កម្ពុជា រំពឹង​ប្រមូល​ចំណូល​មិនមែន​សារពើពន្ធ​ ខ្ទង់​៥៣០០លានដុល្លារ

ការប្រមូលចំណូលមិនមែន​សារពើពន្ធ​នៅកម្ពុជា នាឆ្នាំ២០២០នេះ ត្រូវបានរំពឹងថា នឹងទទួលបានប្រ​មាណ​៥៣០០លានដុល្លារ អាមេរិក។នេះបើតាមការលើកឡើងរបស់​សម្ដេច ​តេជោ ហ៊ុន សែន នាយក​រដ្ឋមន្ត្រី​កម្ពុជា។

ថ្លែងក្នុងការផ្សាយផ្ទាល់ពិសេស នាព្រឹកថ្ងៃអង្គារ ទី២៩ ខែធ្នូ ឆ្នាំ២០២០នេះ ប្រមុខរាជរដ្ឋាភិបាលកម្ពុជា សម្ដេច​តេជោ ហ៊ុន សែន បានមាន​ប្រសាសន៍​ថា គិតមកដល់ត្រឹមថ្ងៃទី២៩ ខែធ្នូ ឆ្នាំ២០២០នេះ អគ្គ​នា​យក​ដ្ឋាន​គយ ប្រមូល​ចំណូល​បាន ២៣៩១លានដុល្លារ អាមេរិក និង​អគ្គនាយកដ្ឋាន​ពន្ធដារ ប្រមូលចំ​ណូល​បាន២៨៧៨លានដុល្លារ អាមេរិក ។

ជាមួយគ្នានេះ សម្ដេច ហ៊ុន សែន បានលើកឡើងថា ចំណូលទាំងពីរអង្គភាពនេះ អាចឡើងដល់​៥៣០០​លានដុល្លារ អាមេរិក ទម្រាំ​ដល់​ថ្ងៃ​បិទ​បញ្ជី​ នៅថ្ងៃទី៣១ ខែធ្នូ ឆ្នាំ២០២០។

សម្ដេច តេជោ ហ៊ុន សែន នាយករដ្ឋមន្ត្រី មាន​ប្រសាសន៍​ដែរ​ថា ចំណូល​ទាំងនេះ បានមកពីការ​ភ្ញាក់រលឹក​បង់​ពន្ឋ​​របស់​ប្រជាជន​កម្ពុជា និងការខិតខំធ្វើការរបស់​មន្ត្រី​៕