កូវីដ-១៩

ពលរដ្ឋភូមិក្បាលស្ពាន ១ ក្នុងក្រុងប៉ោយប៉ែត រាប់សិបនាក់មានវិជ្ជមានកូវីដ-១៩

បានផុស

៥ years មុន

នៅ

ថ្ងៃពុធ ១៩ ឧសភា ២០២១

ដោយ

រដ្ឋបាលខេត្តបន្ទាយមានជ័យបានប្រកាសរកឃើញករណីវិជ្ជមានជំងឺកូវីដ ១៩ថ្មីចំនួន៩៤នាក់បន្ថែមទៀតនៅថ្ងៃទី១៨ខែឧសភាឆ្នាំ២០២១ដែលមានជនជាតិបរទេសនិងខ្មែរ ភាគច្រើនរស់នៅក្នុងភូមិក្បាលស្ពាន១ ក្រុងប៉ោយប៉ែត ខេត្តបន្ទាយមានជ័យ។

សេចក្តីជូនដំណឹងរបស់រដ្ឋបាលខេត្តបន្ទាយមានជ័យអំពាវនាវដល់ប្រជាពលរដ្ឋនិងសាធារណជនដែលបានប៉ះពាល់ដោយផ្ទាល់សូមរួសរាន់មកជួបគ្រូពេទ្យនឹងធ្វើចត្តាឡីស័កដើម្បីយកសំណាកទៅពិនិត្យនិងអ្នកប៉ះពាល់ដោយប្រយោលជាមួយអ្នកជំងឺកូវីដ ១៩ទាំង៩៤នាក់ខាងលើសូមរួសរាន់ធ្វើចត្តាឡីស័កតាមផ្ទះក្នុងក្រុមគ្រួសាររៀងខ្លួនដោយមិនត្រូវពាក់ព័ន្ធនឹងប៉ះពាល់ជាមួយអ្នកដទៃឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងករណីមានការប្រែប្រួលសុខភាពខុសប្រក្រតីដូចជាឡើងកម្ដៅលើសពី៣៧អង្សាសេក្អកកណ្ដាស់ហៀរសំបោរឈឺបំពង់កមានកំហាកថប់ដង្ហើមត្រូវប្រញាប់ទំនាក់ទំនងទៅក្រុមឆ្លើយតបបន្ទាន់នៃមន្ទីរសុខាភិបាលខេត្តឬមន្ទីរពេទ្យខេត្តក្រុងស្រុកឬមណ្ឌលសុខភាពឃុំសង្កាត់និងអាជ្ញាធរមូលដ្ឋានជាបន្ទាន់។

ករណីផ្ទុះជំងឺកូវីដ ១៩នៅខេត្តបន្ទាយមានជ័យគឺផ្តើមឡើងតាមរយៈជនជាតិឥណ្ឌូនេស៊ីម្នាក់ស្នាក់នៅក្នុងបូរីដួងច័ន្ទនៅក្នុងសង្កាត់ប៉ោយប៉ែតក្រុងប៉ោយប៉ែតដែលធ្វើឱ្យរដ្ឋបាលខេត្តបិទភូមិនិងទីតាំងពាក់ព័ន្ធមួយចំនួនទៀតដើម្បីទប់ស្កាត់ការឆ្លងរាលដាលជំងឺកូវីដ ១៩ទ្រង់ទ្រាយធំ៕