សេដ្ឋកិច្ច
រោងចក្រផលិតបេតុងកៅស៊ូនៅស្រុកកំពង់ត្រាចគ្រោងដាក់ឲ្យដំណើរការឆាប់ៗ
រោងចក្រផលិតបេតុងកៅស៊ូ (AC) អាចផលិតបាន១២០តោនក្នុងមួយម៉ោងមានទីតាំងស្ថិតនៅភូមិកណ្តាលទួល ឃុំកំពង់ត្រាច ស្រុកកំពង់ត្រាច ខេត្តកំពតគ្រោងនឹងដាក់ឱ្យដំណើរការឆាប់ៗនេះដែលអាចជួយផ្គត់ផ្គង់ដល់ការងារជួសជុលថែទាំ និងសាងសង់ផ្លូវថ្នល់ព្រមទាំងសម្រួលតម្លៃផលិតផលបេតុងកៅស៊ូកាន់តែមានតម្លៃប្រកួតប្រជែង និងជួយជំរុញឱ្យគុណភាពផ្លូវថ្នល់កាន់តែប្រសើរ។
ក្នុងឱកាសចុះត្រួតពិនិត្យរោងចក្រផលិតបេតុងកៅស៊ូ ស្ថិតក្នុងភូមិសាស្ត្រខេត្តកំពតនៅថ្ងៃទី ២៥ ខែតុលា ឆ្នាំ២០២២ លោក ប៉ាល់ ចន្ទតារា រដ្ឋលេខាធិការ ក្រសួងសាធារណការ និងដឹកជញ្ជូនមានប្រសាសន៍ថា ការចុះត្រួតពិនិត្យរោងចក្រផលិតបេតុងកៅស៊ូ (AC) នេះធ្វើឡើងក្នុងគោលបំណងដើម្បីពិនិត្យមើលសកម្មភាពការងារផលិតបេតុងកៅស៊ូរបស់រោងចក្រ ការពិភាក្សាលម្អិតអំពីគម្រោងផែនការការងារ និងការត្រៀមដាក់ដំណើរការរោងចក្រជាផ្លូវការនាពេលឆាប់ៗខាងមុខ។
ការសាងសង់រោងចក្រផលិតបេតុងកៅស៊ូ (Asphalt Concrete Plant=AC) នេះរដ្ឋាភិបាលវិនិយោគទឹកប្រាក់ ១,១ លានដុល្លារដែលអាចមានសមត្ថភាពផលិតបេតុងកៅស៊ូបាន ១២០ តោន ក្នុង ១ ម៉ោងដើម្បីរួមចំណែកអភិវឌ្ឍន៍ហេដ្ឋារចនាសម្ព័ន្ធផ្លូវថ្នល់ និងកាត់បន្ថយការនាំចូលពិសេសអាចជួយផ្គត់ផ្គង់ដល់ការងារជួសជុលថែទាំ និងសាងសង់ផ្លូវថ្នល់ ក៏ដូចជាសម្រួលឱ្យតម្លៃផលិតផលបេតុងកៅស៊ូកាន់តែមានតម្លៃប្រកួតប្រជែង និងជួយជំរុញឱ្យគុណភាពផ្លូវថ្នល់កាន់តែប្រសើរ អាចប្រើប្រាស់បានជាប់យូរអង្វែង និងចំណេញថវិកាជាតិផងដែរ។
ក្នុងឱកាសចុះពិនិត្យការដ្ឋានសាងសង់រោងចក្រផលិតបេតុងកៅស៊ូនៅក្នុងស្រុកកំពង់ត្រាច ខេត្តកំពត កាលពីថ្ងៃទី ៥ ខែមិថុនាឆ្នាំ ២០២១ លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថារោងចក្រនេះនឹងដើរតួនាទីសំខាន់សម្រាប់ផលិតបេតុងកៅស៊ូ យកទៅប្រើក្រាលផ្លូវ ខណៈបច្ចុប្បន្នកម្ពុជាតែងបញ្ជាទិញពីក្រៅប្រទេស។
លោកបន្តថា ការបញ្ជាទិញបេតុងកៅស៊ូពីក្រៅប្រទេសបានធ្វើឱ្យកម្ពុជាចំណាយប្រាក់ច្រើន ហើយថែមទាំងត្រូវចំណាយពេលដឹកជញ្ជូនផងដែរ។ ភាពលំបាកនេះបានជំរុញឱ្យក្រសួងសាធារណការស្នើសុំឱ្យក្រុមហ៊ុន សៀងហៃ ជួយទិញគ្រឿងចក្រមកដំឡើងរោងចក្រផលិតបេតុងកៅស៊ូនៅក្នុងទីតាំងខាងលើ។
លោកលើកឡើងទៀតថា ដោយសាររដ្ឋាភិបាលបានកំណត់ផែនការក្នុងការអភិវឌ្ឍផ្លូវថ្នល់ឱ្យមានគុណភាពកាន់តែល្អនោះ ក្រសួងសាធារណការ និងដឹកជញ្ជូនក៏គ្រោងនឹងសាងសង់រោងចក្រផលិតបេតុងកៅស៊ូ ១ បន្ថែមទៀតនៅតំបន់ខេត្តបាត់ដំបងក្នុងពេលឆាប់ៗផងដែរ៕
អត្ថបទ៖ សំអឿន
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១៥ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ