ព័ត៌មានអន្ដរជាតិ

អង្ករវៀតណាម នៅតែមានឱកាសច្រើនក្នុងការនាំចេញនៅឆ្នាំនេះ

បានផុស

២ years មុន

នៅ

ថ្ងៃចន្ទ ២២ កក្កដា ២០២៤

ដោយ

ក្រសួងឧស្សាហកម្ម និងពាណិជ្ជកម្មវៀតណាម បាននិយាយកាលពីពេលថ្មីៗថា វៀតណាមនៅតែសម្បូរឱកាសក្នុងការនាំចេញអង្ករ អំឡុងរយៈពេលប៉ុន្មានខែចុងក្រោយនៃឆ្នាំ ២០២៤ ដោយសារតម្រូវការអង្ករនៅជុំវិញពិភពលោកនៅតែមានកម្រិតខ្ពស់។ នេះបើតាមការចុះផ្សាយរបស់កាសែត Cong Ly នាថ្ងៃចន្ទនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមនាយកដ្ឋាននាំចេញ-នាំចូលរបស់ក្រសួងដដែល ក្រោយតម្លៃអង្ករនាំចេញកើនឡើងរយៈពេលវែង តម្លៃអង្ករវៀតណាមនឹងធ្លាក់ចុះវិញ ដោយស្របទៅនឹងនិន្នាការនៃតម្លៃអង្ករពិភពលោក បន្ទាប់ពីឥណ្ឌាបន្ធូរបន្ថយវិធានការរឹតត្បឹតការនាំចេញអង្កររបស់ខ្លួន។

យោងតាមក្រសួងកសិកម្ម និងអភិវឌ្ឍន៍ជនបទវៀតណាម ការនាំចេញអង្កររបស់ប្រទេសក្នុងរយៈពេល៦ខែដំបូងនៃឆ្នាំ ២០២៤ មានចំនួនប្រមាណ ៤,៦៨ លានតោន ជាមួយនឹងចំណូល ២,៩៨ ប៊ីលានដុល្លារ ដោយកើនឡើង ១០,៤ ភាគរយ គិតជាបរិមាណ និង ៣២ ភាគរយ គិតជាតម្លៃ បើធៀបនឹងរយៈពេលដូចគ្នាកាលពីឆ្នាំមុន។

ក្រសួងរំពឹងថា វៀតណាមនឹងនាំចេញអង្ករប្រមាណ ៨ លានតោននៅឆ្នាំនេះ ដោយរកចំណូលបានជាង ៥ ប៊ីលានដុល្លារ។ ហ្វីលីពីន ឥណ្ឌូណេស៊ី ចិន ហ្គាណា ម៉ាឡេស៊ី និងសិង្ហបុរី គឺជាទីផ្សារនាំចេញអង្ករវៀតណាមដ៏សំខាន់ ក្នុងរយៈពេលប៉ុន្មានខែចុងក្រោយ នៃឆ្នាំ ២០២៤ នេះ។

ទន្ទឹមនឹងនេះ អនុរដ្ឋមន្ត្រីក្រសួងកសិកម្ម និងអភិវឌ្ឍន៍ជនបទវៀតណាម លោក Phung Duc Tien បានឱ្យដឹងថា បច្ចុប្បន្ន ក្រសួងបានដាក់អាទិភាពកំពូលលើការផលិតគ្រាប់ពូជអង្ករមានគុណភាពខ្ពស់ ផលិតផលនាំចេញសំខាន់ៗ និងការបង្កើតពូជអង្ករដែលមានគុណភាព ជាមួយនឹងទិន្នផលខ្ពស់ ដែលធន់នឹងជំងឺ និងអាចសម្របទៅនឹងអាកាសធាតុផ្សេងៗគ្នា។

Related Topics:អង្ករវៀតណាម

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា