WHO ជំរុញឲ្យបន្តចាក់វ៉ាក់សាំងរោគរាតត្បាតផ្សេងទៀតជាធម្មតា ព្រោះវាក៏សាហាវដូច កូវីដ ដែរ
Connect with us
Helistar Cambodia - Helicopter Charter Services

កូវីដ-១៩

WHO ជំរុញឲ្យបន្តចាក់វ៉ាក់សាំងរោគរាតត្បាតផ្សេងទៀតជាធម្មតា ព្រោះវាក៏សាហាវដូច កូវីដ ដែរ

បានផុស

នៅ

អង្គការសុខភាពពិភពលោក (WHO) និងដៃគូរបស់ខ្លួន បានអំពាវនាវឲ្យមានសកម្មភាព ក្នុងការជំរុញការចាក់វ៉ាក់សាំងប្រឆាំងនឹងរោគរាតត្បាត ដូចជា ជំងឺកញ្ជ្រឹល និងជំងឺខួរឆ្អឹងខ្នង នៅទូទាំងពិភពលោក បន្ទាប់ពីជំងឺកូវីដ ១៩ កំពុងបង្អាក់ការចាក់វ៉ាក់សាំងជាប្រចាំនៃជំងឺផ្សេងទៀត ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អគ្គនាយក WHO លោក Tedros Ghebreyesus បាននិយាយនៅក្នុងសិក្ខាសាលាប្រចាំសប្តាហ៍ស្តីពីជំងឺកូវីដ ១៩ ថា “ប្រសិនបើយើងចៀសផុត ពីការផ្ទុះឡើងនូវជំងឺជាច្រើន ដែលគំរាមកំហែងដល់អាយុជីវិត ដូចជា ជំងឺកញ្ជ្រិល គ្រុនលឿង និងរោគខាន់ស្លាក់ យើងត្រូវតែធានាថា សេវាកម្មចាក់វ៉ាក់សាំងជាប្រចាំ ត្រូវបានការពារនៅគ្រប់ប្រទេសទាំងអស់ ក្នុងពិភពលោក” ។

លោកបាននិយាយថា “វ៉ាក់សាំងនឹងជួយយើង បញ្ចប់ការរីករាលដាលនៃជំងឺកូវីដ ១៩ ប៉ុន្តែយើងត្រូវធានាឲ្យបាន នូវសិទ្ធិទទួលបានដោយយុត្តិធម៌ សម្រាប់ប្រទេសទាំងអស់ ក៏ដូចជា កសាងប្រព័ន្ធរឹងមាំដើម្បីផ្តល់ជូនពួកគេ” ។

ទន្ទឹមនោះ ប្រធានអង្គការសុខភាពពិភពលោករូបនេះ ក៏បានកត់សម្គាល់ផងដែរថា បច្ចុប្បន្ននៅទូទាំងពិភពលោក រោគរាតត្បាតកំពុងរាលដាលកាន់តែខ្លាំងឡើងៗ ។

បច្ចុប្បន្ន ចំនួននៃករណីឆ្លងជំងឺកូវីដ ១៩ បានកើនឡើងសម្រាប់សប្ដាហ៍ទី ៩ ហើយ ខណៈការស្លាប់វិញ បានកើនឡើងរយៈពេល ៦ សប្តាហ៍ជាប់គ្នាផងដែរ ។

គួរបញ្ជាក់ថា គិតត្រឹមពេលនេះ នៅលើពិភពលោកមានករណីឆ្លងជំងឺកូវីដ ១៩ សរុបជិត ១៥០ លានករណីហើយ ខណៈមានអ្នកស្លាប់ជាង ៣ លាននាក់ ៕

ប្រែសម្រួលដោយ ៖ ជីវ័ន្ត

ប្រភព ៖ Anadolu

ចុចអាន ៖ មេ WHO ចែករំលែកវិធី ៥ យ៉ាងដល់ប្រជាជនទូទាំងពិភពលោកអនុវត្ត អំឡុងជំងឺកូវីដ ១៩

ចុចអាន ៖ WHO ថា មិនធូរស្រាលឡើយ ករណីឆ្លងកូវីដទូទាំងពិភពលោកកើនឡើងជាកំណត់ត្រារៀងរាល់ថ្ងៃ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services