Connect with us

សេដ្ឋកិច្ច

តម្លៃដំឡូងមី បន្តធ្លាក់ចុះ ខណៈអាកាសធាតុកើនឡើងកម្ដៅខ្លាំង

បានផុស

នៅ

តម្លៃទីផ្សារដំឡូងមី នៅតែបន្ដធ្លាក់ចុះជាបណ្ដើរៗ ខណៈអាកាសធាតុកើនឡើងកម្ដៅខ្លាំងជាងឆ្នាំមុនៗ ដែលវានាំឱ្យ ការដាំដំឡូងមី របស់កសិករ ត្រូវរលួយដើមងាប់អស់ជាច្រើន ដោយតែខ្វះទឹកសម្រាប់ស្រោចស្រព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក អិល ឈិញ ប្រធានសមាគម កសិករដំឡូងមីខ្មែរ ខេត្តបន្ទាយមានជ័យ បានប្រាប់ឱ្យ កម្ពុជាថ្មី ដឹងថា សម្រាប់ឆ្នាំនេះ ដំឡូងមី មិនទទួលបានទិន្នផលល្អដូចឆ្នាំមុនៗនោះទេ ចំណែកតម្លៃវិញក៏ធ្លាក់ថ្លៃយ៉ាងខ្លាំង ដែលបណ្ដាមកពីអាកាសធាតុកើនឡើងកម្ដៅខ្លាំង នាំឱ្យដំណាំដំឡូងមី របស់កសិករត្រូវងាប់ដើម និងរលួយអស់ជាច្រើន ស្របពេលដែលការចំណាយដើមផលិត ក៏ត្រូវចំណាយខ្ពស់ ក្នុងនោះមានដូចជា៖ ថ្លៃដើមពូជ ប្រេងនិងជីជាដើម។ លោក បន្តទៀតថា ទាក់ទងនឹងតម្លៃដំឡូងមី នាពេលបច្ចុប្បន្ននេះ ក្នុងតំបន់ ខាងក្បែរប្រទេសថៃ តម្លៃស្ងួត ៦៨០រៀល ដល់ ៧០០រៀល ក្នុងគីឡូក្រាម ចំពោះដំឡូងមីស្ងួតដាច់ និងតម្លៃដំឡូងមីស្រស់វិញ លក់ចេញបានត្រឹមតែ ២២០រៀល។

លោក អិល ឈិញ បន្ថែមទៀតថា សម្រាប់នៅតាមខេត្តមួយចំនួន នៅខាងក្បែរ ប្រទេសវៀតណាមវិញ តម្លៃដំឡូងមីស្រស់ លក់ចេញបានក្នុង១គីឡូក្រាម ៣៧០រៀល ហើយកាត់ភាគរយចន្លោះ ពី ១៨% ដល់ ៣០% ទៅលើការនាំចេញ  ដែលទីផ្សារធំ មានតែប្រទេសថៃ និង វៀតណាម តែប៉ុណ្ណោះ។

យ៉ាងណាមិញ យិន ចំណាន កសិករដាំដំឡូងមី ស្ថិតស្រុកភ្នំស្រុក ខេត្តបន្ទាយមានជ័យ ក៏បានប្រាប់ឱ្យ កម្ពុជាថ្មី តាមរយៈប្រព័ន្ធទូរសព្ទថា ឆ្នាំនេះ លោក និងកសិករផ្សេងទៀត មិនទាន់ហ៊ានដាំដំឡូងមី នៅឡើយទេ នេះក៏ដោយសារតែ អាកាសធាតុកើនឡើងកម្ដៅខ្លាំង និងមិនទាន់មានភ្លៀងធ្លាក់គ្រប់គ្រាន់ សម្រាប់ការដាំដំណាំដំឡូងមី ក្នុងឆ្នាំនេះ។ លោក បន្តថា ដំណាំដំឡូងមី ជាដំណាំមួយប្រភេទ ដែលត្រូវការទឹកគួរសម ដើម្បីដាំវាឱ្យបានផលល្អ ប៉ុន្ដែដោយសារតែអាកាសធាតុប្រែប្រួល និងកើនឡើងកម្ដៅខ្លាំងថែមទៀមនោះ ទើបលោកគិតថារងចាំមើលពេលមានភ្លៀងធ្លាក់បន្ដិចសិន ទើបសម្រេចចិត្តដាំថាឡើងវិញ។

ចំណែក កសិករ ស្ថិតនៅខេត្តបាត់ដំបង លោក ឡោ វ៉ាន់ដា ក៏បាន ប្រាប់ឱ្យ កម្ពុជាថ្មី ដឹងដូចគ្នាដែរថា ស្របពេលដែលតម្លៃដំឡូងមី មានការធ្លាក់ថ្លៃខ្លាំង និងដោយសារការប្រែប្រួល​នៃអាកាសធាតុ ផងនោះ លោកក៏មិនទាន់សម្រេចចិត្តដាំដំឡូងមី ឡើងវិញដែរ។ ម្យ៉ាងដោយសារតែ លោកទើបតែប្រមូលផលដំឡូងមី លក់ចេញមិនសូវបានថ្លៃ បានត្រឹមតែរួចថ្លៃដើម ម្ល៉ោះហើយលោកគិតថា មិនទាន់ចង់ដាំដំណាំដំឡូងមី នេះបន្តទៅទៀត ដោយរងចាំមើលអាកាសធាតុចុះត្រជាក់វិញ និងតម្លៃដំឡូងមី បានតម្លៃដូចឆ្នាំមុនៗ សិន ផងដែរ៕

អត្ថបទ ៖ សួស សិត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ៣ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ៧ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ៥ ម៉ោង មុន

ដំណាំកសិកម្មជាង ១ ម៉ឺនហិកតា កំពុងរងការវាយប្រហារពីសត្វដង្កូវហ្វូង

សេចក្ដីជូនដំណឹង៨ ម៉ោង មុន

តើអ្នកយល់យ៉ាងណាចំពោះក្រុមហ៊ុនផាសអ៊ែប (PassApp) បានធ្វើរឿងមួយនេះ???

Sokha Hotels

ព័ត៌មានពេញនិយម