សេដ្ឋកិច្ច

ក្រសួងបញ្ជាក់ថាគ្មានការយកពន្ធលើការនាំចេញអង្ករខ្មែរទៅវៀតណាមទេ

បានផុស

១០ ខែ មុន

នៅ

ថ្ងៃសៅរ៍ ៥ កក្កដា ២០២៥

ដោយ

ក្រសួងពាណិជ្ជកម្មបានបំភ្លឺថាពុំមានការយកពន្ថលើការនាំចេញអង្ករ និងស្រូវរបស់កម្ពុជាទៅកាន់ទីផ្សារវៀតណាមទេ ដោយផ្អែកទៅលើការអនុវត្តនកិច្ចសម្របសម្រួលពាណិជ្ជកម្មរវាងរដ្ឋាភិបាលទាំងពីរ។ ការបញ្ជាក់នេះគឺបន្ទាប់ពីមានការផ្សព្វផ្សាយតាមបណ្ដាញសង្គមពាក់ព័ន្ធនឹងបញ្ហានេះដែលបង្កឱ្យសាធារណៈជនមានការភ័ន្តច្រលំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសេចក្ដីបំភ្លឺព័ត៌មានចុះថ្ងៃទី៤ ខែកក្កដា ឆ្នាំ២០២៥ ក្រសួងពាណិជ្ជកម្មបានច្រានចោលការផ្សព្វផ្សាយដែលថាមានការយកពន្ធលើការនាំចូលស្រូវរបស់កម្ពុជាទៅវៀតណាម ដោយក្រសួងបានចាត់ទុកថាជាព័ត៌មានដែលបង្កការភ័ន្តច្រឡំ និងជះឥទ្ធិពលអវិជ្ជមានចំពោះអាជីវកម្មស្រូវរបស់ប្រជាជនកម្ពុជា។

ក្រសួងបានបញ្ជាក់ថា៖ «ពុំមានការយកពន្ធលើការនាំចេញអង្ករ និងស្រូវរបស់កម្ពុជាទៅកាន់ទីផ្សរវៀតណាមនោះទេ ដោយផ្អែកលើការអនុវត្តកិច្ចសម្របសម្រួលជំរុញពាណិជ្ជកម្មទ្វេភាគីរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃសាធារណរដ្ឋសង្គមនិយមវៀតណាម»។

កម្ពុជានិងវៀតណាមបានសម្រេចដាក់ទំនិញស្រូវអង្ករក្នុងបញ្ជីមុខទំនិញត្រូវទទួលបាន ភាពអនុគ្រោះពន្ធនាំចូលពិសេសតាមអត្រាស្មើសូន្យ កាលពីថ្ងៃទី២៨ ខែមេសា ឆ្នាំ២០២៥ ដោយក្នុងនោះបានកំណត់ការនាំចូលអង្ករពីកម្ពុជាទៅវៀតណាមក្នុងឆ្នាំ២០២៥មានចំនួន៣០ម៉ឺនតោន ហើយមធ្យមភាគសម្រាប់ស្រូវគឺគិត២គីឡូក្រាមស្រូវ ស្មើនឹង១គីឡូក្រាមអង្ករ៕