ព័ត៌មានអន្ដរជាតិ

មេខ្លោងរត់ពន្ធមាសពីរនាក់នៅវៀតណាម ត្រូវតុលាការកាត់ឱ្យជាប់គុក១០ឆ្នាំ

បានផុស

៥ ខែ មុន

នៅ

ថ្ងៃព្រហស្បតិ៍ ៥ កុម្ភៈ ២០២៦

ដោយ

តុលាការទីក្រុងហាណូយបានកាត់ទោសមនុស្សពីរនាក់ ពីបទរត់ពន្ធមាសខុសច្បាប់ ចំនួន៥៤៦គីឡូក្រាម ពីប្រទេសចិនទៅប្រទេសវៀតណាម និងបង្គាប់ឱ្យអ្នកទាំងពីរបង់ប្រាក់ចំនួន ៤៦.១៨លានដុល្លារអាមេរិក ស្មើនឹងតម្លៃមាសដែលបានរត់ពន្ធ។

លោក Tran Thi Hoan និងបក្សពួក។ VN Express

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចុះផ្សាយរបស់ VN Express, នៅថ្ងៃទី៥ខែកុម្ភៈ បានឱ្យដឹងថា តុលាការក្រុងហាណូយបានប្រកាសសាលក្រមសម្រេចលើជនជាប់ចោទចំនួន ១១នាក់ បន្ទាប់ពីសវនាការរយៈពេលមួយថ្ងៃ ដែលបានបញ្ចប់កាលពីយប់ថ្ងៃពុធ។

ជនជាប់ចោទ ដែលជាមេខ្លោងទាំងពីរ គឺលោក Tran Thi Hoan អាយុ ៤១ ឆ្នាំ ជាម្ចាស់ហាងមាសមួយកន្លែងក្នុងខេត្ត Lao Cai ជាប់ព្រំដែនប្រទេសចិន និង លោក Pham Tuan Hai នាយកក្រុមហ៊ុនឯកជន ត្រូវបានតុលាការកាត់ទោសឱ្យជាប់គុក ១០ ឆ្នាំ ពីបទជួញដូរខុសច្បាប់។

ចំណែកចុងចោទ ៦នាក់ផ្សេងទៀត រួមទាំងបុគ្គលិក របស់លោក Hoan ដែលដឹកជញ្ជូនមាសឆ្លងកាត់ព្រំដែនប្រទេសចិនចូលប្រទេសវៀតណាម បានទទួលការផ្តន្ទាទោសដាក់ពន្ធនាគារពី ៣ ទៅ ៥ឆ្នាំ ពីបទចោទប្រកាន់ដូចគ្នា។

គួរឱ្យដឹងថា ក្នុងករណីដូចគ្នានេះ នាយកប្រតិបត្តិបីរូបនៃក្រុមហ៊ុនមាសវៀតណាម ត្រូវបានផ្តន្ទាទោសព្យួរពី ៣០ ទៅ ៣៦ខែ ពីបទ «បំពានបទប្បញ្ញត្តិគណនេយ្យដែលបណ្តាលឱ្យមានផលវិបាកធ្ងន់ធ្ងរដល់សង្គម» ។

យ៉ាងណា ទ្រព្យសម្បត្តិ និងអចលនទ្រព្យជាច្រើនរបស់ លោក Tran Thi Hoan រួមជាមួយនឹងខ្សែដៃ ចិញ្ចៀន និងដុំមាសដែលរឹបអូសបាន អំឡុងពេលស៊ើបអង្កេត នឹងត្រូវបបង្កក ឬទុកនៅតុលាការ ដើម្បីធានាការអនុវត្តសាលក្រម។

តុលាការបានឱ្យដឹងថាសកម្មភាពរបស់ចុងចោទជាគ្រោះថ្នាក់ធំមួយ ដល់សង្គម ជាពិសេសធ្វើឱ្យប៉ះពាល់ដល់សណ្តាប់ធ្នាប់ និងសន្តិសុខផលិតកម្ម និងសកម្មភាពអាជីវកម្ម លើសពីនេះនាំឱ្យខាតបង់ថវិការដ្ឋ៕

ប្រែសម្រួល៖ ណឺ មិនា