កូវីដ-១៩
ពិភពលោកមានសង្ឃឹមហើយ!ថ្នាំលេបប្រឆាំងកូវីដអាចមានប្រើប្រាស់នៅមុនដំណាច់ឆ្នាំនេះ
បច្ចុប្បន្នវ៉ាក់សាំងការពារជំងឺកូវីដ ១៩ កំពុងប្រើប្រាស់ស្ទើរតែពាសពេញពិភពលោក ខណៈក្ដីសង្ឃឹមមួយទៀតនោះ អ្នកវិទ្យាសាស្ត្រកំពុងស្រាវជ្រាវផលិតថ្នាំគ្រាប់ប្រឆាំងវីរុសមួយនេះ ហើយក៏ស្ថិតក្នុងដំណាក់កាលសាកល្បងព្យាបាលជាច្រើនផងដែរ ។
ទន្ទឹមនោះក្រុមអ្នកជំនាញបាននិយាយថា កិច្ចប្រឹងប្រែងស្រាវជ្រាវបច្ចុប្បន្ននេះត្រូវផ្លាស់ប្ដូរ ដើម្បីឆ្ពោះទៅរកការអភិវឌ្ឍថ្នាំគ្រាប់ដែលអាចការពារកូវីដធ្ងន់ធ្ងរ ចំពោះអ្នកជំងឺទើបឆ្លងថ្មីៗ និងជួយពន្លឿនឲ្យឆាប់បានប្រើប្រាស់នៅមុនដំណាច់ឆ្នាំនេះ។
វេជ្ជបណ្ឌិត Rajesh Gandhi នាយកនៃសេវាព្យាបាលមេរោគអេដស៍នៅមន្ទីរពេទ្យទូទៅ នៃរដ្ឋ Massachusetts បានមានប្រសាសន៍នៅក្នុងសន្និសីទសារព័ត៌មានសមាគមជំងឺឆ្លងនៃអាមេរិកថា” យើងត្រូវការថ្នាំដែលអាចជួយមនុស្សចេញពីមន្ទីរពេទ្យនិងពេលវេលាដើម្បីអភិវឌ្ឍវានាពេលបច្ចុប្បន្ននេះ ” ។ ថ្នាំប្រឆាំងវីរុសនឹងកំណត់វីរុស ដែលបណ្ដាលឲ្យមានជំងឺកូវីដក្នុងដំណាក់កាលសកម្មបំផុតរបស់វានៅក្នុងខ្លួនមនុស្ស មុនពេលមនុស្សវិវត្តជារោគសញ្ញាធ្ងន់ធ្ងរ។
លោកបានបន្ថែមថា “ វាជាតម្រូវការចាំបាច់សម្រាប់ថ្នាំប្រឆាំងវីរុស ដែលមានប្រសិទ្ធភាពបំផុត ” ។ អ្វីដែលយើងត្រូវការជាងអ្វីៗទាំងអស់នាពេលនេះ គឺថ្នាំលេប ដែលជាថ្នាំអាចការពារអ្នកដែលមានជំងឺពីកម្រិតស្រាលទៅមធ្យមមិនឲ្យឈឺកាន់តែច្រើនឡើងៗ ។
លោក Gandhi បាននិយាយថា កិច្ចខិតខំប្រឹងប្រែងស្រាវជ្រាវកំពុងធ្វើការយ៉ាងសកម្ម ដើម្បីអភិវឌ្ឍថ្នាំប្រភេទនេះ ហើយមានក្ដីសង្ឃឹមថា អាចមានមុនពេលដំណាច់ឆ្នាំ ២០២១ ។
ថ្នាំប្រឆាំងវីរុសដែលបានលើកឡើងដោយលោក Gandhi កំពុងត្រូវបានបង្កើតឡើងដោយក្រុមហ៊ុន Pfizer ។ ថ្នាំប្រឆាំងវីរុសនេះហៅថា PF-07321332 ជាប្រភេទថ្នាំ Protease Inhibitor ជួយទប់ស្កាត់ការផលិតអង់ស៊ីមទ្វេគុណនៅក្នុងរាងកាយ និងរារាំងវីរុសពីការចម្លងនៅខាងក្នុងកោសិកា។ ការព្យាបាលបែបនេះដូចដែលប្រើសម្រាប់ព្យាបាលមេរោគអេដស៍ និងជំងឺរលាកថ្លើមប្រភេទ C ។
លោក Albert Bourla នាយកប្រតិបត្តិក្រុមហ៊ុន Pfizer បានប្រាប់ស្ថានីយទូរទស្សន៍ CNBC កាលពីដើមសប្ដាហ៍នេះថា ក្រុមហ៊ុនរបស់លោកកំពុងធ្វើការនាំយកថ្នាំលេប ទៅកាន់ទីផ្សារនៅចុងឆ្នាំនេះហើយ៕
ប្រែសម្រួល៖ សាង ស្រីល័ក្ខ
ប្រភព៖UPI
ប្រភព៖ក្រោយជោគជ័យជាមួយវ៉ាក់សាំង ក្រុមហ៊ុន Pfizer ចាប់ផ្តើមសាកល្បងប្រើថ្នាំគ្រាប់ព្យាបាលកូវីដ
ចុចអាន៖ថ្នាំគ្រាប់ការពារកូវីដរបស់ក្រុមហ៊ុន Pfizer នឹងចាប់ផ្តើមផលិតនៅចុងឆ្នាំនេះ បើការសាកល្បងជោគជ័យ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៨ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង