ព័ត៌មានជាតិ
កម្ពុជាបិទវែបសាយជួញដូរលុយគ្រីបតូចំនួន ១៦ រួមទាំង Binance និង Coinbase
ប្រទេសកម្ពុជាបានបិទវែបសាយជួញដូររូបិយប័ណ្ណឌីជីថល(លុយគ្រីបតូ) ចំនួន ១៦ រួមទាំងវែបសាយធំៗដូចជា Binance, Coinbase និង OKX ជាដើម ដើម្បីគ្រប់គ្រងទីផ្សារគ្រីបតូដែលកំពុងរីកចម្រើនយ៉ាងឆាប់រហ័ស ប៉ុន្តែភាគច្រើនគ្មានការគ្រប់គ្រង។ នេះបើតាមការចុះផ្សាយរបស់កាសែត Nikkei Asia នៅថ្ងៃអង្គារនេះ ដោយដកស្រង់សម្តីអ្នកនាំពាក្យរបស់និយតករទូរគមនាគមន៍កម្ពុជា (TRC) ដែលទទួលបន្ទុកលើការត្រួតពិនិត្យវិស័យទូរគមនាគមន៍របស់ប្រទេស។
វិធានការរបស់រដ្ឋាភិបាលកម្ពុជា ធ្វើឡើងតាមសារាចរណែនាំ ដែលចុះហត្ថលេខាដោយប្រធានស្តីទីរបស់ TRC លោក ស្រ៊ុន គឹមសាន និងជាផ្នែកមួយនៃចំណាត់ការបិទវែបសាយចំនួន ១០២ ដែលផ្តោតជាចម្បងទៅលើគេហទំព័រល្បែងអនឡាញ។
បើតាមការចុះផ្សាយដដែល ការចូលទៅប្រើប្រាស់វែបសាយជួញដូរគ្រីបតូ ត្រូវបានរឹតបន្តឹងឡើង ដោយសារតែវែបសាយទាំងនោះ គ្មានអាជ្ញាប័ណ្ណពីនិយតករមូលបត្រកម្ពុជា (SERC)។ ទោះជាយ៉ាងណាក៏ដោយ គេសង្កេតឃើញថា កម្មវិធីទូរស័ព្ទសម្រាប់ការជួញដូរគ្រីបតូទាំងនោះ នៅតែអាចចូលប្រើប្រាស់បានធម្មតា។
គួរកត់សម្គាល់ថា ចំណាត់ការបិទវែបសាយដដែល ធ្វើឡើងទោះបីជាក្រុមហ៊ុន Binance Binance មានភាពជាដៃគូផ្សេងៗនៅក្នុងប្រទេសកម្ពុជា រួមទាំងអនុស្សរណៈនៃការយោគយល់គ្នាឆ្នាំ ២០២២ ជាមួយ SERC លើការបង្កើតបទប្បញ្ញត្តិគ្រីបតូ។ ជាមួយគ្នានោះ Binance ក៏បានផ្តល់ការបណ្តុះបណ្តាលស្តីពីការចាប់សញ្ញាឧក្រិដ្ឋកម្មដែលទាក់ទងនឹងគ្រីបតូ ដល់មន្រ្តីរបស់ក្រសួងមហាផ្ទៃនៅពាក់កណ្តាលឆ្នាំ ២០២៣ ផងដែរ។
បច្ចុប្បន្ននេះ មានតែក្រុមហ៊ុន២ប៉ុណ្ណោះដែលទទួលបានអាជ្ញាប័ណ្ណ ដើម្បីធ្វើអាជីវកម្មទ្រព្យសម្បត្តិឌីជីថល (រួមមានលុយគ្រីបតូ) ក្រោមកម្មវិធីបរិស្ថានសាកល្បងបច្ចេកវិទ្យាហិរញ្ញវត្ថុ ឬ «FinTech Regulatory Sandbox» របស់ SERC ។ ស្ថាប័នដែលមានអាជ្ញាប័ណ្ណ អាចជួញដូរទ្រព្យសកម្មឌីជីថលបាន ប៉ុន្តែមិនអាចប្ដូរវាជាមួយប្រាក់ស្របច្បាប់ដូចជា ប្រាក់រៀល ដុល្លារ ឬរូបិយប័ណ្ណ ផ្សេងទៀតបានទេ។
យោងតាមក្រុមហ៊ុនវិភាគ Chainalysis កម្ពុជាជាប់ចំណាត់ថ្នាក់ក្នុងចំណោមប្រទេសកំពូលទាំង ២០ ទូទាំងពិភពលោក លើការប្រើប្រាស់គ្រីបតូសម្រាប់មនុស្សម្នាក់ៗ។ ៧០ ភាគរយ នៃប្រតិបត្តិការគ្រីបតូទាំងអស់ក្នុងប្រទេសកម្ពុជា ធ្វើឡើងតាមរយៈភ្នាក់ងារជួញដូរកណ្ដាល ពោលគឺវេទិកា ដែលអនុញ្ញាតឱ្យអ្នកប្រើប្រាស់អាចទិញ លក់ និងធ្វើពាណិជ្ជកម្មរូបិយប័ណ្ណគ្រីបតូ៕
នាយឧត្តមសេនីយ៍ មាស វិរិទ្ធ ៖ ការសម្អាតចក ឬយកចកចេញពីបឹងគឺផ្តើមចេញពីការចូលរួមរបស់អាជ្ញាធរមូលដ្ឋាននិងប្រជាពលរដ្ឋ និងApp NoDrugគីជាមធ្យោបាយរាយការណ៍ប្រសិទ្ធភាព
ស្ត្រីវ័យ៥៩ឆ្នាំ សម្លាប់ខ្លួនដោយសារតែជំងឺប្រចាំកាយ
កិច្ចប្រជុំលើកទី១ នៃគណៈប្រឹក្សាភិបាល កម្មវិធីមុខរបរនិងការងារសមរម្យរបស់យុវជននៅកម្ពុជា ដំណាក់កាលទី៣ (DEY III)
សមាគមនិយោជក ក្រុមហ៊ុនឯកជន ៖ ការដាក់ឱ្យប្រើប្រាស់ បញ្ជរសេវាសាធារណៈចល័តរបស់ក្រសួងការងារ គឺជាការធ្វើទំនើបកម្ម (digitalization) លើសេវាសាធារណៈរបស់រដ្ឋ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
ទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
ត្រាំ បន្ទោសថា សង្គ្រាម រុស្ស៊ី-អ៊ុយក្រែន ផ្ទុះដោយសារ ហ្សេលេនស្គី
ខេត្តក្រុងចំនួន ៤ មានរាជធានីភ្នំពេញ សន្ទស្សន៍គុណភាពខ្យល់ពណ៌ក្រហម (ការបំពុលខ្លាំង)
បាងកក បង្ខំចិត្តបិទសាលារៀនដល់ទៅជាង ៣៥០កន្លែង ព្រោះខ្យល់ពុល កាន់តែធ្ងន់ធ្ងរ
ផ្លូវចូលវត្តព្រះបារមីវង្កតបុរី បានក្លាយជាទីលំហែ និងហាត់ប្រាណរបស់បងប្អូនប្រជាពលរដ្ឋជិតឆ្ងាយ
-
ចរាចរណ៍៥ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ១ សប្តាហ៍ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៥ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
ព័ត៌មានអន្ដរជាតិ២ ថ្ងៃ agoអ្នកជំនាញព្រមានថា ភ្លើងឆេះព្រៃថ្មីនៅ LA នឹងធំ ដូចផ្ទុះនុយក្លេអ៊ែរអ៊ីចឹង
-
ព័ត៌មានជាតិ១ សប្តាហ៍ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ២ ថ្ងៃ agoនេះជាខ្លឹមសារនៃសំបុត្រ ដែលលោក បៃដិន ទុកឲ្យ ត្រាំ ពេលផុតតំណែង
-
ព័ត៌មានអន្ដរជាតិ១២ ម៉ោង agoទីក្រុងចំនួនបីនៅអាស៊ីអាគ្នេយ៍មានខ្យល់ពុលខ្លាំងបំផុត
-
ចរាចរណ៍៦ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់