ក្រុមប្រឹក្សាមាសពិភពលោក៖ តម្រូវការមាសកើនឡើង ៣% នៅត្រីមាសទី២

ក្រុមប្រឹក្សាមាសពិភពលោក (WGC) បានឱ្យ​ដឹង​នៅ​ថ្ងៃព្រហស្បតិ៍​នេះ​ថា តម្រូវការមាសសកល រួមទាំងលើ​ផ្សាររំលងបញ្ជ (OTC) ​បានកើនឡើង ៣ ភាគរយ ដល់ ១ ២៤៨ តោន ក្នុងត្រីមាសទី២ ឆ្នាំ ២០២៥​។ នេះបើតាមការចុះផ្សាយរបស់ទីភ្នាក់ងារសារព័ត៌មាន​រ៉យទ័រ។

តម្លៃមាស​ជួញដូរដោយ​ផ្ទាល់ បានកើនឡើង ២៦ ភាគរយ​ រាប់តាំងពីដើមឆ្នាំរហូតមកដល់ពេលនេះ ក្រោយ​ពីឡើងដល់កំណត់ត្រាខ្ពស់បំផុត​ ៣ ៥០០ ដុល្លារ/អោន កាលពីចុងខែមេសា ដោយសារតែ​ភាពមិនប្រាកដប្រជាសកល ដោយសារតែគោលនយោបាយ​ពន្ធគយ និងបញ្ហា​ភូមិសាស្រ្តនយោបាយ ដែលដែល​បាន​ជំរុញលំហូរមាស ដែលគេ​ចាត់ទុកជាទ្រព្យសុវត្ថិភាព។ ​

ក្នុងត្រីមាសទី២ ដដែល តម្រូវការមាសដុំ បាន​កើនឡើងរហូតដល់ ២១ ភាគរយ។ យ៉ាងណាមិញ តម្រូវការសកលសម្រាប់គ្រឿងអលង្ការមាសវិញ បានធ្លាក់ចុះ ១៤ ភាគរយ មកនៅត្រឹម ៣៤១ តោន ដែលជាកម្រិតទាបបំផុតចាប់តាំងពីត្រីមាសទី ៣ នៃឆ្នាំ ២០២០ ដោយសារតម្លៃខ្ពស់បានធ្វើឱ្យអ្នកទិញមិនសប្បាយចិត្ត។

​WGC​ បាននិយាយថា ការធ្លាក់ចុះភាគច្រើន​ដោយសារតែការធ្លាក់ចុះនៃការទិញប្រទេសចិន និងឥណ្ឌា។ ជាមួយ​គ្នានោះ ​ធនាគារកណ្តាលនៃប្រទេសផ្សេងៗ​ក៏បានកាត់បន្ថយការទិញមាស​ចំនួន ២១ ភាគរយ មកនៅត្រឹម ១៦៦,៥ តោន នៅត្រីមាសទី១៕