ព័ត៌មានអន្ដរជាតិ
ថៃប្រឈមមុខការធ្លាក់ចុះនៃភ្ញៀវទេសចរពីទីផ្សារសំខាន់ៗនៅអាស៊ី
កាសែតបាងកកប៉ុស្តិ៍ បានរាយការណ៍កាលពីថ្ងៃអង្គារ (២២ មេសា) ថា ប្រទេសថៃកំពុងប្រឈមមុខនឹងការធ្លាក់ចុះនៃភ្ញៀវទេសចរមកពីទីផ្សារសំខាន់ៗនៅអាស៊ី ក្រោយកង្វល់សន្តិសុខដែលផ្ទុះខ្លាំងឡើងកាលពីដើមឆ្នាំ។
អាជ្ញាធរទេសចរណ៍ថៃ (TAT) បាននិយាយថា ប្រទេសថៃបានទទួលភ្ញៀវអន្តរជាតិចំនួន ៩,៥ លាននាក់ ក្នុងត្រីមាសទី ១ ដើមឆ្នាំ ២០២៥ ពោលគឺកើនឡើង ២ ភាគរយ ធៀបនឹងរយៈពេលដូចគ្នាកាលពីឆ្នាំមុន ជាមួយនឹងចំណូល ៤៧១ ប៊ីលានបាត កើនឡើង ៧ ភាគរយ។
យ៉ាងណាមិញ ទេសចរពីទីផ្សារសំខាន់ៗរួមមាន ចិន ហុងកុង តៃវ៉ាន់ កូរ៉េខាងត្បូង និងវៀតណាម បានថយចុះជាមធ្យម ១៧ ភាគរយ នៅត្រីមាសទី១ដដែល ដែលបណ្ដាលមកពីការធ្លាក់ចុះនៃទំនុកចិត្តទេសចរពាក់ព័ន្ធនឹងសុវត្ថិភាពនៅក្នុងប្រទេសថៃ និងការកាត់បន្ថយជើងហោះហើរជាដើម។
ជុំវិញបញ្ហានេះ មន្រ្តីក្រសួងទេសចរណ៍ និងកីឡា និងមន្រ្តីរបស់ TAT បាននិយាយថា ថៃគួរផ្តោតសំខាន់លើទីផ្សាររយៈពេលវែង ដែលជាធម្មតា ទេសចរទាំងនោះចំណាយច្រើនជាងទេសចរពីទីផ្សារអាស៊ី។
ទោះបីជាពន្ធថ្មីៗរបស់សហរដ្ឋអាមេរិក រំពឹងថានឹងជះឥទ្ធិពលដល់សេដ្ឋកិច្ចពិភពលោកក៏ដោយ ក្រសួងជឿជាក់ថា អ្នកទេសចរអឺរ៉ុបអាចជៀសវាងការធ្វើដំណើរទៅកាន់សហរដ្ឋអាមេរិក ហើយជំនួសមកវិញនូវទិសដៅនៅអាស៊ី ដែលបង្ហាញពីឱកាសសម្រាប់ប្រទេសថៃ ក្នុងការទាក់ទាញភ្ញៀវទេសចរអឺរ៉ុបកាន់តែច្រើន។
មន្រ្តីរបស់ក្រសួងដដែលបន្តថា ដោយផ្អែកលើការព្យាករទេសចរណ៍ក្នុងត្រីមាសទី ២ នៃឆ្នាំ ២០២៥ ទីផ្សារដែលមានសក្តានុពលខ្ពស់សម្រាប់ប្រទេសថៃរួមមានស៊ុយអែត អារ៉ាប៊ីសាអូឌីត អូទ្រីស និងចក្រភពអង់គ្លេស ជាដើម។
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៥ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៤ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៥ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%