រកឃើញកម្មកររោងចក្រកាត់ដេរវិជ្ជមានកូវីដ-១៩ ជាង២០០នាក់ ក្នុងចំណោមជាង៨០០នាក់ នៅសង្កាត់ស្ទឹងមានជ័យ៣

ភ្នំពេញ៖ កាន់តែធ្ងន់ធ្ងរហើយខណៈដែលរោងចក្រកាត់ដេរមួយកន្លែងរកឃើញអ្នកផ្ទុកជំងឺកូវីដ-១៩ រហូតដល់២១៣នាក់ ក្នុងចំណោមកម្មករសរុប៨១៧នាក់។

យោងតាមសេចក្តីរាយការណ៍ពី លោក ឯម ភារី នាយនគរបាលប៉ុស្តិ៍ ស្ទឹងមានជ័យទី៣ ​បានឱ្យ “កម្ពុជាថ្មី” ដឹងនៅព្រឹកថ្ងៃទី២៩ ខែមិថុនានេះថា កាលពីម្សិលមិញសឹងពេញមួយថ្ងៃ​ ក្រុម​គ្រូពេទ្យ​ស្ម័គ្រចិត្តសម្តេចតេជោ បានចុះទៅយកសំណាកពីកម្មករ កម្មការិនីបម្រើការនៅរោងចក្រ​កាត់​ដេរ​មួយយីហោ “ជេអេចហ្គាមិនខេមបូឌា” មានទីតាំងភូមិដំណាក់ធំ៣ សង្កាត់​ស្ទឹងមានជ័យ​៣ ខណ្ឌមានជ័យ រាជធានីភ្នំពេញ ដែលការចុះយកសំណាកនេះគឺធ្វើឡើង​ចាប់ពីម៉ោង១០​ព្រឹក​ ថ្ងៃទី២៨ ខែមិថុនា រហូតដល់យប់ថ្ងៃដដែល។ ការចុះយកសំណាកនោះបានរកឃើញកម្មករ កម្មការិនីមានវីជ្ជមានកូវីដ-១៩ ចំនួន២១៣ ក្នុងចំណោមកម្មករ៨១៧នាក់។

លោកនាយប៉ុស្តិបន្តថា ចំពោះអ្នកជំងឺត្រូវបានដឹកយកទៅព្យាបាល ដោយឡែកអ្នកអវិជ្ជមានត្រូវបានក្រុមគ្រូពេទ្យអនុញាតឱ្យត្រឡប់ទៅផ្ទះ និងធ្វើចត្តាឡីស័កចំនួន១៤ថ្ងៃ៕

អត្ថបទ៖ នរា