ព័ត៌មានជាតិ
បេឡាជាតិសន្តិសុខសង្គម សម្លឹងមើលឱកាសវិនិយោគនៅក្នុងវិស័យមូលបត្រ
លោកបណ្ឌិត ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម (ប.ស.ស.) បានលើកឡើងថា ប.ស.ស. បានសម្លឹងឃើញពីសក្តានុពល និងឱកាសនៃការវិនិយោគនៅក្នុងវិស័យមូលបត្រ ដែលជាផ្នែកមួយដ៏សំខាន់ក្នុងការចូលរួមចំណែកអភិវឌ្ឍទីផ្សារហិរញ្ញវត្ថុនៅកម្ពុជាឱ្យកាន់តែមានការរីកចម្រើន។
![](https://www.kampucheathmey.com/wp-content/uploads/2024/05/photo_2024-05-24_11-05-24-3-1024x682.jpg)
ថ្លែងនៅក្នុងសិក្ខាសាលាស្ដីពី “ការវិនិយោគក្នុងវិស័យមូលបត្រ” កាលពីពេលថ្មីៗនេះ លោកបណ្ឌិត ហេង សុផាន់ណារិទ្ធ បានលើកឡើងថា កន្លងមក ប.ស.ស. បានធ្វើការវិនិយោគទៅលើសញ្ញាបណ្ណសាជីវកម្មជាមួយក្រុមហ៊ុនខេមបូឌា អ៊ែរផត អ៊ិនវេសមិន លើគម្រោងអាកាសយានដ្ឋានអន្តរជាតិតេជោ ដែលជាប្រភេទសញ្ញាបណ្ណមានបុគ្គលធានា កាលពីឆ្នាំ២០២២ កន្លងទៅរួចមកហើយ។
នាយកដ្ឋានគ្រប់គ្រងការវិនិយោគមូលនិធិសន្តិសុខសង្គម មានផ្នែកមួយដែលកំពុងធ្វើការសិក្សា និងធ្វើវឌ្ឍនភាពទៅលើការសិក្សាវិស័យមូលបត្រ ដើម្បីជំរុញនិងគាំទ្រដល់ការអភិវឌ្ឍទីផ្សារហិរញ្ញវត្ថុនៅកម្ពុជា ហេតុដូច្នេះត្រូវតែសិក្សាលើផ្នែកនេះឲ្យបានច្បាស់លាស់ ដើម្បីកុំឲ្យការអនុវត្តប្រាសចាកនិងគោលការណ៍ដែលមានចែងជាធរមាន។
![](https://www.kampucheathmey.com/wp-content/uploads/2024/05/photo_2024-05-24_11-05-24-1024x682.jpg)
នាយកដ្ឋានគ្រប់គ្រងការវិនិយោគមូលនិធិសន្តិសុខ ដែលជាអង្គភាពចំណុះឱ្យ ប.ស.ស. ត្រូវបានបង្កើតឡើងដោយអនុក្រឹត្យលេខ១៩៦ អនក្រ ប.ក ដែលមានតួនាទីជាសេនាធិការឱ្យក្រុមប្រឹក្សាភិបាល ក្នុងការគ្រប់គ្រង និងចាត់ចែងការវិនិយោគមូលនិធិសន្តិសុខសង្គម ឱ្យស្របទៅតាមគោលការណ៍ណែនាំសម្រាប់ការវិនិយោគមូលនិធិសន្តិសុខសង្គម ដែលជាផ្នែកមួយដ៏សំខាន់មិនអាចខ្វះបាន ក្នុងការចូលរួមចំណែកធានានូវនិរន្តរភាពមូលនិធិសន្តិសុខសង្គម និងដើម្បីផ្ដល់អត្ថប្រយោជន៍បន្ថែមជូនទៅដល់សមាជិក ប.ស.ស. ផងដែរ៕
អត្ថបទ៖សំអឿន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ១៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ