ព័ត៌មានជាតិ
មន្រ្តីជាន់ខ្ពស់ធនាគារជាតិ៖ ការប្រើប្រាស់ប្រាក់រៀលជួយរក្សាស្ថិរភាពម៉ាក្រូសេដ្ឋកិច្ចជាតិរឹងមាំ
ការប្រើប្រាស់រូបិយវត្ថុជាតិ នៅក្នុងសេដ្ឋកិច្ចពិតជាមានសារៈសំខាន់ក្នុងការពង្រឹងឯករាជ្យនយោបាយរូបិយវត្ថុ ដើម្បីរួមចំណែករក្សាស្ថិរភាពម៉ាក្រូសេដ្ឋកិច្ច និងកាត់បន្ថយផលប៉ះពាល់ពីវិបត្តិខាងក្រៅ។ លោកស្រីបណ្ឌិត ជា សិរី ទេសាភិបាលរង នៃធនាគារជាតិកម្ពុជា។
ជាមួយគ្នានេះដែរ វាក៏នឹងចូលរួមចំណែកក្នុងការពង្រឹងអធិបតេយ្យភាព សេដ្ឋកិច្ចអត្តសញ្ញាជាតិសាមគ្គីភាព និងការរីកចម្រើនសេដ្ឋកិច្ចនិងសង្គមផងដែរ។
ថ្លែងក្នុងឱកាសខួបលើកទី៤៣នៃការដាក់ឱ្យដំណើរការចាយប្រាក់រៀលឡើងវិញ កាលពីថ្ងៃ ចន្ទ ម្សិលមិញ លោកស្រី ជា សិរី បានលើកឡើងថា ការប្រើប្រាស់ប្រាក់រៀលកាន់តែច្រើននឹងផ្ដល់លទ្ធភាពដល់ធនាគារជាតិនៃកម្ពុជា ក្នុងការអនុវត្តនយោបាយរូបិយប័ណ្ណវត្ថុ និងអត្រាប្ដូរប្រាក់កាន់តែមានសុខភាពជាពិសេសការកំណត់អត្រាការប្រាក់គោល និងការផ្ដល់សាច់ប្រាក់បន្ថែមដល់សេដ្ឋកិច្ចដែលអាចមានឥទ្ធិពលទៅលើអត្រាការប្រាក់ទីផ្សារការវិនិយោគនិងផលិតកម្មនឹងឈានទៅជំរុញឲ្យមានការបង្កើតការងារធ្វើនិងបង្កើនប្រាក់ចំណូលរបស់ប្រជាពលរដ្ឋ។
លោកស្រី បានបន្តថា« ប្រាក់រៀលជារូបិយវត្ថុជាតិរបស់យើងទាំងអស់គ្នា ដូចនេះការចូលរួមប្រើប្រាស់ប្រាក់រៀល ពិតជាបានរួមចំណែកដោយផ្ទាល់និងប្រយោលដល់កិច្ចការពាណិជ្ជកម្មពង្រឹងអធិបតេយ្យភាព សេដ្ឋកិច្ចអត្តសញ្ញាជាតិសាមគ្គីភាពនិងការរីកចម្រើនសេដ្ឋកិច្ចនិងសង្គម»។
ជាក់ស្តែងតាមបទពិសោធន៍វិបត្តិកូវីដ១៩ បានបង្ហាញឱ្យឃើញយ៉ាងច្បាស់ថា ធនាគារកណ្ដាលនៃបណ្ដាប្រទេសជាច្រើន ដែលមានឯករាជ្យផ្នែករូបិយវត្ថុបានអនុវត្តនយោបាយរូបិយវត្ថុវិត្ថារកម្មយ៉ាងសកម្មតាមរយៈការកាត់បន្ថយអត្រាការប្រាក់គោល និងកម្មវិធីចាក់បញ្ចូលសាច់ប្រាក់ក្នុងទីផ្សារដែលបានរួមចំណែកជំរុញសកម្មភាពសេដ្ឋកិច្ចងើបឡើងវិញបានឆាប់រហ័សនៅពេលសេដ្ឋកិច្ចប្រឈមនឹងការកើនឡើងខ្ពស់នៃអត្រាអតិផរណា ដែលជាចម្បងបណ្ដាលមកពីការកើនឡើងថ្លៃប្រេងឥន្ធនៈ និងម្ហូបអាហារសកលដោយសារឥទ្ធិពលនៃសង្គ្រាមរុស្សីអ៊ុយក្រែន។
ធនាគារកណ្ដាលនៃបណ្ដាប្រទេសធំៗក៏បានរឹតត្បិតនយោបាយរូបិយវត្ថុដោយបានដំឡើងអត្រាការប្រាក់គោល និងកាត់បន្ថយទំហំតារាងតុល្យការ។ ដោយឡែកកម្រិតដុល្លាររូបនីយកម្មខ្ពស់នៅកម្ពុជា បានដាក់កំហិតដល់ប្រសិទ្ធភាពនយោបាយរូបិយវត្ថុដោយសារធនាគារជាតិនៃកម្ពុជាអាចមានឥទ្ធិពលតែទៅលើការផ្គត់ផ្គង់ប្រាក់រៀលប៉ុណ្ណោះ ខណៈប្រាក់ដុល្លារស្ថិតក្រោមការគ្រប់គ្រងរបស់ធនាគារកណ្ដាលអាមេរិក។
មន្រ្តីជាន់ខ្ពស់ ធនាគារជាតិ បានបន្ថែមថា ការប្រើប្រាស់រូបិយវត្ថុជាតិ មានភាពប្រសើរ និងធន់ទៅនឹងការប៉ះទង្គិចនានាតាមរយៈការគ្រប់គ្រងអត្រាប្ដូរប្រាក់ ដើម្បីលើកកម្ពស់ភាពប្រកួតប្រជែងរបស់ទំនិញនាំចេញ ឬកាត់បន្ថយការនាំចូល ដែលអាចជួយឲ្យគណនីចរន្តនិងជញ្ជីញពាណិជ្ជកម្ម មានអតិរេក និងគាំទ្រដល់ការពូនគរទុនបម្រុងអន្តរជាតិឱ្យបានរឹងមាំ។ ម្យ៉ាងទៀតរាជរដ្ឋាភិបាលអាចកាត់បន្ថយការពឹងផ្អែកលើបំណុលពីបរទេសតាមរយៈការកៀរគរមូលនិធិជារូបិយវត្ថុក្នុងស្រុកដើម្បីគាំទ្រដល់ការផ្ដល់ហិរញ្ញវត្ថុទានសម្រាប់ការកសាងហេដ្ឋារចនាសម្ព័ន្ធនិងគម្រោងអភិវឌ្ឍន៍ផ្សេងៗ។
បើតាមលោកស្រី ជា សិរី ក្នុងបរិការណ៍ដែលដុល្លាររូបនីយកម្មបានចាក់ជ្រៅទៅក្នុងសេដ្ឋកិច្ច និងសង្គម ជាពិសេសនៅក្នុងផ្នត់គំនិតរបស់ប្រជាជនការជំរុញការប្រើប្រាស់ប្រាក់រៀលបានកាន់តែទូលំទូលាយ ទាមទារឱ្យមានការចូលរួមបន្ថែមពីគ្រប់មជ្ឈដ្ឋាន។ ក្នុងន័យនេះធនាគារជាតិនៃកម្ពុជា នឹងបន្តអនុវត្តនយោបាយរូបិយវត្ថុ និងវិធានការលើកកម្ពស់ការប្រើប្រាស់ប្រាក់រៀល ដោយផ្អែកលើយន្តការទីផ្សារព្រមទាំងពង្រឹងកិច្ចសហការជាមួយភាគីពាក់ព័ន្ធក្នុងការអនុវត្តការងារនេះឱ្យកាន់តែមានប្រសិទ្ធភាព។
ធនាគារជាតិ បានជំរុញដល់ក្រសួងស្ថាប័នគ្រឹះស្ថានធនាគារ និងហិរញ្ញវត្ថុ រោងចក្រក្រុមហ៊ុនសហគ្រាសម្ចាស់អាជីវកម្ម ប្រជាពលរដ្ឋទូទៅ និងគ្រប់ភាគីពាក់ព័ន្ធទាំងអស់បន្តរួមចំណែកប្រើប្រាស់ប្រាក់រៀលនៅក្នុងប្រតិបត្តិការរបស់ខ្លួន តាមរយៈការទូទាត់ការបិទស្លាកតម្លៃទំនិញ និងសេវាធានាការផ្ដល់តម្លៃឥណទាន និងការសន្សំជាប្រាក់រៀលព្រមទាំងផ្ដល់លក្ខខណ្ឌអនុគ្រោះឱ្យបានច្រើនចំពោះការប្រើប្រាស់ប្រាក់រៀលដែលជារូបិយប័ណ្ណជាតិរបស់យើងទាំងអស់គ្នា៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ២ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore