លម្អិតអំពីវ៉ាក់សាំង Sinopharm ដែលពលរដ្ឋគ្រប់គ្នាគួរដឹង
Connect with us
Helistar Cambodia - Helicopter Charter Services

កូវីដ-១៩

លម្អិតអំពីវ៉ាក់សាំង Sinopharm ដែលពលរដ្ឋគ្រប់គ្នាគួរដឹង

បានផុស

នៅ

វ៉ាក់សាំង Sinopharm ត្រូវបានចិនអនុម័តឱ្យប្រើក្នុងប្រទេសកាលពីចុងឆ្នាំ ២០២០ ហើយប្រទេសកម្ពុជាក៏បានទទួូលជំនួយវ៉ាក់សាំងនេះមកចាក់ជូនពលរដ្ឋផងដែរ នៅឆ្នាំ ២០២១។ ថ្មីៗនេះ វ៉ាក់សាំង Sinopharm ត្រូវបានទទួលស្គាល់ពី អង្គការសុខភាពពិភពលោក ដោយកាលពីថ្ងៃសុក្រ ទី៧ ខែឧសភា WHO បានប្រកាសអនុម័តវ៉ាក់សាំងការពារជំងឺកូវីដ-១៩មួយប្រភេទនេះ ដើម្បីប្រើប្រាស់ជាសាធារណៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
China to send more COVID-19 vaccine doses to Serbia

ខាងក្រោមជាព័ត៌មានលម្អិតអំពីវ៉ាក់សាំង Sinopharm៖

វ៉ាក់សាំង Sinopharm ជាវ៉ាក់សាំងដែលផលិតដោយក្រុមហ៊ុន National Biotec Group ហៅកាត់ (CNBG) នៅក្នុងប្រទេសចិន។ វ៉ាក់សាំងនេះត្រូវបាន លោក Yang Xiaoming ប្រធានក្រុមហ៊ុនអះអាងថា មានប្រសិទ្ធភាព ៧៩,៣៤ ភាគរយប្រឆាំងនឹងជំងឺកូវីដ-១៩។ វាក៏មានសុវត្ថិភាពចំពោះអ្នកទទួលបានការចាក់២ដូស ដោយធ្វើឱ្យសរីរាង្គអាចផលិតអង់ទីគ័រកម្រិតខ្ពស់ប្រឆាំងនឹងវីរុសក្នុងអត្រា ៩៩,៥២ ភាគរយ។

លោក Yang Xiaoming បានប្រាប់សារព័ត៌មាន Xinhua ថា វ៉ាក់សាំងរបស់ខ្លួនក៏មានសុវត្ថិភាពចំពោះអ្នកដែលមានអាយុចន្លោះពី ៣ ទៅ ១៧ ឆ្នាំ ផងដែរ។ ប៉ុន្តែ ក្រុមហ៊ុនមិ​នទាន់អនុម័តឱ្យប្រើចំពោះក្មេងនោះទេ ដោយសារប្រព័ន្ធភាពស៊ាំកុមារនៅមានការអភិវឌ្ឍន៍ ដូច្នេះពួកគេត្រូវតែមានការត្រួតពិនិត្យ និងតាមដានយ៉ាងយកចិត្តទុកដាក់បន្ថែមទៀត។

Serbia to start producing Chinese Sinopharm vaccine – EURACTIV.com

លើសពីលើនោះ ការសិក្សាពីប្រទេសដទៃក្រៅពីចិនបញ្ជាក់ថា វ៉ាក់សាំង Sinopharm មានប្រសិទ្ធភាពលើសពី ៩០ ភាគរយ ក្នុងការការពារមនុស្សពីការឆ្លងជំងឺកូវីដ-១៩។ នេះបើយោងតាមការសិក្សាមួយដែលធ្វើឡើងនៅទីក្រុង អាប៊ូដាប៊ី ប្រទេសអារ៉ាប់រួម។ ក្នុងនោះវាមានប្រសិទ្ធ ៩៣​ ភាគរយក្នុងការទប់ស្កាត់បញ្ជូនទៅព្យាបាលក្នុងមន្ទីរពេទ្យ និងប្រសិទ្ធភាព ៩៥ ភាគរយ ប្រឆាំងការបញ្ជូនទៅបន្ទប់សង្គ្រោះបន្ទាន់។

រីឯ ការសិក្សាដែលចេញផ្សាយដោយអាជ្ញាធរម៉ារ៉ុកនិយាយថា វ៉ាក់សាំង Sinopharm មានប្រសិទ្ធភាពចំពោះមនុស្សវ័យចំណាស់ដែលមានអាយុ៦០ឆ្នាំឡើងទៅ ដោយវាបង្ហាញពីប្រសិទ្ធភាពនិងសុវត្ថិភាព ៨៦ ភាគរយទៅលើមនុស្សចាស់។

មិនតែប៉ុណ្ណោះ វ៉ាក់សាំង Sinopharm ក៏បង្ហាញប្រសិទ្ធភាពប្រឆាំងនឹងវីរុសបំប្លែងខ្លួនជាង១០ប្រភេទ ដែលត្រូវបានរកឃើញនៅក្នុងចក្រភពអង់គ្លេស អាហ្វ្រិកខាងត្បូង ក៏ដូចជាតំបន់ដទៃទៀត។

វ៉ាក់សាំង Sinopharm តម្រូវឱ្យមនុស្សម្នាក់ចាក់ចំនួន២ដូស ហើយត្រូវទុកវាក្នុងសីតុណ្ហភាពចន្លោះពី ២ទៅ៨ អង្សាសេ រីឯតម្លៃដើមនៅក្នុងប្រទេសចិន ប្រហែល១៤៥ ដុល្លារសម្រាប់២ដូស។

វ៉ាក់សាំង Sinopharm ក៏មិនខុសគ្នាពីវ៉ាក់សាំងផ្សេងប៉ុន្មានដែរ ដែលក្រោយពីចាក់រួច អ្នកអាចមានប្រតិកម្មមួយចំនួន ប៉ុន្តែមិនមានគ្រោះថ្នាក់ធ្ងន់ធ្ងរ ឬប៉ះពាល់ជីវិតឡើយ។

បើ​តាម​ការបញ្ជាក់ពីលោក​ជំទាវ ឱ វណ្ណឌី បានឱ្យដឹងថា ប្រតិកម្ម​​បណ្ដាលមកពីវ៉ាក់សាំង Sinopharm មាន​ដូចជា ថប់​ដង្ហើម​ ចង់​ក្អួត ឈឺក្បាល ចេញ​កន្ទួល​រមាស់។ អការៈ​ច្រើន​បំផុត​គឺ​ក្តៅ​ខ្លួន ដែលវាជា​បញ្ហា​ទូទៅ​របស់​វ៉ាក់សាំងទៅហើយ​។ សញ្ញាទាំងនេះ មានន័យថា ​វ៉ាក់សាំង​កំពុង​ធ្វើការ ណែនាំ​សរីរាង្គ​ឲ្យ​ស្គាល់ថ្នាំ។ បើ​មាន​ក្តៅ​ខ្លួន អ្នកអាចលេប​ថ្នាំ​បញ្ចុះ​កម្តៅ ហើយ​វានឹងបាត់​ទៅ​វិញ​ក្នុង​រយៈ​ពេល​ពីរ​បី​ថ្ងៃ។ យ៉ាងណាមិញប្រតិកម្មទាំងនេះ ពុំកើតមានចំពោះគ្រប់គ្នាឡើយ អ្នកខ្លះមាន ឯអ្នកខ្លះក៏គ្មាន៕

អត្ថបទ៖ សន្យា

ចុចអាន៖ វ៉ាក់សាំង Sinopharm របស់ចិន ត្រូវបាន WHO ទទួលស្គាល់ឲ្យប្រើប្រាស់ជាផ្លូវការ

ចុចអាន៖ វ៉ាក់សាំងធំៗទាំង៧ ដែលជាអាវុធកម្ចាត់កូវីដ ចេញពីពិភពលោក

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

KOICA​ផ្តល់​កញ្ចប់​ស្បៀងអាហារ និង​គ្រឿង​បរិក្ខារ​បង្ការ​ការ​ឆ្លង​រាល ជំងឺ​កូ​វីដ​១៩ ដល់​ជន​ងាយ​រងគ្រោះ​នៅ​កម្ពុជា

ព័ត៌មានជាតិ២៦ នាទី មុន

តើចាំទេ? ថ្ងៃនេះ ខួប​៥៩​ឆ្នាំ ដែល​តុលាការ ICJ សម្រេច​ឲ្យ​កម្ពុជា ជា​ម្ចាស់​កម្មសិទ្ធិ​លើ​ប្រាសាទព្រះវិហារ

ព័ត៌មានជាតិ៣៥ នាទី មុន

នាយ​ឧ​ត្ត​ម​សេនីយ៍ នេ​ត សាវឿន​ ផ្តល់​ថវិកា​ដល់​កងកម្លាំង​នគរបាល​២​នាក់​ មាន​វិជ្ជមាន​កូ​វីដ​-១៩

ព័ត៌មានជាតិ៣៨ នាទី មុន

ក្រសួងសាធារណការនឹងដាក់ឱ្យដំណើរការកម្មវិធីដកពិន្ទុបណ្ណបើកបរលើទូរស័ព្ទដៃនៅដើមឆ្នាំ២០២២ខាងមុខ

បច្ចេកវិទ្យា៥៥ នាទី មុន

ទាញយក APPកម្ពុជាថ្មី បណ្តុំព័ត៌មានថ្មីដែលលោកអ្នកអាចជឿទុកចិត្តបាន

Sokha Hotels

ព័ត៌មានពេញនិយម

Helistar Cambodia - Helicopter Charter Services