កូវីដ-១៩
ហួសចិត្ត! ប្រជាជនឥណ្ឌា សម្រុកទៅរកគ្រូធ្មប់ ដើម្បីដេញកូវីដ ចេញពីខ្លួន
ប្រជាជនឥណ្ឌា កំពុងសម្រុកទៅរកគ្រូដោះអំពើអាបធ្មប់ ដែលបានយកដែកក្តៅ ទៅដុតលើរាងកាយ ដើម្បីព្យាបាលជំងឺកូវីដ-១៩ ស្របពេលការឆ្លង បានរាលដាលពីមជ្ឈមណ្ឌលទីក្រុងទៅកាន់ភូមិនានានៅតាមជនបទ ដែលជាកន្លែងប្រព័ន្ធថែរក្សាសុខភាព អន់ខ្សោយ។
វាជារឿងដ៏ហួសចិត្ត ដែលប្រជាជនឥណ្ឌា នៅតែមានជំនឿជ្រុលទៅលើរឿងបែបនេះ ហើយគិតថា គ្រូទាំងនោះអាចជួយពួកគេឲ្យជាសះស្បើយពីជំងឺកូវីដ-១៩បាន។
វេជ្ជបណ្ឌិត Ashita Singh ប្រធានផ្នែកវេជ្ជសាស្ត្រនៅមន្ទីរពេទ្យ Chinchpada Christian ក្នុងតំបន់ដាច់ស្រយាលនៃរដ្ឋ Maharashtra បាននិយាយថា លោកស្រីបានមើលឃើញមានអ្នកជំងឺកាន់តែច្រើន ដែលមកមន្ទីរពេទ្យដោយមានស្នាម រលាកភ្លើងលើដងខ្លួន។
ស្លាកបែបនេះ គឺជាសញ្ញាដែលគ្រូអាបធ្មប់ផ្តល់ឲ្យពួកគេដើម្បីបណ្ដេញវិញ្ញាណ ដែលពួកគេជឿថា បណ្តាលឲ្យពួកគេឆ្លងរោគ ហើយចុងក្រោយ អ្នកទាំងនោះក៏សម្រេចចិត្តមកមន្ទីរពេទ្យ ព្រោះអស់ជម្រើស។
អ្នកផ្សេងទៀតពឹងផ្អែកលើការព្យាបាលដោយប្រើឱសថបុរាណ ខណៈអ្នកខ្លះបានរត់គេចខ្លួនចេញពីភូមិរបស់ពួកគេដោយសារការភ័យខ្លាចខ្មោចបិសាច ដែលពួកគេជឿថា កំពុងធ្វើឲ្យរោគ ឆ្លងរាលដាលកាន់តែខ្លាំងនិងកាន់តែលឿន។
បច្ចុប្បន្ន ឥណ្ឌា កំពុងទទួលរងនូវរលកទី២ដ៏អាក្រក់បំផុតនៃជំងឺកូវីដ-១៩ ពោលគឺគ្រាន់តែប្រទេសនេះមួយ បានរួមចំណែកប្រហែល៤០ភាគរយទៅហើយ នៃករណីឆ្លង មួយថ្ងៃៗនៅលើពិភពលោក និងមានមនុស្សរាប់ម៉ឺននាក់បានស្លាប់ បើទោះបីជាអ្នកវិភាគជឿជាក់ថា តួលេខទាំងពីរទំនងជាទាបជាងតួលេខផ្លូវការឆ្ងាយក៏ដោយ។
នៅថ្ងៃសុក្រនេះ ប្រទេសឥណ្ឌា បានរកឃើញការឆ្លងថ្មីរហូតដល់ទៅ ៣៨៦,៤៥២ករណី ដោយនាំឲ្យករណីសរុបកើនដល់ ១៨,៧៦២,៩៧៦ និងស្លាប់សរុបឈានដល់ ២០៨,៣៣០នាក់៕
ប្រែសម្រួលដោយ៖ Vann Vann
ប្រភព៖ Express Digest
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៤ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ