Connect with us

អត្ថាធិប្បាយ

ការជេរបញ្ចោរ និងហែកកេរ្តិ៍គ្នាតាមបណ្តាញសង្គមកំពុងក្លាយជា«វប្បធម៌អាក្រក់ថ្មី»ប្រល័យសីលធម៌សង្គម

បានផុស

នៅ

នៅក្នុងសង្គមកម្ពុជានាពេលបច្ចុប្បន្ននេះ គេសង្កេតឃើញថា ហាក់សម្បូរទៅដោយហេតុការណ៍ជេរបញ្ចោរគ្នាទៅវិញទៅមកនៅតាមបណ្តាញសង្គម ជាពិសេស នៅលើហ្វេសប៊ុកតែម្តង។ ក្រៅពីនេះ ការហែកកេរ្តិ៍គ្នាក្នុងរឿងគ្រួសារ ឬរឿងលែងលះគ្នាមកបង្ហាញនៅលើបណ្តាញសង្គមក៏សម្បូរមិនចាញ់គ្នាប៉ុន្មានដែរ។ អ្នកខ្លះគិតឡើងដោយខ្លួនឯងថា វាជារឿងធម្មតា តែតាមពិត វានាំឲ្យមានបញ្ហាច្រើន បញ្ហាទាំងខ្លួនឯង ទាំងគ្រួសារ និងទាំងសង្គមជាតិថែមទៀតផង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុអ្វីបានជាមនុស្សមួយចំនួនចូលចិត្តជេរបញ្ជោរគ្នា និងហែកកេរ្តិ៍គ្នានៅតាមបណ្តាញសង្គម? ពួកគេមិនមានភាពខ្មាសអៀនក្នុងខ្លួនទេឬដែលធ្វើរឿងបែបនេះ? អាចមានមូលហេតុ៣នៃការកើតមានរឿងទាំងនេះ។ ទីមួយ. គឺពួកគេប្រហែលគិតថា វាជារឿងធម្មតា ជារឿងផ្ទាល់ខ្លួនរបស់ពួកគេដែលចង់ធ្វើអ្វី ឬនិយាយអ្វីក៏បានតាមតែអំពើចិត្តខ្លួន។ អ្នកខ្លះអាងខ្លួនមានគេស្គាល់ច្រើននៅតាមបណ្តាញសង្គម បើនិយាយអ្វីទៅ ឬជេរបញ្ជោរអ្នកណា តែងតែមានគេគាំទ្រ ហើយថា ភាគីខ្លួនជាអ្នកត្រូវ។ យូរៗទៅ ក៏លង់នឹងសម្តី លង់នឹងទឹកមាត់ខ្លួនឯង និយាយអ្វីមិនចេះគិត រឹតតែជេរបញ្ជោរគេឯងដោយគិតថា ជារឿងបញ្ហាធម្មតា។

ទីពីរ. ក្រុមខ្លះ ឬអាចថាភាគច្រើន ជាក្រុមលក់ផលិតផលតាមអនឡាញ។ ដូច្នេះហើយ ពួកគេនិយាយអ្វី ឬធ្វើអ្វីឲ្យតែមានគេចាប់អារម្មណ៍ចូលមើល ចូលLike និងចូលខមិន(Comments) ហើយក៏តាំងចាប់ផ្តើមនិយា​យពីផលិតផលរបស់ខ្លួនក្នុងពេល ឬក្រោយពេលជេរបញ្ជោរគេ និងហែកកេរ្តិ៍ខ្លួនឯង និងគ្រួសារខ្លួនឯង។ ក្រុមនេះ គឺដើម្បីតែផលប្រយោជន៍ផ្ទាល់ខ្លួនតែប៉ុណ្ណោះ អាចនិយាយថា ជាក្រុមមួយគ្រោះថ្នាក់ដល់សង្គម និងជាសត្រូវនឹងសីលធម៌សង្គម ក៏អាចថាបានដែរ។ ប៉ុន្តែ ក្រុមប្រភេទនេះ មានអ្នកខ្លះសម្តែងជាជេរបញ្ជោរគ្នា ឬហែក​កេរ្តិ៍អ្នកនេះ អ្នកនោះ ឬធ្វើជាឈ្លោះគ្នា ដើម្បីធ្វើឲ្យមានការចាប់អារម្មណ៍ តាមដាន ឬចង់បានការអាណិតអាសូរពីអ្នកគាំទ្ររបស់ពួកគេ ក្នុងន័យ លក់ដាច់ផលិតផលរបស់ខ្លួន។

ទីបី. ពួកគេខ្លះ យកបញ្ហាឈ្លោះទាស់ទែងគ្នា ឬយកបញ្ហាគ្រួសារមកបង្ហាញ មកនិយាយលើបណ្តាញសង្គមនេះ ព្រោះគិតថា វាអាចមានប្រសិទ្ធភាពជាងការដោះស្រាយគ្នាតាមផ្លូវច្បាប់។ អ្នកខ្លះ អាចគិតថា ការលើកមកបង្ហាញ ឬនិយាយតាមបណ្តាញសង្គមបែបនេះ អាចទទួលបានដំណោះស្រាយពីភាគីម្ខាងទៀត ឬទទួលបានការជួយដោះស្រាយពីអាជ្ញាធរមានសមត្ថកិច្ច។ ប៉ុន្តែ អ្នកខ្លះក៏ត្រូវបានសមត្ថកិច្ចហៅទៅសួរនាំ និងធ្វើកិច្ចសន្យា ដោយសារតែការនិយាយមិនពិត។

ពាក្យចាស់លោកពោលថា «វប្បធម៌រលត់ ជាតិរលាយ វប្បធម៌ពណ្ណរាយ ជាតិថ្កើនថ្កាន!»។ ដូច្នេះ បើមិនបានជួយថែរក្សាវប្បធម៌ និងសីលធម៌របស់ជាតិទេ សូមកុំនាំគ្នាបំផ្លាញដោយសារតែផលប្រយោជន៍ផ្ទាល់ខ្លួន។ យូរៗម្តងមិនសូវជាបញ្ហា តែបើជានិច្ចកាលនឹងក្លាយជាទម្លាប់ ហើយធ្លាប់យូរៗទៅ ក៏ក្លាយជាទៅវប្បធម៌។ វប្បធម៌ជេរបញ្ចោរគ្នា និងហែកកេរ្តិ៍គ្នានៅតាមបណ្តាញសង្គម គឺអាចនិយាយបានថា ជាវប្បធម៌«អាក្រក់ប្រភេទថ្មី»ដែលកំពុងតែប្រល័យសីលធម៌សង្គមកម្ពុជា។ កម្ពុជា ជាប្រទេសដែលត្រូវបានពិភពលោកទទួលស្គាល់ថា មានទំនៀមទម្លាប់វប្បធម៌ដ៏ល្អផូរផង់។ ឯប្រជាជនខ្មែរ ត្រូវបានគេចាត់ទុកថា ជាប្រជាជនដែលរួសរាយរាក់ទាក់ពោរពេញដោយស្នាមញញឹម បង្ហាញពីការស្រឡាញ់រាប់អាន និងក្តីមេត្តាដល់មនុស្សផងគ្នា។ ប៉ុន្តែ នៅគ្រាចុងក្រោយនេះ វប្បធម៌បែបនេះ កំពុងត្រូវជនមួយចំនួនបំផ្លាញទៅវិញ។

ជាការពិត កម្ពុជា ជាប្រទេសនីតិរដ្ឋ ប្រកាន់របបប្រជាធិបតេយ្យ គោរពសិទ្ធិសេរីភាពនៃការបញ្ចេញមតិ។ ប៉ុន្តែ មិនគួរយកសិទ្ធិ សេរីភាពទាំងនេះ ប្រើប្រាស់រហូតដល់ដាច់បង្ហៀរនោះទេ ព្រោះវាអាចជះផលអាក្រក់ ឬរុលចូលក្នុងសំណាញ់ច្បាប់ដោយខ្លួនឯងទាំងមិនដឹងខ្លួន។ ផ្លូវច្បាប់ជារឿងមួយ តែផ្លូវសីលធម៌សង្គម ក៏ត្រូវគិតទន្ទឹមនឹងគ្នាដែរ។ ចូរគិតថា អ្វីដែលអ្នកបានធ្វើ វាបានផលប្រយោជន៍សម្រាប់តែផ្ទាល់ខ្លួនរបស់អ្នកតែប៉ុណ្ណោះ ប៉ុន្តែវាជះឥទ្ធិពលអាក្រក់ដល់សង្គម ជាពិសេស ក្មេងៗជំនាន់ក្រោយដែលអាចនឹងយកតម្រាប់ ឬគំរូតាមដែលជាកត្តារុញច្រានបន្ថែម និងជាន់ឈ្លីបន្ថែមដល់សីលធម៌សង្គម។

អាជ្ញាធរមានសមត្ថកិច្ច រួមទាំង ក្រសួង-ស្ថាប័នពាក់ព័ន្ធ ក៏មានតួនាទីសំខាន់ ដើម្បីចូលរួមលុបបំបាត់«វប្បធម៌អាក្រក់ថ្មី»នេះដែរ។ អាជ្ញាធរ និងក្រសួង-ស្ថាប័នពាក់ព័ន្ធ គួរមានការផ្សព្វផ្សាយអប់រំឲ្យបានទូលំទូលាយពីផលអាក្រក់នៃការជេរបញ្ជោរ និងហែកកេរ្តិ៍គ្នានៅតាមបណ្តាញសង្គម និងលើកទឹកចិត្តដល់មនុស្សដទៃ កុំឲ្យធ្វើរឿងទាំងអស់នេះ។ បើមិនទាន់មានប្រសិទ្ធភាពទេ អាចហៅអ្នកដែលពួកែខាងជោរបញ្ជោរ និងហែកកេរ្តិ៍គ្នានេះ ទៅសួរនាំ និងធ្វើកិច្ចសន្យាឲ្យបញ្ឈប់ទង្វើទាំងអស់នេះទៀត។ ក៏ប៉ុន្តែ ក្នុងករណីមិនរាងចាលទេ ផ្លូវច្បាប់គួរតែអនុវត្តហើយ ដូចពំនោលមួយថា«អារកមាន់ បំភ័យស្វា»៕

ដោយ៖ វណ្ណ សុគន្ធា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥២ នាទី មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ២ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

សេចក្ដីជូនដំណឹង៣ ម៉ោង មុន

វឌ្ឍនៈ ប្រ៊ូ​វើ​រី ដាក់​សម្ពោធ​ម៉ាក​សញ្ញា​គ្រុឌ​ថ្មី គឺ​ស្រា​បៀរ គ្រុឌ ឡៃ ផលិត​ពី​បច្ចេកវិទ្យា​ថ្មី​ចុងក្រោយ រក្សា​នូវ​រសជាតិ​ដើម ស្រាល​ស្រទន់ និង​ស្រស់​បំផុត

សន្តិសុខសង្គម៣ ម៉ោង មុន

ផ្តន្ទាទោស​ប្អូន​ថ្លៃ​ដាក់ពន្ធនាគារ ២ ឆ្នាំ ក្រោមរូបភាពបញ្ចុះបញ្ចូលធ្វើមន្តអាគម

ព័ត៌មានអន្ដរជាតិ៣ ម៉ោង មុន

Breaking News! សមាជិកសភាបក្សកាន់អំណាច កូរ៉េខាងត្បូង ត្រូវជនដៃ ដល់អាយុ ១៥ ឆ្នាំយកដុំថ្មវាយបែកក្បាល

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម