ក្រោយប្រទេសជាច្រើនបើកយុទ្ធនាការចាក់របស់ចិន ពេលនេះ WHO ផ្ដល់តម្រុយអនុម័តប្រើប្រាស់ជាបន្ទាន់ វ៉ាក់សាំង Sinopharm និង Sinovac
Connect with us
Helistar Cambodia - Helicopter Charter Services

កូវីដ-១៩

ក្រោយប្រទេសជាច្រើនបើកយុទ្ធនាការចាក់របស់ចិន ពេលនេះ WHO ផ្ដល់តម្រុយអនុម័តប្រើប្រាស់ជាបន្ទាន់ វ៉ាក់សាំង Sinopharm និង Sinovac

បានផុស

នៅ

អង្គការសុខភាពពិភពលោក (WHO) បាននិយាយថា នឹងចេញសេចក្តីសម្រេចរបស់ខ្លួន លើសំណើចុះបញ្ជីប្រើប្រាស់បន្ទាន់ ពីវ៉ាក់សាំងចិន Sinopharm និងវ៉ាក់សាំង Sinovac នៅចុងសប្តាហ៍នេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំនួយការអគ្គនាយក WHO លោកស្រី Mariangela Simao បាននិយាយថា គណៈកម្មការឯករាជ្យរបស់ស្ថាប័ននេះ បានជួបប្រជុំគ្នា និងវាយតម្លៃវ៉ាក់សាំង Sinopharm និងវ៉ាក់សាំង Sinovac ដែលផលិតនៅប្រទេសចិន ។

លោកស្រីបាននិយាយថា “ដូច្នេះនៅដើមសប្តាហ៍ ឬចុងសប្តាហ៍នេះ យើងនឹងធ្វើការវាយតម្លៃចុងក្រោយ លើវ៉ាក់សាំងទាំង ២ នេះ” ។

លោកស្រីបានបន្ថែម នៅក្នុងសន្និសីទសារព័ត៌មានទៀងទាត់ របស់ WHO ថា “វាមានសារៈសំខាន់ខ្លាំងណាស់ ដែលយើងទទួលបានវ៉ាក់សាំង ដែលត្រូវបានបង្ហាញថា មានសុវត្ថិភាព និងប្រសិទ្ធភាព ចូលទៅក្នុងទីផ្សារពិភពលោក នាពេលបច្ចុប្បន្ននេះ ដើម្បីឲ្យមានវ៉ាក់សាំងកាន់តែច្រើន ក្នុងការផ្គត់ផ្គង់” ។

លោកស្រីបន្តថា “យើងមានបញ្ហា ជាមួយនឹងការផ្គត់ផ្គង់ពីប្រទេសឥណ្ឌា ។ យើងមានបញ្ហាជាមួយ ក្រុមហ៊ុនផលិតវ៉ាក់សាំងផ្សេងៗគ្នា ជាមួយនឹងកង្វះខាតសារធាតុផលិត ។ ដូច្នេះយើងត្រូវការវ៉ាក់សាំងបន្ថែមទៀត ដើម្បីចូលមកទីផ្សារ ។ វ៉ាក់សាំង គឺជារឿងចាំបាច់ ត្រូវប្រើប្រាស់ជាបន្ទាន់ ដោយ WHO សម្រាប់លទ្ធកម្មអន្តរជាតិ” ។

គួរបញ្ជាក់ថា គិតត្រឹមពេលនេះ WHO បានអនុម័តប្រើប្រាស់ជាបន្ទាន់ នូវវ៉ាក់សាំងការពារជំងឺកូវីដ ១៩ ដូចជា វ៉ាក់សាំង Pfizer-BioNTech វ៉ាក់សាំង AstraZeneca វ៉ាក់សាំង Johnson & Johnson និងវ៉ាក់សាំង Moderna ជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ CGTN

ចុចអាន ៖ វ៉ាក់សាំង Sinopharm មានប្រសិទ្ធភាព ទប់ស្កាត់ការឆ្លងកូវីដសឹង ១០០ភាគរយ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services