កូវីដ-១៩
បន្ទាយមានជ័យរកឃើញអ្នកវិជ្ជមានកូវីដ-១៩ ចំនួន៤៩នាក់ទៀត ភាគច្រើនមកពីថៃ និងជាសះស្បើយ២៦៣នាក់
ខេត្តបន្ទាយមានជ័យ៖ រដ្ឋបាលខេត្តបន្ទាយមានជ័យ នៅព្រឹកថ្ងៃទី១៧ ខែមិថុនា ឆ្នាំ២០២១នេះបានធ្វើការប្រកាសរកឃើញមនុស្សចំនួន៤៩នាក់បន្ថែមទៀត វិជ្ជមានឆ្លងជំងឺកូវីដ-១៩ ភាគច្រើនមកពីប្រទេសថៃ និងមានអ្នកជាសះស្បើយចំនួន ២៦៣នាក់។
បើតាមការអះអាងរបស់រដ្ឋបាលខេត្តបន្ទាយមានជ័យបានប្រាប់អ្នកយកព័ត៌មានឲ្យដឹងថា រដ្ឋបាលខេត្តបានរកឃើញមានជំងឺកូវីដថ្មីដែលភាគច្រើនជាពលករវិលត្រឡប់មកពីប្រទេសថៃចំនួន៤៩នាក់។ ក្នុងនោះរកឃើញក្នុងក្រុងប៉ោយប៉ែត ក្រុងសិរីសោភ័ណ ស្រុកស្វាយចេក ស្រុកថ្មពួក ព្រះនេត្រព្រះជាដើម។
ជាមួយគ្នានេះ មានករណីជាសះស្បើយពីជំងឺកូវីដ-១៩ ចំនួន២៦៣នាក់ តាមលទ្ធផលធ្វើតេស្តរហ័ស និងវិទ្យាស្ថានប៉ាស្ទ័រកម្ពុជា។
រដ្ឋបាលខេត្តបានអំពាវនាវដល់បងប្រជាពលរដ្ឋ និងសាធារណជនដែលបានប៉ះពាល់ដោយផ្ទាល់ សូមរួសរាន់មកជួបក្រុមគ្រូពេទ្យ និងធ្វើចត្តាឡីស័កដើម្បីយកសំណាកទៅត្រួតពិនិត្យ និងអ្នកប៉ះពាល់ដោយប្រយោលជាមួយអ្នកវិជ្ជមានកូវីដ-១៩ទាំង៤៩នាក់ខាងលើ សូមរួសរាន់ធ្វើចត្តាឡីស័ក តាមផ្ទះក្នុងក្រុមគ្រួរសាររៀងៗខ្លួនដោយមិនត្រូវពាក់ព័ន្ធនឹងប៉ះពាល់ជាមួយអ្នកដទៃជាដាច់ខាត។ ក្នុងករណីមានការប្រែប្រួលសុខភាពខុសពីប្រក្រតីដូចជាមានកំដៅពី ៣៧ អង្សាសេ ក្អក កណ្តាស់ ហៀរសំបោរ ឈឺបំពង់ក មានកំហាក ថប់ដង្ហើម ។ល។ ត្រូវប្រញាប់ទំនាក់ទំនងទៅក្រុមឆ្លើយតបជាបន្ទាន់នៃមន្ទីរសុខាភិបាលខេត្ត ឬមន្ទីរពេទ្យខេត្តក្នុងស្រុក ឬមណ្ឌលសុខភាពឃុំសង្កាត់ និងអាជ្ញាធរមូលដ្ឋាន និងសំណូមពរពលរដ្ឋសាធារណៈជនបន្តចូលរួមអនុវត្តតាមវិធានការ ៣ការពារ ៣កុំជាដាច់ខាត៕
អត្ថបទ៖ វ៉ាន់ ណាង
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)