ព័ត៌មានអន្ដរជាតិ

ឥណ្ឌូណេស៊ីសន្សំថវិការដ្ឋ ១,២ ប៊ីលានដុល្លារ ដោយកាត់បន្ថយការចំណាយធ្វើដំណើររបស់មន្រ្តី

បានផុស

១ year មុន

នៅ

ថ្ងៃពុធ ២៩ មករា ២០២៥

ដោយ

ប្រធានាធិបតីឥណ្ឌូណេស៊ី លោក ប្រាបូវូ ស៊ូប៊ីយ៉ានតូ បានឱ្យដឹងកាលពីសប្ដាហ៍មុនថា រដ្ឋាភិបាលបានសន្សំថវិការដ្ឋប្រមាណ ១,២ ប៊ីលានដុល្លារ ដោយកាត់បន្ថយការចំណាយលើការធ្វើដំណើររបស់រដ្ឋមន្រ្តី និងមន្រ្តី។ នេះបើតាមការចុះផ្សាយរបស់កាសែតអនឡាញ Indonesia Business Post។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកប្រធានាធិបតីបានប្រាប់ទៅកិច្ចប្រជុំពេញអង្គគណៈរដ្ឋមន្ត្រី កាលពីថ្ងៃពុធ សប្ដាហ៍មុនថា៖ «ខ្ញុំកំពុងកាត់បន្ថយការធ្វើទស្សនកិច្ចអាជីវកម្មពាក់កណ្តាល។ យើងអាចសន្សំប្រាក់បានច្រើនជាង ២០ ទ្រីលានរូពៀ (១,២ ប៊ីលានដុល្លារ)»។

លោក ប្រាបូវូ បាននិយាយថា ថវិកាដែលនៅសល់ពីការកាត់បន្ថយថវិកាសម្រាប់ស្ថាប័នរដ្ឋាភិបាល អាចប្រើប្រាស់សម្រាប់ការសាងសង់គម្រោងហេដ្ឋារចនាសម្ព័ន្ធសាធារណៈមួយចំនួនដូចជាទំនប់វារីអគ្គិសនី ការអភិវឌ្ឍន៍ និងជួសជុលសាលារៀនរាប់ម៉ឺន និងជាពិសេស កម្មវិធីអាហារបំប៉នឥតគិតថ្លៃ (MBG) របស់ឥណ្ឌូណេស៊ី។

ជាមួយគ្នានោះ លោកក៏បានណែនាំដល់រដ្ឋមន្ត្រី និងប្រធានស្ថាប័នដែលមានវត្តមានក្នុងកិច្ចប្រជុំពេញអង្គនៃគណៈរដ្ឋមន្ត្រី ឱ្យសន្សំថវិកាសម្រាប់សកម្មភាពគម្រប់ខួបតាមស្ថាប័ន។

គួររំឭកថា កាលពីដើមខែធ្នូ ឆ្នាំ ២០២៤ លោក ប្រាបូវូ បានបញ្ជាឱ្យក្រសួងហិរញ្ញវត្ថុកាត់បន្ថយថវិកាសម្រាប់ការធ្វើដំណើរទៅក្រៅប្រទេសរបស់រដ្ឋមន្ត្រី និងមន្ត្រី ដែលជាសមាជិកនៃគណៈរដ្ឋមន្ត្រីក្រហម និងស ដែលជាងាររបស់គណៈរដ្ឋមន្រ្តីបច្ចុប្បន្នរបស់ឥណ្ឌូណេស៊ី៕