សុខភាព

ពិតទេ! ការទទួលទានចេក ក្នុងពេលពោះទទេ អាចបង្កគ្រោះថ្នាក់ដល់សុខភាព?

បានផុស

៤ years មុន

នៅ

ថ្ងៃព្រហស្បតិ៍ ៣ មីនា ២០២២

ដោយ

សាង ស្រីល័ក្ខ

មនុស្សមួយចំនួន ប្រហែលជាធ្លាប់បានឭថា ការទទួលទានផ្លែចេក ក្នុងពេលដែលពោះទទេនៅពេលព្រឹក អាចបង្កគ្រោះថ្នាក់ដល់សុខភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចេក ចាត់ថ្នាក់ជាឱសថក្នុងការថែទាំសុខភាពបឋម វាមានលក្ខណៈសម្បត្តិព្យាបាល ដូចខាងក្រោម៖

-ផ្លែឆៅត្រូវបានគេប្រើ ដើម្បីបំបាត់រោគសញ្ញានៃបញ្ហាក្រពះ។
-ផ្លែទុំ ប្រើដើម្បីបំបាត់ការទល់លាមក។

តើការញ៉ាំចេកពេលពោះទទេ ពិតជាគ្រោះថ្នាក់មែនទេ? មិនពិតទេ ចេកមានជាតិសរសៃ និងកាបូអ៊ីដ្រាត ដែលមិនមានអង់ស៊ីមរំលាយអាហារប្រូតេអ៊ីន ដូច្នេះបើសិនញ៉ាំពេលពោះទទេ វាក៏មិនបណ្ដាលឲ្យមានផលប៉ះពាល់ អវិជ្ជមានលើក្រពះឡើយ ។

ទោះជាយ៉ាងណាក៏ដោយ ចេកទុំមានរសជាតិផ្អែម និងមានជាតិស្ករខ្ពស់ ដូច្នេះគួរទទួលទានក្នុងកម្រិតមធ្យម។ ទោះបីជាចេកមានលក្ខណៈសម្បត្តិព្យាបាលក៏ដោយ។ ប៉ុន្តែប្រសិនបើមានរោគសញ្ញានៃជំងឺរលាកក្រពះ ឬការទល់លាមកធ្ងន់ធ្ងរ គួរតែទៅជួបគ្រូពេទ្យដើម្បីធ្វើការព្យាបាលត្រឹមត្រូវ។

អាហារណាខ្លះ ដែលមិនគួរញ៉ាំពេលពោះទទេ?

ដោយសារតែក្រពះគឺជាសាច់ដុំមួយប្រភេទ ដែលជាប្រូតេអ៊ីន។ នៅពេលពោះទទេ ទឹកក្រពះមួយចំនួនត្រូវបានបញ្ចេញនៅក្នុងក្រពះ ដើម្បីរង់ចាំការរំលាយអាហារ។ ទន្ទឹមនោះ ធ្វើឲ្យក្រពះមានជាតិអាស៊ីដ ប្រសិនបើទទួលទានអាហារដែលមានជាតិអាស៊ីដ ឬផ្លែឈើដែលមានអង់ស៊ីមរំលាយអាហារដូចជា ប្រូតេអ៊ីន តែ កាហ្វេ ភេសជ្ជៈ ល្ហុង ម្នាស់ អាចធ្វើឲ្យរលាក និងបង្កជាដំបៅក្រពះបាន៕

ប្រែសម្រួល៖ សាង ស្រីល័ក្ខ

ចុចអាន៖ផ្លែឈើទាំង ៥ នេះ ជនជាតិ ជប៉ុន តែងណែនាំញ៉ាំក្នុងរដូវរងា និងស្លឹកឈើជ្រុះ

ចុចអាន៖ផ្លែមន មានប្រយោជន៍ច្រើនយ៉ាង ដល់សុខភាពរាងកាយ