សេដ្ឋកិច្ច
ស្ថានភាពល្អប្រសើរនៃសេដ្ឋកិច្ចសកល និងតំបន់នឹងបន្តគាំទ្រការនាំចេញរបស់កម្ពុជា
ភ្នំពេញ៖ នាយកប្រតិបត្តិនៃនៃការិយាល័យស្រាវជ្រាវម៉ាក្រូសេដ្ឋកិច្ចតំបន់អាស៊ានបូកបី (AMRO) លោកលី គួឈីង បានលើកឡើងថា ឆ្នាំ២០២៤ សេដ្ឋកិច្ចកម្ពុជា នៅបន្តរក្សាបានចលនការកំណើនល្អ ដោយការរំពឹងទុកភាពល្អប្រសើរនៃកំណើនសេដ្ឋកិច្ចសកល និងតំបន់ ដែលនឹងបន្តគាំទ្រដល់វិស័យបម្រើដល់ការចេញ ជាពិសេស វិស័យកាត់ដេរ និងកម្មន្តសាលមិនមែនកាត់ដេរ ខណៈវិស័យទេចរណ៍នឹងនៅតែបន្តនិន្នាការកើនឡើង។
ការថ្លែងរបស់លោកលី គួឈីង (Li Kouqing) ធ្វើឡើងក្នុងជំនួបពិភាក្សាការងារជាមួយលោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី ៩ ខែ ឧសភា ឆ្នាំ ២០២៤, នៅទីស្តីការក្រសួងសេដ្ឋកិច្ច និងហិរញ្ញវត្ថុ។ អំឡុងពេលលោកបានដឹកនាំសហការីនៃក្រុមបេសកកម្មនៃការិយាល័យស្រាវជ្រាវម៉ាក្រូសេដ្ឋកិច្ចតំបន់អាស៊ានបូកបីមកកាន់កម្ពុជា។
លី គួឈី បានលើកឡើងថា ស្ថានភាពសេដ្ឋកិច្ចកម្ពុជា ក្នុងឆ្នាំ២០២៣ កំណើនសេដ្ឋកិច្ច ត្រូវប៉ាន់ស្មានថាមានអត្រាក្នុងរង្វង់៥% ដែលកំណើនល្អប្រសើរ បើទោះបីជាស្ថានភាពសេដ្ឋកិច្ចសកល និងតំបន់ បាននិងកំពុងជួបប្រទះនឹងបញ្ហាប្រឈម និងហានិភ័យជាច្រើនក៏ដោយ។
លោកថា សម្រាប់ឆ្នាំ២០២៤ សេដកិច្ចកម្ពុជា នៅបន្តរក្សាបានចលនការកំណើនល្អ ដោយការរំពឹងទុកភាពល្អប្រសើរនៃកំណើនសេដ្ឋកិច្ចសកល និងតំបន់ ដែលនឹងបន្តគាំទ្រដល់វិស័យបម្រើដល់ការចេញ ជាពិសេស វិស័យកាត់ដេរ និងកម្មន្តសាលមិនមែនកាត់ដេរ ខណៈវិស័យទេចរណ៍នឹងនៅតែបន្តនិន្នាការកើនឡើង។
លោក លី គួឈី ក៏បានបញ្ជាក់ថា ៖«កំណើនសេដ្ឋកិច្ចល្អនៅក្នុងឆ្នាំ២០២៣ និងឆ្នាំ២០២៤ បានចូលរួមចំណែកយ៉ាងសំខាន់ពីការកែលម្អស្ថានភាពហិរញ្ញវត្ថុសាធារណៈឱ្យមានចីរភាព មានភាពរឹងមាំ និងបង្កើនលម្ហ សម្រាប់ការធ្វើអន្តរាគមន៍ចាំបាច់នានា ខណៈស្ថានភាពវិស័យខាងក្រៅ ក៏មានភាពប្រសើរឡើងវិញ។ និន្នាការនេះនឹងបន្តធ្វើឱ្យកម្ពុជាអាចសម្រេចបានកណើនកាន់តែប្រសើរសម្រាប់ឆ្នាំ២០២៤ និងរយៈពេលមធ្យមទៅមុខ។
លោកអូន ព័ន្ធមុនីរ័ត្ន បានយល់ស្របទៅលើការវាយតម្លៃនៃស្ថានភាពសេដ្ឋកិច្ចសកល និងតំបន់ ជាពិសេសសេដ្ឋកិច្ចរបស់កម្ពុជាដែលបានលើកឡើងដោយលោកលី។ លោកថា ការវិវត្តនៃស្ថានភាពសេដ្ឋកិច្ចសកល តំបន់ និងនៅកម្ពុជា ជាពិសេស ក្នុងស្ថានភាពដែមិនទាន់វិលត្រឡប់ទៅរកប្រក្រតីភាពទាំងស្រុង រួមជាមួយនឹងហានិភ័យ និងភាពមិនប្រាកដប្រជាកាន់តែខ្ពស់។
លោកបានគូសបញ្ជាក់ថា៖«សេដ្ឋកិច្ចកម្ពុជានឹងបន្តរក្សាកំណើនល្អ បើធៀបនឹងបណ្តាប្រទេសក្នុងតំបន់ ដោយសារការបន្តអនុវត្តប្រកបដោយឆន្ទះនយោបាយខ្ពស់នូវក្របខណ្ឌគោលនយោបាយនានាដែលបានដាក់ចេញនាពេលកន្លងមក ជាពិសេស យុទ្ធសាស្រ្តបញ្ចកោណដំណាក់កាលទី១ ដែលចូលរួមយ៉ាងសំខាន់ក្នុងការជំរុញសេដ្ឋកិច្ចកម្ពុជា»។
ទោះជាយ៉ាងនេះក្តី លោកលី គួឈីង បានកត់សម្គាល់ទៅលើភាពមិនប្រាកដប្រជា និងហានិភ័យចម្បងៗមួយចំនួនទាំងក្នុងនិងក្រៅប្រទេស ទ្រនាប់ថវិកាឡើងវិញដើម្បីភាពធន់នៃហិរញ្ញវត្ថុសាធារណៈ ការធានាឱ្យបាននូវស្ថិរភាពវិស័យហិរញ្ញវត្ថុ ការពង្រឹងការកែទម្រង់ជារចនាសម័្ពន្ធ ដើម្បីបង្កើនពិពិធកម្ម និងពង្រឹងភាពប្រកួតប្រជែង ខណៈកម្ពុជានឹងចាកចេញពីក្រុមប្រទេសដែលមានការអភិវឌ្ឍតិចតួច(LDC)។
នៅក្នុងរយៈពេល ៤ ខែដើមឆ្នាំ ២០២៤ ទំហំពាណិជ្ជកម្មអន្តរជាតិរបស់កម្ពុជា សម្រេចបានជាង ១៦ ពាន់លានដុល្លារ កើនជាង ១២ ភាគរយ បើប្រៀបធៀបរយៈពេលដូចគ្នា។ ក្នុងនោះទំនិញកម្ពុជានាំចេញបានថវិកាជាង ៨ ពាន់លានដុល្លារកើនឡើង ១៥,២ ភាគរយ ចំណែកទំនិញនាំចូលពីក្រៅប្រទេស ៨,៦៦ ពាន់ដុល្លារកើនឡើង ៩,៣ ភាគរយ។
កាលពីចុងខែមេសា ស្ថាប័នមូលនិធិរូបិយវត្ថុអន្តរជាតិ(IMF) បានព្យាករណ៍ថា កំណើនសេដ្ឋកិច្ចរបស់កម្ពុជានៅឆ្នាំ២០២៤នឹងមានកំណើនក្នុងអត្រា ៦ភាគរយ៕
-
ព័ត៌មានជាតិ៤ ថ្ងៃ ago
លោក សុខ ធា ត្រូវបានប្រកាសចូលកាន់តំណែងជានាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិភ្នំពេញ
-
ព័ត៌មានអន្ដរជាតិ៣ ថ្ងៃ ago
ត្រៀមខ្លួន! ឆ្នាំក្រោយ ព្យុះព្រះអាទិត្យ នឹងវាយប្រហារភពផែនដី កាចសាហាវជាងឆ្នាំនេះទៀត
-
ជីវិតកម្សាន្ដ១ សប្តាហ៍ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
សេចក្ដីជូនដំណឹង៥ ថ្ងៃ ago
ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!
-
កីឡា២ ថ្ងៃ ago
អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១
-
កីឡា៥ ថ្ងៃ ago
ស្ថាបនិក KSF ផ្តល់តម្លៃ ឈឿង ល្វៃ ខ្ពស់បំផុតសម្រាប់កំណត់ត្រាជូនជាតិ
-
ព័ត៌មានជាតិ៦ ថ្ងៃ ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់