កូវីដ-១៩
ឥណ្ឌា កំពុងផ្ទុះវីរុសកូវីដបំប្លែងខ្លួនខ្លាំងនៅទីជនបទ សម្លាប់មនុស្សទាំងគ្រួសារៗ
ប្រទេសឥណ្ឌាមានការភ័យខ្លាចថា វីរុសបំប្លែងខ្លួនដែលឆ្លងខ្លាំង កំពុងផ្ទុះឡើងក្នុងកម្រិតមិនអាចគ្រប់គ្រងបាន ហើយមានករណីជាច្រើនមិនត្រូវបានគេរាយការណ៍ទេ ដោយសារតែខ្វះការធ្វើតេស្ត ជាពិសេសនៅតាមតំបន់ជនបទដ៏ធំល្វឹងល្វើយ។
មន្ត្រីជនបទបានព្រមានថា “ក្រុមគ្រួសារទាំងមូលៗ” ត្រូវបានសម្លាប់ដោយសារវីរុសនេះ ហើយតំណាងមកពីទីប្រជុំជននិងភូមិជាង១៨បាននិយាយថា ទំហំនៃការបំផ្លិចបំផ្លាញនៅក្នុងសហគមន៍ជនបទ មិនត្រូវបានគេកត់ត្រាត្រឹមត្រូវទេ។
ទីភ្នាក់ងារព័ត៌មាន Bloomberg បានរាយការណ៍ថា នៅតំបន់ Basi ប្រហែល៣ភាគ៤នៃប្រជាជន៥,៤០០នាក់របស់ខ្លួន គឺមានផ្ទុកជំងឺកូវីដ-១៩ និងជាង៣០នាក់បានស្លាប់ ក្នុងរយៈពេល៣សប្តាហ៍ចុងក្រោយនេះ។
នៅទីនោះ មិនមានមណ្ឌលថែទាំសុខភាព គ្រូពេទ្យឬអុកស៊ីសែនទេ។
លោក Rajesh Sharma ដែលជាម្ចាស់ក្រុមហ៊ុនទេសចរណ៍មួយនៅទីក្រុង Ujjan បានប្រាប់ទីភ្នាក់ងារព័ត៌មាន Bloomberg ថា ទាំងរដ្ឋាភិបាលសហព័ន្ធនិងរដ្ឋាភិបាលរដ្ឋ Madhya Pradesh មិនបានជួយយើងទេ។ មិនមានគ្រែពេទ្យនិងថ្នាំឡើយ។ មនុស្សត្រូវបានទុកឲ្យស្លាប់។ នៅ Ujjain និងជុំវិញនោះ គ្រួសារទាំងមូលៗ បានស្លាប់ក្នុងរយៈពេល២សប្តាហ៍ចុងក្រោយ។
ស្របពេលជាមួយគ្នានោះ អ្នកកាសែតម្នាក់នៅទីក្រុង Kanpur បានប្រាប់ BBC ថា ប្រជាជនក្រីក្រមិនអាចមានលទ្ធភាពបូជាសពបានទេ ដូច្នេះត្រូវយកសពរុំក្រណាត់.ស ហើយរុញទម្លាក់ចូលទៅក្នុងទឹកទន្លេ គង្គា។
ការធ្វើបែបនេះ បានកើតឡើងតាំងពីមិនទាន់ផ្ទុះជំងឺរាតត្បាតមកម្ល៉េះ ប៉ុន្តែអ្វីដែលភ្ញាក់ផ្អើលនោះគឺថា អ្នកភូមិមិនដែលឃើញសពអណ្តែតទឹកច្រើនបែបនេះទេ។
កន្លែងបូជា ទទួលយកតែសពដែលចេញពីមន្ទីរពេទ្យដោយមានសំបុត្រមរណភាពកូវីដប៉ុណ្ណោះ ប៉ុន្តែមានមនុស្សជាច្រើនបានស្លាប់នៅឯផ្ទះដោយមិនបានទទួលការធ្វើតេស្ត៕
ប្រែសម្រួល៖ Vann Vann
ប្រភព៖ Daily Mail
ចុចអាន៖ ផ្ទុះខ្លាំង! ឥណ្ឌា ចាប់ស្វា ៦០ក្បាលធ្វើចត្តាឡីស័ក និងធ្វើតេស្តរកកូវីដ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ