ព័ត៌មានជាតិ
កុំឲ្យកើតឡើងដដែលដូចឆ្នាំមុនខេត្តកែបបង្កើតក្រុមល្បាត រឿងយកថ្លៃកន្ទេលពីភ្ញៀវទេសចរ
ក្រោយពីមានការរិះគន់ពីសំណាក់ភ្ញៀវទេសចរមួយចំនួនទាក់ទងនឹងការយកលុយថ្លៃកន្ទេលពីសំណាក់ជនឆ្លៀតឱកាសនៅតាមឆ្នេរកែបនាពេលកន្លងមក អាជ្ញាធរខេត្តបានអះអាងប្រាប់កម្ពុជាថ្មីថា ភ្ញៀវទេសចរជាតិ និងអន្តរជាតិអាចយកកន្ទេលមកក្រាលលេងកម្សាន្តនៅតាមឆ្នេរកែប ដោយមិនមានការបង់ប្រាក់នោះទេ ក្នុងករណីដែលពួកគេមានកន្ទេលផ្ទាល់ខ្លួន។
អាជ្ញាធរបានដាក់ក្រុមការងារល្បាតនៅតាមឆ្នេរកែប ដើម្បីពិនិត្យមើលក្រែងមានជនខិលខូចយកលុយថ្លៃក្រាលកន្ទេលពីភ្ញៀវទេសចរ នៅពេលពួកគេមានកន្ទេលផ្ទាល់ខ្លួន។ បញ្ហានេះបានកើតឡើងជាញឹកញាប់ ជាពិសេសខណៈមានពិធីបុណ្យធំៗដូចជាពិធីបុណ្យចូលឆ្នាំខ្មែរ ឫបុណ្យអុំទូកជាដើម។
លោក សោម ចិន្តា ប្រធានមន្ទីរទេសចរណ៍ខេត្តកែបមានប្រសាសន៍ថា៖ «អាជ្ញាធរខេត្តមានវិធានការតឹងរឹងជាងមុនក្នុងការគ្រប់គ្រងការយកថ្លៃក្រាលកន្ទេលពីភ្ញៀវទេសចរនៅតាមឆ្នេរកែប ជាមួយនឹងការដាក់ក្រុមការងារល្បាតដើម្បីត្រួតពិនិត្យមើលបញ្ហានេះ។ ប្រសិនបើអាជ្ញាធររកឃើញមានជនខិលខូច យកលុយថ្លៃក្រាលកន្ទេលពីភ្ញៀវ ពួកគេអាចរាយការទៅកាន់ក្រុមការងារល្បាតដែលមានវត្តមាននៅទីនោះ»។
លោកបានបន្តថា បច្ចុប្បន្នខេត្តអាចគ្រប់គ្រងបញ្ហានេះបានទាំងស្រុង។ អាជ្ញាធរប្ដេជ្ញាចិត្តថានឹងមិនឱ្យមានបញ្ហាយកថ្លៃកន្ទេលនេះកើតមានទៀតទេ។ ប៉ុន្តែអាជីវករលក់ដូរ និងភ្ញៀវអាចព្រមព្រៀង បើមានការជួលក្នុងតម្លៃណាមួយ។
គួរបញ្ជាក់ថា កែបគឺជាខេត្តឆ្នេរសមុទ្រមួយនៅប្រទេសកម្ពុជា ដែលមានសក្តានុពលផ្នែកទេសចរណ៍ បន្ទាប់ពីខេត្តព្រះសីហនុ និងខេត្តកំពត។ ខេត្តនេះមានឆ្នេរសមុទ្រសរុបប្រវែង ២៦.៥០គ.ម មានកោះចំនួន១២ និងមានរមណីយដ្ឋាន និងគោលដៅទេសចរណ៍ទូទាំងខេត្តចំនួន៣៥កន្លែង ដែលបានទាក់ទាញភ្ញៀវទេសចរណ៍ច្រើនកុះករជារៀងរាល់ឆ្នាំ។
កាលពីឆ្នាំ២០២០កន្លងទៅនេះ ចំនួនភ្ញៀវទេសចរនៅខេត្តកែបបានធ្លាក់ចុះ២០ភាគរយ ដោយសារការរីករាលដាលនៃជំងឺកូវីដ១៩នៅកម្ពុជា និងនៅទូទាំងពិភពលោក។
យោងតាមលោក សំ សារីន ប្រធានក្រុមប្រឹក្សាខេត្តកែប ចំនួនភ្ញៀវទេសចរនៅខេត្តកែបបានធ្លាក់ចុះ ២០,១១ ភាគរយពីចំនួន១,៧៤៧,៦២២នាក់នៅឆ្នាំ២០១៩ មកនៅត្រឹមចំនួន១,៣៩៦,១២៥នាក់នៅឆ្នាំ២០២០។
អត្ថបទ៖ វ៉ាត វិន
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ