សេដ្ឋកិច្ច
តម្លៃកាហ្វេនាំចេញវៀតណាមកើនឡើង ទោះការនាំចេញតិច ដោយសារគ្រោះរាំងស្ងួត
តម្លៃនៃការនាំចេញកាហ្វេរបស់វៀតណាមសរុបបានកើនឡើងដល់ជាង ៣ ប៊ីលានដុល្លារក្នុងរយៈពេល៦ខែឆ្នាំនេះ ទោះបីការនាំចេញមានតិចជាងមុន ដោយសារតែគ្រោះរាំងស្ងួត។ យោងតាមការចុះផ្សាយរបស់កាសែតViệtNam News ។
យោងតាមទិន្នន័យពីអគ្គនាយកដ្ឋានគយវៀតណាម (GSO) បរិមាណនៃការនាំចេញកាហ្វេរបស់វៀតណាមក្នុងឆមាសទី១ មានចំនួន ៨៦២ ៤០០ តោន ដោយធ្លាក់ចុះជាង ៨ ភាគរយ ប៉ុន្តែតម្លៃបានកើនឡើងរហូតដល់ ៣៨ ភាគរយ ដល់ជាង ៣ ប៊ីលានដុល្លារ ធៀបទៅនឹងរយៈពេលដូចគ្នាកាលពីឆ្នាំមុន។
បើតាម GSO ដដែល កាហ្វេវៀតណាមនាំចេញក្នុងតម្លៃមធ្យម ៤ ២៧៥ ដុល្លារ/តោន នៅខែឧសភា ដោយកើនឡើង ១៤ ភាគរយធៀបនឹងខែមេសា និង ៦៦ ភាគរយ ធៀបនឹងរយៈពេលដូចគ្នាកាលពីឆ្នាំមុន។
ជាមួយគ្នានេះ ក្នុងរយៈ ពេល ៥ ខែដើមឆ្នាំ ២០២៤ តម្លៃនាំចេញកាហ្វេជាមធ្យម គឺ ៣ ៤៧៥ ដុល្លារ/តោន ដោយកើនឡើង ៤១ ភាគរយ ធៀបនឹង៥ខែដើមឆ្នាំ ឆ្នាំមុន។
យោងតាមក្រសួងកសិកម្ម និងអភិវឌ្ឍន៍ជនបទវៀតណាម បច្ចុប្បន្ននេះវៀតណាមមានកាហ្វេក្នុងស្ដុកតិចតួចណាស់ ដែលនៅសេសសល់សម្រាប់ទីផ្សារក្នុងស្រុក។ លើសពីនេះ ទិន្នផលកាហ្វេត្រូវបានគេព្យាករថានឹងបន្តធ្លាក់ចុះប្រហែល ២០ ភាគរយនៅឆ្នាំដាំដុះបន្ទាប់ ដោយសារតែធាតុអាកាសក្តៅអូសបន្លាយ ដែលនាំឱ្យមានគ្រោះរាំងស្ងួតធ្ងន់ធ្ងរនៅតំបន់ខ្ពង់រាបកណ្តាល។
សមាគមកាកាវកាហ្វេវៀតណាម (Vicofa) បាននិយាយថា តម្លៃកាហ្វេបច្ចុប្បន្នកំពុងកើនឡើងយ៉ាងខ្លាំង ដូច្នេះចំណូលនៅតែកើនឡើង ទោះបីទិន្នផលកាហ្វេដែលនាំចេញទៅកាន់ពិភពលោកអាចនឹងធ្លាក់ចុះក៏ដោយ។ Vicofa រំពឹងថា ការនាំចេញកាហ្វេនឹងរកចំណូលបានពី ៤,៥ ទៅ ៥ ប៊ីលានដុល្លារឆ្នាំនេះ៕
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%