ព័ត៌មានអន្ដរជាតិ

ឥណ្ឌូណេស៊ីស្នើឱ្យ Apple និង Google បិទវេទិកាលក់ទំនិញអនឡាញ Temu ដើម្បីការពារជំនួញក្នុងស្រុក

បានផុស

៦ ខែ មុន

នៅ

ថ្ងៃសៅរ៍ ១២ តុលា ២០២៤

ដោយ

រដ្ឋាភិបាលឥណ្ឌូណេស៊ីបានស្នើឱ្យក្រុមហ៊ុនបច្ចេកវិទ្យា Apple និង Google ធ្វើការបិទវេទិកាពាណិជ្ជកម្មអេឡិចត្រូនិកចិន Temu ពីក្នុងកម្មវិធីលក់អ៊ែបរបស់ខ្លួនក្នុងប្រទេស ដើម្បីការពារអាជីវកម្មក្នុងស្រុកពីការប្រកួតប្រជែងមិនស្មើភាព។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្រ្តីក្រសួងទំនាក់ទំនង លោក Budi Arie Setiadi បានប្រាប់រ៉យទ័រថា ចំណាត់ការនេះមានគោលបំណងការពារអាជីវកម្មខ្នាតតូច និងមធ្យមរបស់ប្រទេស ដែលអាចរងគ្រោះធ្ងន់ធ្ងរដោយផលិតផលថោកៗនាំចូលពីចិន តាមរយៈវេទិកាលក់ទំនិញអនឡាញ Temu។

គួរគូសបញ្ជាក់ថា ក្រុមហ៊ុន Temu ដែលលក់ទំនិញថោកៗចេញពីរោងចក្រនៅចិន បានរីកចម្រើនយ៉ាងឆាប់រហ័ស ដែលបង្កជាក្ដីបារម្ភប្រទេសជាច្រើននៅអាស៊ីអាគ្នេយ៍ ជាពិសេសថៃ ចំពោះការជោរជន់នៃទំនិញចិន ដែលធ្វើឱ្យរងផលប៉ះពាល់ដល់អាជីវកម្មខ្នាតតូច និងមធ្យមក្នុងស្រុករបស់ពួកគេ។

លោក Budi លើកឡើងថា គំរូអាជីវកម្មរបស់ Temu គឺជាការប្រកួតប្រជែងមិនស្មើភាពគ្នា។ លោកបន្តយ៉ាងដូច្នេះថា៖ «យើងមកដល់ចំណុចនេះមិនដើម្បីការពារពាណិជ្ជកម្មអេឡិចត្រូនិកទេ ប៉ុន្តែយើងការពារសហគ្រាសធុនតូច និងមធ្យម។ហើយមានមនុស្សរាប់លានដែលយើងត្រូវតែការពារ»។

ក្រុមហ៊ុន Apple និង Google មិនទាន់បានប្រតិកម្មយ៉ាងណានោះទេ។ ប៉ុន្តែកន្លងមក រដ្ឋាភិបាលឥណ្ឌូណេស៊ីធ្លាប់បានលើកឡើងហើយថា ខ្លួននឹងហាមមិនឱ្យ Temu ធ្វើប្រតិបត្តិការក្នុងប្រទេសរបស់ខ្លួន៕