កូវីដ-១៩
អ្នករស់នៅភ្នំពេញ ខេត្តកណ្តាល និងខេត្តប្រឈម នឹងទទួលបានវ៉ាក់សាំងគ្រប់គ្នាក្នុងឆ្នាំ២០២១
មន្ត្រីជាន់ខ្ពស់សុខាភិបាលបានឱ្យដឹងថានៅក្នុងឆ្នាំ២០២១ ការចាក់វ៉ាក់សាំងនឹងបានដល់ប្រជាពលរដ្ឋដែលរស់នៅរាជធានីភ្នំពេញ ខេត្តកណ្ដាល និងខេត្តប្រឈមមួយចំនួន។
លោកជំទាវ យក់ សម្បត្តិ រដ្ឋលេខាធិការក្រសួងសុខាភិបាលបានប្រាប់ឱ្យដឹងនៅនៅថ្ងៃទី១៦ ខែឧសភា នៅឯព្រលានយន្តហោះអន្តរជាតិភ្នំពេញថា បច្ចុប្បន្នគណៈកម្មការចំពោះកិច្ច និងគណៈកម្មការលទ្ធកម្មវ៉ាក់សាំង កំពុងរៀបចំផែនការចាក់ឱ្យបានទៅដល់ប្រជាពលរដ្ឋដែលរស់នៅក្នុងរាជធានីភ្នំពេញ ខេត្តកណ្ដាល ព្រមទាំងខេត្តដែលប្រឈមមួយចំនួនទៀតឱ្យបានគ្រប់ៗគ្នា សម្រាប់អ្នកដែលមានអាយុចាប់ពី ១៨ឆ្នាំ ឡើងទៅ។
លោកស្រី យក់ សម្បត្តិ លើកឡើងថារាជរដ្ឋាភិបាល កំពុងតែធ្វើការបញ្ជាទិញវ៉ាក់សាំងជាបន្តបន្ទាប់ ទាំងក្រុមហ៊ុនស៊ីណូហ្វាម ក្រុមហ៊ុនស៊ីណូវ៉ាក់ និងវ៉ាក់សាំងជំនួយផ្សេងៗទៀត ដែលរាជរដ្ឋាភិបាលកំពុងតែធ្វើការចរចារ និងទំនាក់ទំនងជាមួយដៃគូអភិវឌ្ឍន៍។
លោកស្រី យក់ សម្បត្តិ បានប្រាប់ថា វ៉ាក់សាំងស៊ីណូវ៉ាក់ ដែលដឹកមកដល់កម្ពុជា ៥០ ម៉ឺនដូស នៅថ្ងៃទី១៦ ខែឧសភា គឺគណៈកម្មការចំពោះកិច្ច សហការជាមួយកងកម្លាំងយោធានៅតែសម្រុកបញ្ជូនទៅចាក់ជូនប្រជាពលរដ្ឋនៅក្នុងតំបន់ក្រហមនៅរាជធានីភ្នំពេញ និងខេត្តកណ្តាល។
លោកជំទាវ យក់ សម្បត្តិថ្លែងថា “រហូតមកដល់ពេលនេះតាមរបាយការណ៍របស់អភិបាលរាជធានីភ្នំពេញ ក្រុមគ្រូពេទ្យចាក់បានច្រើនហើយនៅគ្រប់បណ្ដាខណ្ឌ ហើយខណ្ឌដែលសម្រុកចាក់ជាងគេគឺតំបន់ក្រហម មានខណ្ឌឬស្សីកែវ ខណ្ឌពោធិ៍សែនជ័យ ខណ្ឌមានជ័យ និងខណ្ឌកំបូល គឺចាក់បានច្រើនប្រៀបធៀប ជាមួយខណ្ឌផ្សេងៗ”។
លោកជំទាវ យក់ សម្បត្តិ ឱ្យដឹងទៀតថា គណៈកម្មការចំពោះកិច្ចចាក់វ៉ាក់សាំង កំពុងតែមមាញឹកក្នុងការពន្លឿនរៀបចំផែនការចាក់វ៉ាក់សាំង និងចុះចាក់បណ្តើរៗ ខណៈកម្លាំងកងទ័ព ក៏កំពុងតែចាក់ដំណាលគ្នា ស្របពេលដែលវ៉ាក់សាំងមកដល់ប្រដំប្រសងគ្នា។
របាយការណ៍របស់អនុគណៈកម្មការតាមដាននិងវាយតម្លៃ នៃគណៈកម្មការចំពោះកិច្ចចាក់វ៉ាក់សាំងកូវីដ១៩ក្នុងក្របខណ្ឌទូទាំងប្រទេស បង្ហាញថា គិតត្រឹមថ្ងៃទី ១៦ ខែឧសភា ចំនួនអ្នកចាក់វ៉ាក់សាំងបានកើនដល់ ២ ០៨២ ២៨២ នាក់ ស្មើនឹង២០.៨២ ភាគរយ៕ អត្ថបទ៖ ឡេង ដេត
-
សេដ្ឋកិច្ច៣ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានអន្ដរជាតិ១២ ម៉ោង agoយន្តហោះមីយ៉ាន់ម៉ា ទម្លាក់គ្រាប់បែកជញ្ជ្រំព្រំដែន កក្រើកដល់ដីថៃ ធ្វើឲ្យពលរដ្ឋភ័យព្រលឹងចុងសក់ ទៀតហើយ
-
ព័ត៌មានជាតិ១ សប្តាហ៍ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានជាតិ២ ថ្ងៃ agoលេចចេញគំរូស្ពានឆ្លងទន្លេមេគង្គ គ្រោងសាងសង់ដោយជប៉ុនតាមផ្លូវជាតិលេខ ១
-
ព័ត៌មានអន្ដរជាតិ៣ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
សន្តិសុខសង្គម២ ថ្ងៃ agoបង្ក្រាប Online Scam នៅក្រុងសិរីសោភ័ណ ឃាត់ខ្លួនយុវជនម្នាក់ បើកកន្លែងប្រតិបត្តិការឆបោកតែម្នាក់ឯង
-
ព័ត៌មានជាតិ៣ ថ្ងៃ agoកម្ពុជា UNODC និងសមាជិកមហាអនុតំបន់ទន្លេមេគង្គឆ្នាំ១៩៩៣ នឹងបន្តរួមគ្នាដោះស្រាយបញ្ហាគ្រឿងញៀនសំយោគ
-
ព័ត៌មានអន្ដរជាតិ១ សប្តាហ៍ agoព្រះសង្ឃថៃ សុគត កើនដល់ ១០អង្គហើយ ក្នុងហេតុការណ៍បុករះ បង្កឡើងដោយ កុមារមានបញ្ហាស្មារតី