សេដ្ឋកិច្ច
ក្រសួងការងារ៖ រោងចក្របើកថ្មីមាន២៤៤ ខណៈរោងចក្របិទលែងដំណើរការមាន៦៩៥ ដោយសារកូវីដ១៩
លោក ហេង សួរ អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានអះអាងប្រាប់សារព័ត៌មានកម្ពុជាថ្មីនៅព្រឹកថ្ងៃសុក្រនេះថា គិតត្រឹមខែតុលា ឆ្នាំ២០២១ មានរោងចក្រសហគ្រាសបើកថ្មីចំនួន ២៤៤ ដែលស្មើនឹងកម្មករនិយោជិតប្រមាណ៤ម៉ឺនាក់ ខណៈរោងចក្រសហគ្រាសដែលបានបិទលែងដំណើរការមានចំនួន ៦៩៥ ដែលស្មើនឹងកម្មករនិយោជិតប្រមាណ៨ម៉ឺននាក់ក្នុងរយៈពេលដូចគ្នា។

ប៉ុន្តែ លោកហេង សួរ បានកត់សម្គាល់ថា រោងចក្រសហគ្រាសដែលបើកថ្មីនៅឆ្នាំ២០២១នេះ ភាគច្រើនមានទំហំធំដែលអាចស្រូបយកកម្លាំងពលកម្មបានច្រើនជាងមុន។ កាលពីដើមខែវិច្ឆិកា ឆ្នាំ២០២១នេះ សម្តេចតេជោ ហ៊ុន សែន ប្រមុខរដ្ឋាភិបាលកម្ពុជា បានប្រកាសបើកប្រទេសឡើងវិញ បន្ទាប់ពីស្ថានភាពឆ្លងរាលដាលនៃជំងឺកូវីដ១៩បានថយចុះច្រើន និងប្រជាពលរដ្ឋខ្មែរបានចាក់វ៉ាក់សាំងបង្ការជំងឺនេះយ៉ាងច្រើនលើសលុបរួចមក។ ការបើកប្រទេសនេះ គឺស្ទើរតែគ្រប់វិស័យទាំងអស់ត្រូវបានបើកដំណើរការឡើងវិញផងដែរ។
អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈ លោកហេង សួរ បានអះអាងថា បន្ទាប់ពីការប្រកាសបើកប្រទេសឡើងវិញនេះ គឺរោងចក្រសហគ្រាសស្ទើរទាំងអស់ទូទាំងប្រទេសបានបើកដំណើរការឡើងវិញ។ បើតាមលោកហេង សួរ គឺគិតត្រឹមថ្ងៃទី២៣ ខែវិច្ឆិកា ឆ្នាំ២០២១ មានរោងចក្រសហគ្រាសចំនួន ៨៣ (ស្មើកម្មករនិយោជិតប្រមាណ ៨ពាន់) ដែលកំពុងព្យួរការងារផ្នែកខ្លះប៉ុណ្ណោះនៃប្រតិបត្តិការរបស់ខ្លួន។ ក្នុងចំណោមនោះ រោងចក្រសហគ្រាសក្នុងវិស័យវាយនភណ្ឌ កាត់ដេរ និងផលិតស្បែកជើងមានចំនួនត្រឹមតែ ៦ (ឬ ១ភាគរយនៃរោងចក្រសហគ្រាសព្យួរសរុបក្នុងវិស័យនេះ) ដែលស្មើនឹងកម្មករនិយោជិតប្រមាណ ១ពាន់នាក់៕
អត្ថបទ៖ វណ្ណ សុគន្ធា
Today

-
ព័ត៌មានអន្ដរជាតិ៧ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
បច្ចេកវិទ្យា៣ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ៥ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៥ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ៣ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៥ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ ago
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ