រដ្ឋាភិបាលកម្ពុជា បន្តបិទការនាំចូលគ្រឿងក្នុង និងបំណែកសាច់បង្កក រហូតដល់ដើមឆ្នាំ ២០២៥

រាជរដ្ឋាភិបាលកម្ពុជាបានសម្រេចបន្តអនុវត្តវិធានការហាមឃាត់ការនាំចូលគ្រឿងក្នុង និងបំណែកសាច់បង្ករយៈពេល ៦ ខែទៀត ដើម្បីបង្កើនផលិតកម្មសត្វចិញ្ចឹមក្នុងស្រុក និងធានាតម្លៃទីផ្សារ។

យោងតាមសេចក្ដីប្រកាសរួមរបស់ក្រសួងពាណិជ្ជកម្ម និងក្រសួងកសិកម្មចេញផ្សាយនៅថ្ងៃទី ១២ ខែកញ្ញា ឆ្នាំ ២០២៤ថា៖ «ក្រសួងបានពិនិត្យឃើញថា ផលិតកម្មសត្វចញ្ចឹមនៅកម្ពុជាត្រូវបានសង្គ្រោះពីផលប៉ះពាល់ ដែលបណ្តាលមក​ពីការនាំចូលគ្រឿងក្នុង និងបំណែកសាច់បង្កកដែលមិនប្រើប្រាស់ជាចំណីអាហារនៅប្រទេសនាំចេញ។ ដោយឡែក ការនាំចូលថ្លើមនៃសត្វជ្រូកបង្កក និងភាគបំណែកសាច់និងគ្រឿងក្នុង (Offal) ផ្សេងទៀត ក្រៅពីផ្តើមនៃសត្វជ្រូកដែលអាចបរិភោគបាន នៅតែបណ្តាលឱ្យផលិតកម្មជ្រូកនៅកម្ពុជាបន្តរងការគម្រាមកំហែង និងអាចឈានទៅដល់ការខូចខាតទាំងស្រុង»។

រាជរដ្ឋាភិបាលកម្ពុជាបានសម្រេចបន្តអនុវត្ត វិធានការហាមឃាត់ការនាំចូលជាបណ្តោះអាសន្នរយៈពេល ០៦ ខែបន្ថែមទៀត ដែលមានសុពលភាពចាប់ពី ថ្ងៃទី១២ ខែកញ្ញា ឆ្នាំ២០២៤ ដល់ថ្ងៃទី១២ ខែមីនា ឆ្នាំ២០២៥ ដែលមានដូចជាថ្លើមជ្រូកបង្កក, ភាគបំណែកសាច់នៃគ្រឿងក្នុងបង្កកជាដើម៕