ផ្សារសំរោងយ៉ោង និងភូមិចំនួន ៤ ក្នុងស្រុកបាទីបើកឱ្យដំណើរការឡើងវិញ

រដ្ឋបាលខេត្តតាកែវ នៅថ្ងៃទី ០២ ខែមិថុនានេះ បានសម្រេចបញ្ចប់ការបិទខ្ទប់ និងបើកឱ្យផ្សារសំរោងយ៉ោងដំណើរការឡើងវិញ ព្រមទាំងភូមិចំនួន ៤ មានភូមិស្មៅខ្ញី ភូមិចក ភូមិពូនភ្នំ និងភូមិរលាំងគ្រើល ស្ថិតនៅឃុំត្រពាំងសាប ស្រុកបាទី ខេត្តតាកែវ។

អាជ្ញាធរ​បាន​បិទខ្ទប់ផ្សារសំរោងយ៉ោង និង​ភូមិចំនួន ៤ មានភូមិស្មៅខ្ញី ភូមិចក ភូមិពូនភ្នំ រលាំងគ្រើល ឃុំត្រពាំងសាប កាល​ពី​ថ្ងៃទី ២០ ខែ​ឧសភា ដោយសារ មាន​មនុស្ស​ជាប់​ពាក់ព័ន្ធ​ផ្ទាល់ និង​ប្រយោល​ជា​ច្រើន​អ្នក ជាមួយអ្នកវិជ្ជមាន​កូវីដ-១៩ ក្នុងព្រឹត្តិការណ៍​សហ​គមន៍​ ២០កុម្ភៈ។

លោក ភួន ឈីម អភិបាលស្រុកបាទី បានថ្លែងប្រាប់កម្ពុជាថ្មី នៅថ្ងៃទី ០១ ខែមិថុនាថា ស្ថានភាព​នៃការឆ្លងជំងឺកូវីដ​១៩​នៅ​ផ្សារ​សំរោងយ៉ោង មានភាពធូស្រាល ស្របពេលនឹង​ការធ្វើចត្តាឡីស័កផុតកំណត់៕