សេដ្ឋកិច្ច
ទោះបីវិស័យអចលនទ្រព្យនិងសំណង់មានការថមថយ JS Land បង្ហាញពីកំណើនដ៏រឹងមាំក្នុងត្រីមាសទី១
JS Land Plc ជាក្រុមហ៊ុនអភិវឌ្ឍន៍អចលនទ្រព្យដែលបានចុះបញ្ជីភាគហ៊ុនក្នុងស្រុក បានរាយការណ៍ពីការកើនឡើងនៃប្រតិបត្តិការអាជីវកម្មនៅក្នុងត្រីមាសទី១ ស្របពេលដែលមានការធ្លាក់ចុះសកម្មភាពសំណង់ និងអចលនទ្រព្យ។
ក្រុមហ៊ុន JS Land Plc គឺជាក្រុមហ៊ុនទី២ ដែលបានចុះបញ្ជីលើទីផ្សារកំណើន របស់ផ្សារមូលបត្រកម្ពុជា (CSX) កាលពីថ្ងៃទី១០ ខែកុម្ភៈ ឆ្នាំ២០២២ ដោយប្រមូលមូលនិធិបាន ៤៨,៨៤៩ ពាន់លានរៀល (១២ លានដុល្លារ)។
យោងតាមឯកសាររបស់ក្រុមហ៊ុនផ្ញើទៅ CSX កាលពីថ្ងៃទី៣១ ខែសីហា នៅសម្រាប់ ត្រីមាសទី ១ ឆ្នាំ ២០២៤ ក្រុមហ៊ុន ជេអេស លែន ភីអិលស៊ី បានរាយការណ៍ពីចំណូល សរុបក្នុងការិយបរិច្ឆេទចំនួន ៦១០,៨១៧ លានរៀល កើនឡើងចំនួន ២,០៣០ពាន់លានរៀល ស្មើនឹង ១៤៣,០២% បើប្រៀបធៀបទៅនឹងត្រីមាសទី ១ ឆ្នាំ ២០២៣។
គិតត្រឹមដំណាច់ថ្ងៃទី៣១ ខែមីនា ឆ្នាំ២០២៤ ក្រុមហ៊ុន ជេអេស លែន ភីអិលស៊ី មានទ្រព្យសកម្មសរុបចំនួន ៩៣,៣៨៥ ពាន់លានរៀល កើនឡើងចំនួន ៣,៩៤៧ លានរៀល ស្មើនឹង ០,០០៤២៣% និង មូលធនសរុប មានចំនួន ១៥,៨៥៩ ពាន់លានរៀល កើនឡើងចំនួន ៦១១លានរៀល ស្មើនឹង ៤,០១%។
លោក កូយ ឡេសានបានថ្លែងក្នុងលិតថ្ងៃទី ៣១ ខែឧសភា ឆ្នាំ២០២៤ទោះបីជាក្រុមហ៊ុន ជេអេស លែន ភីអិលស៊ី បានជោគជ័យលើបញ្ហាប្រឈមជាច្រើនតាម ជម្នះរាល់ឧបសគ្គ និងសម្រេចបាននូវគោលដៅគម្រោងខុនដូក្នុងត្រីមាសទីមួយរបស់ក្រុមហ៊ុនដែលនាំឱ្យការលក់អចលនទ្រព្យភាគច្រើនទទួលបានជោគជ័យចំនួន ៤៧ ខុនដូយូនីត និង ការលក់បុគ្គលចំនួន ៨ ខុនដូយូនីត។
លោកបានថ្លែងថា ការសម្រេចបានជោគជ័យនៃគោលដៅគម្រោងខុនដូ ក្នុងត្រីមាសទី 9 ឆ្នាំ២០២៤ របស់ក្រុមហ៊ុនយើងខ្ញុំបានធ្វើឱ្យការលក់មានចំនួន ៨.៤២១.៧០៦.០០០ រៀល និងប្រាក់ចំណូលផ្សេងទៀតមានចំនួន ៦១៣.៣៦៩.០០០ រៀល បានកើនឡើងចំនួន ៥២០.៨១៣.០០០ រៀល ស្មើនឹង ៥៦២,៧០% បើធៀបនឹង ត្រីមាសទី ១ ឆ្នាំ ២០២៣។
គិតត្រឹមត្រីមាសទី១ ថ្ងៃទី ៣១ ខែមីនា ឆ្នាំ២០២៤ ក្រុមហ៊ុន ជេអេស លែន ភីអិលស៊ី បានរាយការណ៍ពីចំណូលលម្អិតសរុបក្នុងការិយបរិច្ឆេទចំនួន ៦១០.៨១៧.០០០ រៀល កើនឡើងចំណូលលម្អិតក្នុងការិយបរិច្ឆេទចំនួន ២.០៣០.៦៨៨.០០០ រៀល ស្មើនឹង ១៤៣,០២% បើប្រៀបធៀបទៅនឹង ត្រីមាសទី ១ ឆ្នាំ ២០២៣។
លោកបានថ្លែងថា៖«ក្រុមហ៊ុន ជេអេស លែន ភីអិលស៊ី បានបង្ហាញពីភាពប្រសើរឡើងគួរឱ្យកត់សម្គាល់នៅក្នុងប្រាក់ចំណូលរបស់ខ្លួននៅក្នុងត្រីមាសទី១ សម្រាប់ ឆ្នាំ២០២៤ បើធៀបនឹងត្រីមាសទី ១ ឆ្នាំ ២០២៣។ ការកើនឡើងយ៉ាងច្រើននៃប្រាក់ចំណេញនេះបង្ហាញពីកំណើនប្រាក់ចំណូលដ៏រឹងមាំ និងការបង្កើន ប្រសិទ្ធភាពប្រតិបត្តិការរបស់ក្រុមហ៊ុន»។
លោកកូយ ឡេសានថ្លែងអះអាងទៀតថា៖«យើងខ្ញុំសូមប្តេជ្ញាចិត្តក្នុងការខិតខំបង្កើនប្រាក់ចំណេញសុទ្ធបស់ក្រុមហ៊ុនយើង ដោយផ្តល់នូវលទ្ធផលហិរញ្ញវត្ថុកាន់តែល្អប្រសើរឡើងនៅរៀងរាល់ ត្រីមាស។ ដោយតាមរយៈការរក្សាការយកចិត្តទុកដាក់យ៉ាងខ្លាំងលើប្រសិទ្ធភាពប្រតិបត្តិការ យើងមានបំណងសម្រេចបាននូវកំណើនជាប់លាប់ និងផ្តល់នូវតម្លៃដ៏ច្រើនដល់ភាគហ៊ុនិករបស់ក្រុមហ៊ុនយើង»។
ប្រភពចំណូលចម្បងរបស់ក្រុមហ៊ុនគឺបានមកពីការលក់គម្រោងខុនដូដែលបានអភិវឌ្ឍ។ ប្រាក់ចំណូលទាំងអស់ត្រូវបានទទួលស្គាល់ក្នុងពេលមួយនៅពេលផ្ទេរកម្មសិទ្ធិនៃអគារលំនៅឋានទៅឱ្យអតិថិជន។ នេះបើយោងតាមឯកសាររបស់ក្រុមហ៊ុន៕
-
ព័ត៌មានជាតិ៧ ថ្ងៃ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៥ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៧ ថ្ងៃ agoកម្ពុជារឹតបន្តឹង និងទប់ស្កាត់សំណល់អេឡិចត្រូនិក ខណៈអាស៊ីអាគ្នេយ៍កំពុងក្លាយជាគោលដៅថ្មី
-
ព័ត៌មានជាតិ១ សប្តាហ៍ ago៣ ថ្ងៃចូលឆ្នាំថ្មី ខេត្តក្រចេះទទួលទេសចរមកកម្សាន្តប្រមាណ ៦៩ ៩៦២ នាក់ ខណៈព្រែកកាំពីជាគោលដៅទាក់ទាញបំផុត
-
ព័ត៌មានជាតិ៦ ថ្ងៃ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
ព័ត៌មានអន្ដរជាតិ១ សប្តាហ៍ agoវិនិយោគិនបរទេសដកខ្លួនពីទីផ្សារថៃ ខណៈវិបត្តិថាមពលគំរាមកំហែងសេដ្ឋកិច្ច
-
សន្តិសុខសង្គម១៨ ម៉ោង agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ