ព័ត៌មានអន្ដរជាតិ
Elon Musk ទម្លាក់ Jeff Bezos ជាបុគ្គលមានបំផុតនៅអាមេរិកម្ដងទៀត
កាលពីថ្ងៃចន្ទសប្ដាហ៍នេះ លោក Elon Musk ទទួលបានតំណែងសារជាថ្មីក្នុងនាមជាអ្នកមានបំផុតនៅអាមេរិក និងជាអ្នកមានទីពីរក្នុងពិភពលោក ដោយបានយកឈ្នះលើស្ថាបនិកនិងជាប្រធានក្រុមហ៊ុន Amazon លោក Jeff Bezos ដោយធ្លាប់យកតំណែងពីនាយកប្រតិបត្តិក្រុមហ៊ុន Tesla ជាច្រើនដង ក្នុងប៉ុន្មានសប្តាហ៍ថ្មីៗនេះ។
យោងតាមបញ្ជីមហាសេដ្ឋី Forbes បានបញ្ចាក់ឲ្យដឹងថា ទ្រព្យសម្បត្តិរបស់ Elon Musk បានកើនឡើងប្រហែល ៥.៥ ពាន់លានដុល្លារកាលពីថ្ងៃចន្ទ ដោយបានជួយគាត់លើសលោក Bezos ដែលទ្រព្យសម្បត្តិរបស់គាត់បានកើនឡើងប្រហែល ៤៥០ លានដុល្លារ។
ក្នុងនោះផងដែរ Forbes ក៏បានប៉ាន់ប្រមាណថា Elon Musk មានតម្លៃប្រហែល ១៩៤ ពាន់លានដុល្លារ គិតត្រឹមរសៀលថ្ងៃចន្ទ ហើយគេថែមទាំងប៉ាន់ស្មានទៀតថា Bezos មានតម្លៃប្រហែល ១៩៣.២ពាន់លានដុល្លារប៉ុណ្ណោះ។ ចំណែកឯអ្នកមានបំផុតនៅលើពិភពលោកនេះ នៅតែជាលោក Bernard Arnault ម្ចាស់យីហោដ៏ប្រណិត LVMH ដោយមានតម្លៃប៉ាន់ស្មាន ២៣៤.៩ ពាន់លានដុល្លារ។
ការវិលត្រឡប់របស់លោក Elon Musk ទៅជាអ្នកមានបំផុតទីពីរ កើតឡើងនៅពេលដែលតម្លៃភាគហ៊ុនរបស់ក្រុមហ៊ុន Tesla បានកើនឡើងយ៉ាងខ្លាំងកាលម្សិលមិញ បន្ទាប់ពីមានព័ត៌មានបែកធ្លាយអំពីតម្លៃរថយន្តអគ្គិសនីម៉ូដែល Y របស់ខ្លួននៅក្នុងតំបន់មួយចំនួន ។
អ្វីដែលជាការកត់សម្គាល់ខ្លាំង ចំនួនភាគហ៊ុន Tesla បានកើនឡើង ៥.៥៩% នៅម៉ោង ១២:៣០ យប់ ដែលជាការកត់សម្គាល់ការកើនឡើងភាគរយដ៏ធំបំផុតរបស់ភាគហ៊ុនក្នុងរយៈពេលមួយថ្ងៃ ចាប់តាំងពីថ្ងៃទី ១៤ ខែវិច្ឆិកា ឆ្នាំ ២០២៣ នៅពេលដែលវាបានកើនឡើង ៦.១២%។ តាមការប្រៀបធៀប ភាគហ៊ុន Amazon បានកើនឡើងត្រឹមតែ ០.២៤% កាលពីថ្ងៃចន្ទ៕
អត្ថបទ៖ សាង ស្រីល័ក្ខ
ចុចអាន៖លើកដំបូង ស្ថាបនិក Amazon វ៉ាដាច់ Elon Musk ជាមហាសេដ្ឋីពិភពលោកវិញម្ដង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ