កូវីដ-១៩
វ៉ាក់សាំងជាក្តីសង្ឃឹម! មានមនុស្ស ១ភាគរយគត់ ដែលត្រូវបញ្ជូនទៅព្យាបាលកូវីដនៅមន្ទីរពេទ្យ ទោះចាក់បានត្រឹម១ដូស
តាមទិន្នន័យរបស់សេវាសុខភាពជាតិអង់គ្លេសហៅកាត់ NHS បានបង្ហាញថា មានមនុស្សមួយចំនួនតូចបំផុត ដែលកំពុងសម្រាកព្យាបាលជំងឺកូវីដ-១៩នៅមន្ទីរពេទ្យ បន្ទាប់ពីចាក់វ៉ាក់សាំងដូសទី១រួច។
ចំនួនដែលបានវិភាគដោយក្រុមប្រឹក្សាវិទ្យាសាស្ត្រសម្រាប់ភាពអាសន្ន (SAGE) បានបង្ហាញថា មានប្រហែលមួយភាគរយគត់នៃអ្នកដែលសម្រាកព្យាបាលនៅមន្ទីរពេទ្យក្នុងរលកទីពីរ គឺជាអ្នកចាក់វ៉ាក់សាំងបាន៣សប្តាហ៍។
ក្នុងចំណោមអ្នកជំងឺចំនួន៥២,០០០នាក់ដែលរាប់បញ្ចូលក្នុងការសិក្សានេះ មានមនុស្សត្រឹមតែ៥២៦នាក់ប៉ុណ្ណោះដែលត្រូវបានបញ្ជូនទៅព្យាបាលជំងឺកូវីដ-១៩ បន្ទាប់ពីការចាក់វ៉ាក់សាំងដូសទី១បានបីសប្តាហ៍ឬច្រើនជាងនេះ។
SAGE បាននិយាយថា អ្នកជំងឺដែលមិនអាចទទួលភាពស៊ាំខ្លាំងក្រោយចាក់វ៉ាក់សាំង ស្ទើរតែទាំងអស់គឺជាអ្នកមានវ័យចំណាស់ជ្រុលនិងខ្សោយកម្លាំង។
សាស្រ្តាចារ្យ Calum Semple សមាជិក SAGE និងជាអ្នកជំនាញផ្នែកមេរោគនៅសកលវិទ្យាល័យ Liverpool បាននិយាយថា ទិន្នន័យនេះគឺជាការធានាថា សូម្បីតែវ៉ាក់សាំងត្រឹមមួយដូស ក៏កំពុងការពារមនុស្សនៅលើពិភពលោកដែរ។
ទោះបីជាយ៉ាងណាក៏ដោយ ការសាកល្បងផ្សេងទៀតបានបង្ហាញថា មិនមែនមនុស្សចាស់ទាំងអស់សុទ្ធតែមានការឆ្លើយតបភាពស៊ាំទៅនឹងវ៉ាក់សាំងដូសទីមួយនោះទេ ប៉ុន្តែជាទូទៅមនុស្សគ្រប់គ្នាបានបង្ហាញសញ្ញានៃភាពស៊ាំបន្ទាប់ពីចាក់លើកទីពីរ៕
ប្រែសម្រួលដោយ៖ Vann Vann
ប្រភព៖ Daily Mail
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង