សេដ្ឋកិច្ច
អាកាសយានដ្ឋានអន្តរជាតិ តារាសាគរ នឹងបើកហោះហើរសាកល្បង នៅចុងខែមីនា
អាកាសយានដ្ឋាន អន្តរជាតិ តារាសាគរ ខេត្តកោះកុង ដែលសាងសង់ ដោយក្រុមហ៊ុន Union Development Group នឹងសាងសង់រួចរាល់នៅក្នុងកំឡុងខែមីនា ហើយនឹងបើកការហោះហើរសាកល្បង នៅថ្ងៃទី៣១ ខែមីនា ឆ្នាំ២០២១ ខាងមុខ។
នាយឧត្ដមសេនីយ៍ បណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋាន អាកាសចរស៊ីវិល ដែលបានដឹកនាំមន្ត្រីជំនាញ ចុះពិនិត្យការសាងសង់អាកាសយានដ្ឋាន អន្តរជាតិ តារាសាគរ ខេត្តកោះកុង កាលពីដើមសប្តាហ៍មកនេះ បានមានប្រសាសន៍ថា តាមផែនការគម្រោងសាងសង់អាកាសយានដ្ឋាន អន្តរជាតិ តារាសាគរ ខេត្តកោះកុង នឹងការរៀបចំធ្វើ សុពលភាព ហោះហើរ នឹងបញ្ចប់នៅខែធ្នូ ឆ្នាំ ២០២០ ព្រមទាំង បញ្ចប់ សុពលភាពហោះហើរ នឹងធ្វើនៅខែ កុម្ភៈ ឆ្នាំ ២០២១។
ជាមួយគ្នានេះ លោក បានបន្តថា អាកាសយានដ្ឋាននេះ នឹងបញ្ចប់គម្រោងសាងសង់ នៅមុនថ្ងៃទី២០ ខែមីនា ហើយនឹងបើកការហោះហើរ សាកល្បង នៅមុនថ្ងៃទី៣១ខែមីនា ឆ្នាំ២០២១ ព្រមទាំងបញ្ចប់ គម្រោងអាកាសយានដ្ឋាន ផ្សេងៗទៀត នៅមុនថ្ងៃទី៣០ ខែមេសា ឆ្នាំ២០២១។
លោក បានលើកឡើងថា រដ្ឋលេខាធិការដ្ឋាន អាកាសចរ ស៊ីវិល នឹងទទួលគម្រោងអាកាសយានដ្ឋាននេះ នៅមុនថ្ងៃទី៣០ ខែឧសភា ឆ្នាំ២០២១ និងការបំពេញលក្ខខណ្ឌ ប្រតិបត្តិការ អាកាសយានដ្ឋាន( សុំវិញ្ញាបនបត្រប្រតិបត្តិការអាកាសយានដ្ឋានបំពេញ)នាពាក់កណ្តាលឆមាសទី២ ឆ្នាំ២០២១ ខាងមុខ។
សូមបញ្ជាក់ថា អាកាសយានដ្ឋាន អន្តរជាតិ តារាសាគរ ស្ថិតក្នុងខេត្តកោះកុង បានបោះទុនវិនិយោគសរុបចំនួន ២០០លានដុល្លារ រួមមាន ការស្ថាបនាផ្លូវ សម្រាប់យន្តហោះរត់ ដែលមានប្រវែងបណ្ដោយ ៣២០០ម៉ែត្រ និងទទឹង ៦០ម៉ែត្រ និងស្ថានីយអ្នកដំណើរ ដែលនឹងអនុញ្ញាត ឲ្យយន្តហោះធុនយក្ស ប្រភេទ ប៊ូអីង ៧៧៧ ប្រភេទ និងអ៊ែរបើស A៣៤០ ចុះចតបាន ផងដែរ៕
អត្ថបទ ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ