សេដ្ឋកិច្ច
ពន្ធសកលលើមហាសេដ្ឋីអាចប្រមូលបានជាង ២៥០ ពាន់លានដុល្លារ ខណៈអ្នកមានខ្លះគេចមិនបង់
យោងតាមរបាយការណ៍ថ្មីមួយដោយក្រុមអ្នកអង្កេតពន្ធរបស់សហភាពអឺរ៉ុប កំពុងស្នើសុំប្រភពចំណូលថ្មីសម្រាប់ប្រទេសនានា ជាពិសេសគឺការដាក់ពន្ធលើអ្នកមានៗ ក៏ដូចជាមហាសេដ្ឋីជាដើម ។
យោងតាមក្រុមអង្កេតពន្ធរបស់សហភាពអឺរ៉ុបបានឲ្យដឹងថា រដ្ឋាភិបាលជុំវិញពិភពលោកគួរតែចូលរួមក្នុងកិច្ចខិតខំប្រឹងប្រែងសម្របសម្រួលមួយដើម្បីការពារការគេចពន្ធ និងបង្កើតពន្ធអប្បបរមាជាសកលលើមហាសេដ្ឋី ដែលអាចរៃអង្គាសប្រាក់បានចំនួន ២៥០ ពាន់លានដុល្លារជារៀងរាល់ឆ្នាំ ។
ក្នុងរបាយការណ៍គេចពន្ធសកលសម្រាប់ឆ្នាំ ២០២៤ របស់អង្គការឃ្លាំមើលពន្ធសហភាពអឺរ៉ុបបានឲ្យដឹងថា ពន្ធថ្មីនឹងមានចំនួន ២ ភាគរយនៃចំនួនជិត ១៣ ពាន់ពាន់លានដុល្លារដែលគ្រប់គ្រងដោយមហាសេដ្ឋីពិភពលោកប្រហែល ២,៧០០ នាក់ ប៉ុន្តែនឹងនាំមកនូវប្រាក់ចំណូលពន្ធច្រើនជាងបច្ចុប្បន្នដែលបានមកពីអ្នកមានបំផុតនៅលើពិភពលោក ។
តាមរយៈការស្រាវជ្រាវបានឲ្យដឹងទៀតថា ពន្ធលើមហាសេដ្ឋីតែងតែទាបជាងអ្នកជាប់ពន្ធទូទៅ ដោយសារតែមហាសេដ្ឋីទាំងនោះ យកទ្រព្យសម្បត្តិរបស់ពួកគេ ទៅដាក់ក្នុងក្រុមហ៊ុនផ្សេងៗដើម្បីការពារលើពន្ធប្រាក់ចំណូល ខណៈពន្ធផ្ទាល់ខ្លួនលើមហាសេដ្ឋីត្រូវបានគេប៉ាន់ស្មានថា មានជិត ០.៥ ភាគរយនៅសហរដ្ឋអាមេរិក និងទាបបំផុត ០ ភាគរយនៅប្រទេសបារាំង ។
កិច្ចខិតខំប្រឹងប្រែងដើម្បីបង្កើនពន្ធលើមហាសេដ្ឋីមានការកើនឡើង ដោយក្នុងនោះលោកប្រធានាធិបតីអាមេរិក Joe Biden បានដាក់ពន្ធអប្បបរមា ២៥ ភាគរយលើអ្នកមានបំផុត ០.០១ ភាគរយនៅក្នុងសំណើថវិកាឆ្នាំ ២០២៤ ។ ទោះជាយ៉ាងណាក៏ដោយ ផែនការនេះមិនត្រូវបានគេរំពឹងថានឹងឆ្លងផុតសភានោះទេ ។
គួរបញ្ជាក់ថា កិច្ចព្រមព្រៀងឆ្នាំ ២០២១ រវាងប្រទេសចំនួន ១៤០ បានកំណត់កម្រិត ១៥ ភាគរយជាសកលលើការយកពន្ធសាជីវកម្ម ក្នុងគោលបំណងកំណត់សមត្ថភាពរបស់ក្រុមហ៊ុនពហុជាតិក្នុងការកាត់បន្ថយពន្ធរបស់ពួកគេដោយបង្វែរប្រាក់ចំណេញទៅកាន់ប្រទេសដែលមានពន្ធទាប ៕
ប្រែសម្រួល៖ នាង រតនៈ
ប្រភព៖ VOA
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ