សេដ្ឋកិច្ច

ក្រុមហ៊ុនចំនួន៥ បន្តប្រតិបត្តិការដឹកជញ្ជូនតាមកោះក្នុងខេត្តព្រះសីហនុ

បានផុស

៥ years មុន

នៅ

ថ្ងៃសុក្រ ២៥ ធ្នូ ២០២០

ដោយ

ក្រុមហ៊ុនដឹកជញ្ជូនភ្ញៀវទេសចរ ទៅលេងកម្សាន្តតាមកោះនានា ក្នុងខេត្តព្រះសីហនុ បានថយចុះជាងមុន បន្ទាប់ពីចំនួនភ្ញៀវទេសចរ ទៅលេងក្នុងខេត្តជាប់មាត់សមុទ្រមួយនេះ មានការថយចុះដែរ។

ប្រធានមន្ទីរទេសចរណ៍ ខេត្តព្រះសីហនុ លោក តាំង សុចិត្រ គ្រឹះស្នា មានប្រសាសន៍ប្រាប់ គេហទំព័រ កម្ពុជាថ្មី ឱ្យដឹងថា សកម្មភាពដឹកជញ្ជូនភ្ញៀវទៅលេងតាមកោះនានា នៅតែមានជាហូរហែរាល់ថ្ងៃ ដោយតម្លៃគិតជាមធ្យម ទៅមក ប្រហែល២២ដុល្លារ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកថា បច្ចុប្បន្នមានក្រុមហ៊ុនទូក ប្រមាណ៥ប៉ុណ្ណោះ ដែលបន្តប្រតិបត្តិការដឹកជញ្ជូនភ្ញៀវទេសចរ ទៅលេងកម្សាន្តតាមកោះ ខណៈពីមុន គឺមានក្រុមហ៊ុនប្រមាណ១០ បានបម្រើសេវាកម្មដឹកជញ្ជូននេះ។

លោក តាំង សុចិត្រ គ្រឹះស្នា បានបញ្ជាក់ថា មូលហេតុដែលក្រុមហ៊ុនដឹកជញ្ជូនមួយចំនួនផ្អាកសកម្មភាព គឺដោយសារតែបញ្ហាកូវីដ-១៩ ធ្វើឱ្យថយចុះចំនួនភ្ញៀវទេសចរជាតិ និងអន្តរជាតិ ។

យ៉ាងណាក៏ដោយ លោកប្រធានមន្ទីរទេសចរណ៍ រំពឹងថា ស្ថានភាពភ្ញៀវមកកម្សាន្តនៅខេត្តព្រះសីហនុ នឹងមានភាពល្អប្រសើរឡើងវិញ នៅពេលដែលកូវីដ-១៩ អាចគ្រប់គ្រងបាន៕