សេដ្ឋកិច្ច

ជ័រកៅស៊ូកម្ពុជា លក់បានតម្លៃជាមធ្យមជាង ១ពាន់៥រយដុល្លារ ក្នុងមួយតោន

បានផុស

៤ years មុន

នៅ

ថ្ងៃអង្គារ ២០ កញ្ញា ២០២២

ដោយ

កម្ពុជា លក់ជ័រកៅស៊ូ ចាប់ពីខែ មករា-សីហា ឆ្នាំ ២០២២ បានតម្លៃជាមធ្យម ១៥៥៣ដុល្លារ ក្នុងមួយតោន ពោលគឺថយចុះ ១១៩ដុល្លារ ឬស្មើនឹង-៧ភាគរយ បើធៀបរយៈពេលដូចគ្នា ឆ្នាំ ២០២១។ នេះបើយោងតាមអគ្គនាយកដ្ឋានកៅស៊ូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ចុប្បន្នកម្ពុជា មានដីដាំកៅស៊ូសរុប ៤០៤ ០៤៤ ហិកតា ក្នុងនោះផ្ទៃដីកំពុងចៀរជ័រ ចំនួន ៣១០ ១៩៣ ហិកតា និងផ្ទៃដីថែទាំចំនួន ៩៣ ៨៥១ ហិកតា។

យោងតាមទិន្នន័យការនាំចេញជ័រកៅស៊ូ នៃក្រសួងកសិកម្ម រុក្ខាប្រមាញ់ និងនេសាទ ក្នុងរយៈពេល ៨ ខែឆ្នាំ ២០២២ គឺមានបរិមាណ ១៩៤ ០១៤ តោន កើនឡើង ១ ៤៥៣ តោន បើធៀបនឹងរយៈពេលដូចគ្នាឆ្នាំ ២០២១ ដោយប្រមូលបានប្រាក់ ៣០១,២៩ លានដុល្លារ។ រីឯការនាំចេញឈើកៅស៊ូ មាន ២០ ៦២៩ ម៉ែត្រគុប និងប្រមូលបានប្រាក់ ៣ ០៩១ ៥៨៩ លានដុល្លារ។

សូមរំលឹកថា យោងតាមអគ្គនាយកដ្ឋានកៅស៊ូដដែល បានបង្ហាញថា កាលពីឆ្នាំ ២០២១ កម្ពុជា ប្រមូលផលជ័រកៅស៊ូបានចំនួន ៣៦៨ ០០០ តោន ក្នុងនោះ នាំចេញទៅទីផ្សារអន្តរជាតិ ៣៦៦ ០០០ តោន រកចំណូលបាន ៦១០ ២៥៥ ៨០០ ដុល្លារ៕