ព័ត៌មានអន្ដរជាតិ

តម្លៃប្រេងថយចុះតិចតួច ដោយការបារម្ភជុំវិញព្យុះសង្ឃរា Rafael បានស្រាកស្រាន្ត

បានផុស

៤ សប្តាហ៍ មុន

នៅ

ថ្ងៃសុក្រ ៨ វិច្ឆិកា ២០២៤

ដោយ

តម្លៃប្រេងឆៅបានថយចុះតិចតួច ស្រាប់ការជួញដូរនៅព្រឹកថ្ងៃសុក្រនេះ នៅពេលក្ដីបារម្ភពីការគំរាមកំហែងនៃព្យុះសង្ឃរា Rafael លើផលិតកម្មប្រេងអាមេរិកបានស្រាកស្រាន្ត ខណៈវិនិយោគិនបន្តសម្លឹងមើលពីស្ថានភាពទីផ្សារ ដែលកំពុងព្រួយបារម្ភថា លោក ដូណាល់ ត្រាំ នឹងចេញគោលនយោបាយធ្វើឱ្យខូចទ្រង់ទ្រាយផ្គត់ផ្គង់ប្រេង ពេលឡើងកាន់អំណាចជាប្រធានាធិបតីអាមេរិក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តម្លៃប្រេងឆៅនាពេលអនាគត ម៉ាក Brent បានធ្លាក់ចុះ ២៦ សេន ឬ ០,៣ ភាគរយ ដោយជួញដូរនៅតម្លៃ ៧៥,៣៧ ដុល្លារ/បារ៉ែល ខណៈតម្លៃប្រេងឆៅអាមេរិក ម៉ាក West Texas Intermediate (WTI) បានកើនឡើង ៣៥ សេន ឬ ០,៥ ភាគរយ ដល់ ៧២,០១ ដុល្លារ/បារ៉ែល។

តម្លៃប្រេងទាំង២ កើនជិត ១ ភាគរយ ពេលបញ្ចប់ការជួញដូរកាលពីថ្ងៃព្រហស្បតិ៍ ហើយទោះបីជាការជួញដូរថ្ងៃសុក្រនេះ ធ្លាក់ចុះតិចតួចក្ដី តម្លៃប្រេងម៉ាក Brent រំពឹងថានឹងកើនឡើងជាង ៣ ភាគរយ ក្នុងអត្រាប្រចាំសប្ដាហ៍ ខណៈ WTI រំពឹងនឹងកើនឡើងជាង ៤ ភាគរយ។

ព្យុះសង្ឃរា Rafael ដែលបង្កការបិទផលិតកម្មប្រេងឆៅរបស់អាមេរិកមួយចំនួន រំពឹងថានឹងផ្លាស់ប្ដូរគោលដៅវាយប្រហារឆ្ងាយពីបណ្ដុំទីតាំងផលិតកម្មប្រេងរបស់អាមេរិក ហើយថមថយកម្លាំងជាបន្តបន្ទាប់ ខណៈកំណើនថ្លៃប្រាក់ដុល្លារ និងកម្សោយតម្រូវការប្រេងនៅចិន ធ្វើឱ្យកំណើនតម្លៃប្រេងមានកម្រិត៕