កូវីដ-១៩
ខេត្តកំពង់ចាមមានអ្នកឆ្លងជំងឺកូវីដ‑១៩ ជាង២០០នាក់ និងស្លាប់២នាក់
ភ្នំពេញ៖ មន្ត្រីមន្ទីរសុខាភិបាលខេត្តកំពង់ចាមបានមានប្រសាសន៍ថា គិតត្រឹមព្រឹកថ្ងៃ១៧ ខែឧសភានេះ ខេត្តកំពង់ចាមមានអ្នកឆ្លងជំងឺកូវីដ‑១៩ ក្នុង “ព្រឹត្តិការណ៍សហគម៍២០កុម្ភៈ” ចំនួន២១៥នាក់ ជាសះស្បើយចំនួន១០៥នាក់ កំពុងសម្រាកព្យាបាលជំងឺនៅមន្ទីរពេទ្យចំនួន១១០នាក់ និងស្លាប់ចំនួន២នាក់។
លោក ឌី បូរ៉ាឌី ប្រធានការិយាល័យនិយ័តកម្មនៃមន្ទីរសុខាភិបាលខេត្តកំពង់ចាម បានបង្ហាញថា អ្នកឆ្លងជំងឺកូវីដ‑១៩ ចំនួន២១៥នាក់នោះបូកបញ្ចូលទាំងរកឃើញថ្មីកាលពីថ្ងៃ១៦ ចំនួន១០នាក់ ក្នុងនោះស្រុកបាធាយមានចំនួនអ្នកឆ្លងច្រើនជាងគេដោយមានអ្នកឆ្លងចំនួន០៦នាក់ ស្រុកស្រីសន្ធរ០១នាក់ ស្រុកស្ទឹងត្រង់០១នាក់ ស្រុកព្រៃឈរ០១នាក់ និងស្រុកកងមាស០១នាក់។
លោកបានបន្តទៀតថា អ្នកឆ្លងថ្មីចំនួន១០នាក់នេះគឺក្នុងចំណោមដែលមន្ទីរសុខាភិបាលខេត្តបានយកសំណាកពីអ្នកពាក់ព័ន្ធនានាកាលពីថ្ងៃទី១៦ ខែឧសភា ចំនួន១៩៣នាក់ ហើយមន្ទីរនឹងបន្តស្រាវជ្រាវរកអ្នកពាក់ព័ន្ធបន្ថែមទៀត។
លោកបានបន្ថែមទៀតថា ដោយឡែកនៅថ្ងៃទី១៦ ខែឧសភានេះ មានអ្នកជំងឺជាសះស្បើយចំនួន២៨នាក់បន្ទាប់ពីធ្វើតេស្តចំនួន២លើក ហើយត្រូវបានអនុញ្ញាតឲ្យចេញពីមន្ទីរពេទ្យ។ ប៉ុន្តែពួកគេត្រូវបន្តធ្វើចត្តាឡីស័កចំនួន១៤ថ្ងៃជាបន្តទៀតដើម្បីឲ្យប្រាកដថាពួកគេអស់មេរោគនឹងមិនលាប់ជំងឺឡើងវិញ។
លោក ឌី បូរ៉ា ឌី បានបញ្ជាក់ថា បច្ចុប្បន្ននេះមានអ្នកជាប់ពាក់ព័ន្ធដោយផ្ទាល់ និងប្រយោលជាមួយអ្នកជំងឺកំពុងធ្វើចត្តាឡីស័កនៅតាមមណ្ឌលចត្តាឡីស័កនានានៅខេត្តកំពង់ចាមសរុបចំនួន៦៩១នាក់៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២២ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង