ព័ត៌មានអន្ដរជាតិ

តម្លៃប្រេងឡើងតិចតួចកាលពីថ្ងៃសុក្រ ប៉ុន្តែធ្លាក់ចុះក្នុងអត្រាប្រចាំសប្ដាហ៍

បានផុស

៦ ខែ មុន

នៅ

ថ្ងៃសៅរ៍ ២៨ កញ្ញា ២០២៤

ដោយ

តម្លៃប្រេងឆៅសកលបានកើនឡើងតិចតួចកាលពីថ្ងៃសុក្រ ដែលជាថ្ងៃបញ្ចប់ការជួញដូរប្រចាំសប្ដាហ៍ ប៉ុន្តែនៅតែធ្លាក់ចុះក្នុងអត្រាប្រចាំសប្ដាហ៍ ចំពេលដែលវិនិយោគិនរំពឹងទុកពីកំណើនផ្គត់ផ្អង់ប្រេង ដែលប្រទាញប្រទង់គ្នានឹងគោលនយោបាយជំរុញសេដ្ឋកិច្ចរបស់ចិន ដែលជាប្រទេសនាំចូលប្រេងធំបំផុតរបស់សកល។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានកើនឡើង ៣៨ សេន ឬ ០,៥៨ ភាគរយ ដោយបញ្ចប់ការជួញដូរនៅតម្លៃ ៧១,៨៩ ដុល្លារ/បារ៉ែល ខណៈតម្លៃប្រេងឆៅអាមេរិក ម៉ាក West Texas Intermediate (WTI) វិញ បានធ្លាក់ចុះ ៥១ សេន ឬ ០,៧៥ ភាគរយ ដោយជួញដូរនៅតម្លៃ ៦៨,១៨ ដុល្លារ/បារ៉ែល។

ក្នុងអត្រាប្រចាំសប្ដាហ៍ តម្លៃប្រេងម៉ាក Brent បានធ្លាក់ចុះប្រហែល ៣ ភាគរយ ខណៈតម្លៃប្រេងម៉ាក WTI បានធ្លាក់ចុះប្រហែល ៥ ភាគរយ។

អ្នកជំនាញបានទាញភ្ជាប់នឹងការឡើងតម្លៃនៅថ្ងៃសុក្រ ទៅនឹងវិធានការសេដ្ឋកិច្ចរបស់ចិន ដែលជួញបង្កើនតម្រូវការប្រេងក្នុងប្រទេសនេះ។ កាលពីថ្ងៃសុក្រ ធនាគារកណ្តាលរបស់ប្រទេសចិនបានបន្ទាបអត្រាការប្រាក់ និងបញ្ចូលសាច់ប្រាក់ងាយស្រួលទៅក្នុងប្រព័ន្ធធនាគារ ក្នុងគោលបំណងទាញកំណើនសេដ្ឋកិច្ចត្រឡប់ទៅគោលដៅប្រហែល ៥ ភាគរយ នៅឆ្នាំនេះ។

ទោះបីជាយ៉ាងណាក៏ដោយ កំណើនតម្លៃស្ថិតនៅក្នុងកម្រិតតិចតួច ដោយសារតែការរំពឹងផ្សេងៗ ជាពិសេសពាក់ព័ន្ធនឹងការបង្កើនការផ្គត់ផ្គង់ប្រេងរបស់អារ៉ាប៊ីសាអូឌីត ដែលជាប្រទេសនាំចេញប្រេងដ៏ធំបំផុតមួយ គួបផ្សំនឹងសេចក្ដីរាយការណ៍ដែលថា ការផ្គត់ផ្គង់ប្រេងរបស់លីប៊ីនឹងត្រឡប់ទៅដំណើរការវិញក្រោយមានការរំខានដោយជម្លោះនយោបាយ៕