៖ សាង ស្រីល័ក្ខ
ប្រភព ៖ curejoy
ចុចអាន៖ ហេតុអ្វីពេលខ្លះ ក្រោកពីគេងមិនចងចាំសុបិនសោះ?
ចុចអាន៖ ឃើញម៉ាស៊ីនបោកគក់ថ្មីក្នុងសុបិន ជាប្រផ្នូលរីកចម្រើនផ្នែកទំនាក់ទំនងសង្គម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត